LUKE 2:4 - Navajo Bible

⁴ Áádóó Jóseph ałdó' Gáliliidę́ę́', Názareth hoolyéego kin haal'áhídóó, Judíya biyi'góó David bikin haal'áhígíí Béthlehem hoolyéejį' jiníyá, háálá David ba'áłchíní náás ahoolchíłígíí ła' jílį́,

LUKE 2:4 ပူးပေါင်းရင်းမြစ်များ

GENESIS 35:19

Áko Réíchel daaztsą́ągo Éfrathgóó atiinígíí bíighahgi łeeh bi'dooltį́; t'áá ákwe'é Béthlehem hoolyé.

GENESIS 48:7

Áko shí éí Péídan hoolyéédę́ę́' yishááł yę́ędą́ą́' Kéínan kéyahdi yii'néełgo Éfrath hoolyéhíjį' t'áá áyídí hadziihgo Réíchel shąąh daaztsą́, áko Éfrath t'ah bich'į' yii'néełgo yóó'áhooshłaa; ákwe'é Béthlehem hoolyé.

MICAH 5:2

Nidi nihí, Béthlehem Éfratahdóó dine'é danohłíinii, azhą́ Júdah dine'é miil yilt'éego bitahgi ánółch'į́į́dí nidi, nihits'ą́ą́dóó Ízrel dine'é binanit'a'í éí t'áá ałk'idą́ą́' hool'áádę́ę́' naagháii shá ch'ídoogááł.

MATTHEW 1:20

Nidi díí yaa nitsíkees nít'éé' nayiiyeełgo Bóhólníihii bidiyingo naal'a'í bich'į' yit'íní í'diilyaago ábíłní, Jóseph, David biye' nílíinii, Mary ne'asdzą́ą́ yileehígíí t'áadoo bik'ee nił yé'í, háálá Níłch'i Diyinii bibee adziilii bee iz'niiltsąąd.

MATTHEW 2:23

Diyin God yá dahalne'ii, Názariin deiłníi dooleeł, daaní yę́ę bohodoolnííł biniyé Názareth kin haal'áagi jinínáago ákwii kééhojit'į́.

LUKE 2:3

Áko t'áá ádzíłtso daházhi' naaltsoos bik'idadoodzoh biniyé, t'áá hó hakin hadaas'áágóó adadziiskai.

LUKE 2:5

Mary, hwe'asdzą́ą́ dooleełgo haa deet'ánígíí bił, házhi' naaltsoos bik'idoodzoh biniyé jiní'áázh, áko Mary éí yiltsą́ągo

LUKE 4:16

Názarethdi hodi'neeszánígi jiníyá, áko háá'áyį́į́h jį́ azlį́į'go, t'áá áńjiit'įįhígíí bik'ehgo kin bii' áłah ná'ádleeh góne' yah ajííyáago, bich'į' íízhdóołtah biniyé dziizį',

JOHN 1:46

Nít'éé' Natháneiyel áhodííniid, Da' Názarethdóó ha'át'íhída yá'át'éehiísh t'áá hodooleeł? Áko Philip áhodííniid, Tį', t'áá ni nił bééhodoozįįł.

JOHN 7:42

Da' doósh Diyin God bizaad bee ak'e'ashchínígíí áníi da, Christ éí David bits'ą́ą́dóó oochíiłii jílį́į doo, t'áá David kééhat'į́į́ nít'é'ídóó, Béthlehem kin haal'áhídóó?

RUTH 1:19

Áko t'áá ájíłah dashdii'áazhgo Béthlehem kin shijaa'di níjít'áázh. Áko Béthlehemgi jiní'áazhgo t'áá át'é kintahgóó t'óó hak'ee bił adahóóyóí, áko ádaaní, Da' díísh Neiyómii át'į́?

RUTH 2:4

Áádóó jó, Béthlehem kin shijaa'dę́ę́' Bó'az níyáago da'ayizhígíí áyidííniid, Bóhólníihii nihił hólǫ́ǫ doo. Áko áńdahodoo'niid, Bóhólníihii nik'ijidlí.

RUTH 4:11

Ákohgo kin haal'á bidáń'dítį́įhgi diné áłah silį́'ígíí t'áá ałtso áádóó hastóí ałdó' ádaaní, Oo'íinii lá daniidlį́ ni. Bóhólníihii éí asdzání nighan góne' yah adoogáłígíí díí yá íidoolííł: Réíchel áádóó Líyah éí t'áá áłah Ízrel dine'é k'ee'ąą yiyííłąądígi át'éego ná áyóle'. Éfata haz'ą́ągi ít'į́į doo áádóó Béthlehemgi ts'ídá néého'dílzin doo.

RUTH 4:17

Áádóó asdzání hoł kéédahat'íinii awéé' bízhi' yá ádayiilaago ádaaní, Neiyómii bá ayáázh yizhchį́. Óbed wolyée doo. Éí Jésii yizhé'é nilį́į́ nít'éé', áádóó Jésii éí David yizhé'é nilį́į́ nít'éé'.

I SAMUEL 16:1

Bóhólníihii éí Sámuel áyidííniid, Haash nízáágóó Saul baa yínííł nílį́į doo; shą́ą́', nináałgo Ízrel dine'é binanit'a'í jílį́į́ nít'éé' nidi doo honiizį́į' da? Ak'ah ni'adee' bii' hadíłbin, áádóó Béthlehem kin shijaa'dóó diné nilíinii Jésii bighangóó nideesh'aał, háálá éí biye'ké bitahdóó ła' aláahgo naat'áanii dooleełgo ádá nídiishtį́.

I SAMUEL 16:4

Áko Sámuel éí Bóhólníihii hach'į' yee haadzíi'ii bik'eh ádziidzaago Béthlehem kin shijaa'gi jiníyá. Áko kin shijaa'dóó hastóí bich'į' joogáałgo hak'ee bitah dahoditłidgo ádaaní, K'éésh bił yíníyá?

I SAMUEL 17:12

Áko David éí Éfrata dine'é nilíinii biye' jílį́; éí Júdah kéyahgi Béthlehem kin shijaa'dóó naagháii Jésii wolyé; biye'ké tseebílt'é. Saul nant'áago hoolzhish yę́ędą́ą́' Jésii éí diné bitahgi łą́ binááhaigo t'áá hazhó'ó hadzistih.

I SAMUEL 17:58

Áko Saul áhodííniid, Dinééh nílíinii, háishą' biye' nílį́? Áko David áhodííniid, Béthlehem dine'é Jésii ná naal'a'í nilíinii biye' nishłį́.

I SAMUEL 20:6

Nizhé'é shíhoosa' ládą́ą́' kóbijiniih, David ts'ídá haleebee náshookąąhgo badi'ní'ą́ągo Béthlehem t'áá bí bikin shijaa'ígóó anáádzá, háálá t'áá nínáhah bik'eh bik'éí t'áá ałtso náá'iiniih bá néit'aah.