LUKE 20:2 - Navajo Bible

² áko ádahałní, Nihił hólne', ha'át'íí bee óhólnííh shį́įshą' bik'ehgo díidí baa naniná, éí doodaii' háishą' díí bee óhólnííh neidiní'ą́?

LUKE 20:2 ပူးပေါင်းရင်းမြစ်များ

EXODUS 2:14

Áko áhodííniid, Háishą' naat'áanii índa ánihwii'aahii nihá ániilaa? Ííjip dine'é ła' síníłhínígi át'éegoósh shí ałdó' shidiyííłhééł? Áko Mózes t'óó hoł hóóyéé' áádóó ájíní, T'áá ga' aaníí bił béédahoozin lá! dziniizį́į́'.

LUKE 20:1

Łah kin bii' sohodizin bił haz'ą́ą́ góne' diné nazhnitingo, hane' yá'át'éehii baa hojilne', nít'éé' aláahgo nááda'iiłniihii áádóó bee haz'áanii yínda'niłtinii índa diné yá aląąjį' naazíinii haa yíkai,

LUKE 20:3

Áko hach'į' t'ą́ą́' hanáádzíi'go áhodííniid, Shí ałdó' łahgo nanihídídéeshkił; k'ad shił dahołne',

JOHN 2:18

Áko Jew dine'é hadaasdzíi'go ádahodííniid, Nóhólníihgo díí íinidzaaígíishą' ha'át'íí bee bééhózin dooleełii bee nihił bééhodíísįįł?

ACTS 7:27

Nidi bik'is bąąhági ííł'į́ nít'é'ígíí nahjį' honíyilgo áháłní, Háishą' nihinanit'a'í nílį́įgo áádóó nihá nihoyí'aahgo ániilaa?

ACTS 7:51

Ák'eha'į́ bee nihik'os daniłdzilii, nihijéí doo binídahaz'áii índa nihijaa' doo daalzį́į'ii nidahonohłinii, ts'ídá t'áá áłahjį' Níłch'i Diyinii bich'į' dooda bee nidasoołtee'. T'áá danihizhé'é ádaadzaa yę́ęgi át'éego ádaaht'į́.