LUKE 2:7 - Navajo Bible

⁷ Áko ashkii átsé doochíłígíí jishchį́įgo na'at'ą́hí łigaígíí bił dzizdisgo béégashii yii' nída'alchoshígíí biih jííłtį́, háálá da'nijahí góne' doo há haz'ą́ą da lá.

LUKE 2:7 ပူးပေါင်းရင်းမြစ်များ

GENESIS 42:27

Nít'éé' ł a' nída'njahgi hatélii ba'jíjááh biniyé hwe'azis dázhdíí'ah; t'ah nít'éé' hwe'azis bii' habéeso sinilgo dziiłtsą́.

GENESIS 43:21

Áádóó nída'njahgi niikaigo nihe'azis ąą ádeiilyaa nít'éé'; t'ááłá'í niitínígo nihibéeso t'áá át'é azis bii' naaz'nil lá, áko éí béeso naa nídaniijaa'.

PSALMS 22:6

Nidi ch'osh nahonishłin, áko doo diné nahonishłin da; diné bá nahat'i'ii índa diné bi'dit'íinii nishłį́.

EXODUS 4:24

Níjookahgo nída'njahgi jíkaigo Bóhólníihii haa honíle'go hodiyeeshxééł, hó'ní.

ISAIAH 7:14

Éí bąą Bóhólníihii t'áá bí bee ééhózinii nihaididoo'ááł: Jó'akon, ch'ikę́ę́h t'ah doo diné bee haleehii idí'nóoltsąąłgo ashkii yidoołchííł áádóó Imányowel yee yídóozhiił.

MATTHEW 1:25

nidi t'áadoo baa níjít'įįhí biyáázh yishchį́, áádóó Jesus bee jíízhi'.

MATTHEW 13:55

Da' díísh doo kin ííł'íní biye' át'į́į da? Da' bimáásh doo Mary wolyée da? Áádóó da' dabitsilíísh doo James índa Jóseph áádóó Sáíman índa Júdas daolyée da?

MATTHEW 8:20

Áko Jesus áháłní, Mą'ii dootł'izhí be'a'áán dahólǫ́, áádóó tsídii wódahgo nidaat'a'ígíí bit'oh dahólǫ́, nidi Diné Silį́į'ii éí t'áadoo nizhnót'áałgi da.

LUKE 10:34

áádóó hach'į' niníyáago atího'diilyaa yę́ęgóó ak'ah índa wáin yąąh áyiilaago yik'í'deezdiz, áko bitélii yik'i dahastį́, áádóó da'njahgi hoł yah íí'áazhgo haa áhályą́.

LUKE 2:6

t'áá ákwe'é dzizkéego, azhdoołchíiłjį' ayííłką́.

LUKE 2:8

T'áá éí kéyah haz'ą́ągi nida'niłkaadii tł'ée'go dibé yaa ádahalyą́.

JOHN 1:14

Saadígíí éí diné dzizlį́į́', áádóó ajooba' áádóó t'áá aaníinii hwii' hadeezbingo nihitahgóó kééhojit'į́į́ nít'éé'; aTaa' nilíinii t'ááłá'í bá yizhchínígíí yee ayóó át'éii bee ayóó ájít'éhígíí daníil'į́į́'.

II CORINTHIANS 8:9

Háálá nihiBóhólníihii Jesus Christ bibee ajooba' nihił béédahózin, jó, éí azhą́ at'į́į nidi, bahojoobá'í silį́į́', háálá nihá bahojoobá'í silį́'ígíí binahjį' nihí da'dooht'įįł.

GALATIANS 4:4

Nidi ts'ídá baa hoolzhiizhgo Diyin God biYe' yiníł'a', éí asdzání bishchį́, áádóó yizhchį́įgo bee haz'áanii yik'eh hół'į́įgo hináá nít'éé'.