LUKE 2:9 - Navajo Bible

⁹ Nít'éé' Bóhólníihii bidiyingo naal'a'í hak'i hoole'go Bóhólníihii bits'ádi'nílíidii bee hanaagóó i'díídláád, áko t'áá íiyisí nídadzisdzííd.

LUKE 2:9 ပူးပေါင်းရင်းမြစ်များ

I KINGS 8:11

áko kin bii' sohodizin góne' k'os ni' nihisheegizhígíí biniinaa nááda'iiłniihii doo nidaol'a' át'ée da, háálá Bóhólníihii bee bi'oh hodidilyéehii Bóhólníihii bikin bii' sohodizin góne' hadeezbin.

EXODUS 16:10

Ákódzaago Éran éí Ízrel dine'é yinéłígíí t'áá ałtso yich'į' yáłti'go honoojíijigo dadéé'į́į́' nít'éé', shoo, Bóhólníihii yee ayóó át'éii k'os biyi'jį' yit'íní silį́į́'.

EXODUS 16:7

áko abínígo índa Bóhólníihii yee ayóó át'éii deidoołtsééł, háálá éí bich'į' saad dahonohłónígíí yidiits'a'. Nihíshą' ha'át'íí niidlį́įgo nihich'į' saad dahonohłǫ́?

ISAIAH 35:2

Áko lą'ígo bílátah da'iidoogahgo t'áá bił hózhónígíí yee hataałgo bił nihoozhǫǫh doo; Lébanan kéyah yee ayóó ánóolninii áádóó Dził Kármel índa Shéran honíteel yee aláahdi hózhónígo bił haz'ánígíí éí baa didoot'ááł; Bóhólníihii yee ayóó ánóolninii áádóó nihiDiyin God yee aláahdi át'éii yidooltsééł.

ISAIAH 40:5

áko Bóhólníihii yee ayóó át'éii yit'íní dooleeł, áádóó nihokáá' dine'é t'áá ałtso t'áá ła' bizhi'ee dahwiidoołtsééł, háálá Bóhólníihii t'áá bí yee haadzíí'.

ISAIAH 60:1

Nídiidáahgo adííníłdíín, háálá adinídíín ná baa hoolzhiizh; Bóhólníihii bee bits'ádi'nílíidii bee nik'i diidláád.

EZEKIEL 3:23

Áko dah diiyáago halgaigóó níyá; nít'éé' Kííbar tooh bibąąhgóó Bóhólníihii bee bits'ádi'nílíidii yiiłtsáanii ákwii sizį́įgo náánéiłtsą́, jó'akon, áko tsé'yaa níshjool.

MATTHEW 1:20

Nidi díí yaa nitsíkees nít'éé' nayiiyeełgo Bóhólníihii bidiyingo naal'a'í bich'į' yit'íní í'diilyaago ábíłní, Jóseph, David biye' nílíinii, Mary ne'asdzą́ą́ yileehígíí t'áadoo bik'ee nił yé'í, háálá Níłch'i Diyinii bibee adziilii bee iz'niiltsąąd.

LUKE 1:28

Áko diyingo naal'a'í hoł yah ííyáago áhodííniid, Nił hózhǫ́ǫ le', agháago nich'ohas'ne'ii, Bóhólníihii nił hólǫ́! Asdzání bitahgi nik'ihojisdli'!

LUKE 2:8

T'áá éí kéyah haz'ą́ągi nida'niłkaadii tł'ée'go dibé yaa ádahalyą́.

LUKE 24:4

Díí t'ahdii ch'ééh baa nitsídadzikeesgo, jó'akon, diné nidilt'éego bi'éé' t'áá íiyisí bits'ádi'nílíidgo hwíighahgi yiizį',

JOHN 12:41

Aizéíyah díí yee haadzíí', háálá hats'ádi'nídínígíí yiyiiłtsą́ągo haa yáłti'.

ACTS 12:7

Nít'éé' ákohgo Bóhólníihii bidiyingo naal'a'í hwíighahgi yiizį'go siláo bił jizhjé'í góne'é i'díídláád, áádóó Peter booshk'iizhjí néidííkaadgo ch'éinísidgo ííłní, Tsxį́įłgo nídiidááh! Áko béésh da'ahólzha'í hálátsíín bąąh nidí'níidee'.

ACTS 27:23

Háálá tł'éédą́ą́' Diyin God bíí' nishłíinii áádóó dinisinii, bidiyingo naal'a'í shíighahgi yiizį',

ACTS 5:19

Nidi tł'ée'go Bóhólníihii bidiyingo naal'a'í awáalyaa bidáádílkał há ąą ádeile'go áádóó ch'íhoní'eezhgo áháłní,

II CORINTHIANS 3:18

Áko nihí t'áá áníiltso t'áadoo nihinii'jį' bik'ída'asti'í bii' adéest'į́į́' biyi'jį' adéest'į́'ígi át'éego Bóhólníihii bee bits'ádi'nílíidii daníil'į́, áádóó Bóhólníihii éí Níłch'i Diyinii nilį́įgo nihiyi' naalnishgo Bóhólníihii bits'ádi'nílídígi át'éego t'áá ałkéé' honí'ą́ągo nihí ałdó' nihits'ádi'nílííd dadiidleeł.

II CORINTHIANS 4:6

Diyin God éí, Chahałheeł biyi'dę́ę́' adinídíin le', dííniidii t'áá éí Christ binii' yik'i diiłdíinii nihił béédahodoozįįł biniyé bee bits'ádi'nílííd bee bééhózinii nihijéí yii' dííłdíín.

I TIMOTHY 3:16

Deiniidláanii bína'niltin doo bééhózin da yę́ę éí ts'ídá doo naaki nilį́į́góó ayóó át'éii át'é: Diyin God éí ats'íís silį́į'go yit'íní ályaa, Níłch'i Diyinii bee ts'ídá t'áá ákogi ájít'é ho'doo'niid, áádóó diyingo nidaal'a'ii dahoołtsą́, ał'ąą dine'é bitahgóó haa hóóne', nihokáa'gi ho'doosdląądgo ha'oosdlíí', yá'ąąshdi adinílííd biyi'jį' náho'diiltį́.

HEBREWS 12:21

Éí níl'į́įgo t'óó báhádzidígi át'éego bik'ee hóyée'go Mózes ání, T'áá íiyisí bik'ee shił yée'go shitah hoditłid.

REVELATION 18:1

Kódzaadóó bik'ijį' náánáła' diyingo naal'a'í ayóó át'éego bóhólníihgo, yá'ąąshdę́ę́' hadah hooleełgo yiiłtsą́. Bee bits'ádi'nílíidii nahasdzáán bikáa'gi bee hoos'įįd.

REVELATION 20:11

Nít'éé' bikáá'dóó nahat'áii ayóo da'át'éego łigai léi' índa yikáá'dóó dah sidáii t'áá bił náánéiłtsą́. Éí nahasdzáán áádóó yádiłhił ts'ídá doo néidooltsééłgóó hats'ą́ą́dóó bił yóó'ahóóyá.