LUKE 2:34 - Navajo Bible

³⁴ Símiyan hak'i sodoolzingo hamá Mary áyidííniid, Jó'akon, díí awéé' bik'ee Ízrel dine'é lą'í naa'ahidínóodah índa lą'í náhididookah biniyé niiltį́, áádóó Diyin God bits'ą́ą́dę́ę́' bee ééhózinii nilį́įgo diné lą'í bits'ą́ą́jí yádaałti' doo,

LUKE 2:34 ပူးပေါင်းရင်းမြစ်များ

GENESIS 14:19

Áko Melkízedek hak'ijisdli'go ádííniid, Diyin God Aláahgo Ayóó'át'éii, yádiłhił índa nahasdzáán áyiilaii, Éíbram yik'ijidlíi le'.

GENESIS 47:7

Áko Jóseph éí bizhé'é Jéíkab, Féro yich'į' yił yah íí'áázh, áádóó Jéíkab éí Féro yik'ijisdli'.

EXODUS 39:43

Áko Mózes éí naanish ałtso ła' dajiilaaígíí hayíísid; jó, Bóhólníihii éí hach'į' yee haadzíi'ii bik'ehgo ałtso nidaashnish lá. Ałtso nidajishnishígíí Mózes hak'ijisdli'.

ISAIAH 8:18

Shoo, t'áá ałtsoní bee Bóhólníihii Dził Záíyan bighą́ą'di kééhat'íinii éí shí áádóó áłchíní sheinínilígíí Ízrel dine'é bitahgi bee éédahózinii áádóó t'óó bik'eda'ayóii daniidlį́.

HOSEA 14:9

T'áá háiida hojíyáanii díí bik'izhdi'yiitįįh doo. T'áá háiida hóyą́ągo nitsíkeesii díí bił bééhózin doo. Háálá Bóhólníihii yee át'éii ts'ídá t'áá ákogi át'é áádóó t'áá ákogi át'éii yii' deíkáah dooleeł. Bee haz'áanii dayiitíihii chą́ą́h dahidínídééh.

MATTHEW 11:19

Diné Silį́į'ii éí doodį́įłii áádóó doodlį́įłii yiyą́ągo níyá, áko diné ádaaní, Jó'akon, diné dibidii áádóó adláanii nilį́į́ lá, tax nahalyéhígíí yiniyé naazdáii índa bąąhági ádaaníiłii yich'ooní nilį́į́ lá! Ákondi hódzą́ éí yee ááníiłii binahjį' ts'ídá t'áá ákogi át'éego bee bééhózin.

MATTHEW 12:46

Jesus éí diné áłah nilínígíí t'ah bich'į' yájíłti'go, jó'akon, hamá índa hatsilíké hach'į' hadadiidzih daaníigo tł'óo'di naazį́.

MATTHEW 21:44

[Áádóó t'áá háiida díí tsé bik'ijį' ajíígo'ígíí nihizhdooltǫǫł, nidi t'áá háiida hak'ijį' naalts'idígíí ch'íhodoołk'ááł.]

MATTHEW 27:63

kódaaníigo, Nihinanit'a'í nílíinii, éí anó'áahii t'ah hiná yę́ędą́ą́', Táá' yiską́ągo náádideeshdááł, dííniidii béédeiilniih.

LUKE 2:35

áko éí bee diné t'óó ahayóí bintsíkees nideinił'inii bikáa'jį' hadoo'nił. Áádóó yínííł diltłish nahalingo nii' sizíinii bighá doolnoł.

JOHN 3:20

Háálá t'áá ádzíłtso doo yá'áshǫ́ǫ́góó ádajooníiłii éí adinídíín nilíinii dajijoołá, áko doo yit'íní í'dazhdi'doolníłígíí biniyé doo ła' adinídíinjį' ch'ídajíkáah da.

JOHN 5:18

Áko háá'áyį́į́h jį́į́ góne' Jew dine'é bibee haz'áanii k'ízhníti'ígíí biniinaa Jew dine'é dahodiyiilyééł daniizį́į́', nidi doo t'áá éí t'éiyá biniinaa da, nidi Diyin God shiTaa' bijiníigo Diyin God bił ahijíłt'éego ízh'dólzinígíí biniinaa t'ah aláhídi át'éego dahodiyiilyééł daniizį́į́'.

ACTS 13:45

Nidi Jew dine'é éí t'óó ahayóí áłah azlį́'ígíí dayiiłtsą́ągo t'áá íiyisí dayoołch'į́įdgo, Paul bee hadzoodzí'ígíí doo ákót'ée da daaníigo bizadahóchį'.

ACTS 17:6

Áko ch'ééh hadahoneeztą́ą'go Jéísan áádóó ałk'isóó danilíinii kin haal'áagi naat'áanii yaa dayiizdzį́įzgo hadadeeshghaazhgo ádaaní, Díí diné éí t'áá ałtsogóó diné yił hadahoneeshchaadígíí t'áá éí ní'áazhgo,

ACTS 24:5

Jó, nihił béédahoozingo, eii diné nihwiiłchxǫǫhii nilį́, áádóó kéyah t'áá át'éé nít'éé' Jew dine'é bitahgóó hááhoniłcha'go naaghá, índa ła', Názariin dabidii'nínígíí yich'ijí danilíinii yá naha'áii nilį́.

ACTS 28:22

Nidi bee nitsíníkeesii ná dadidiits'į́į́ł daniidzin, háálá díí nahadlá bee ałts'á'áldah ha'nínígíí t'áá ałtsogóó dooda daha'níigo bee yádaati'go nihił béédahózin.

ACTS 4:26

Nihokáá'góó aláahgo naat'áanii hasht'e'ádadiilyaa, áádóó Bóhólníihii Diyin God jílíinii, haChrist t'áá bił naat'áanii danilíinii hach'į' nídahididookah biniyé ahidahidiikai.

ACTS 6:7

Áko Diyin God bizaad k'ee'ąą dínéesą́, áádóó Jerúsalemgi ídahooł'aahii t'áá íiyisí k'ee'ąą deeshzhiizh índa nááda'iiłniihii t'óó ahayóí na'nitin woodláanii yik'eh dahół'íinii daazlį́į́'.

ROMANS 9:32

Ha'át'éegoshą'? Jó, Jesus doo dajoodlą́ą́góó bee haz'áanii binahjį' ch'ééh ádajíít'įįdgo éí bąą. Tsé bik'ee dazhdidoogohii biniinaa dazdeezgo'.

I CORINTHIANS 1:23

Nidi nihí éí tsin ałnáoszid bąąhjį' Christ bił o'oolkaalígíí baa dahwiilne'. Éí Jew dine'é dabidínóołtł'ahii át'é, áádóó Gríik dine'é danilíinii hane' bee bił dahwiilne'ígíí éí hane' t'áá ádzaaí át'é danízin,

HEBREWS 7:1

Melkízedek, éí Séílemgi aláahgo naat'áanii jílį́įgo, Diyin God Aláahgo Ayóó'át'éii bináá'iiłniihii jílį́. Éíbraham aláahgo naat'áanii danilíinii neistseedę́ę́' náádáałgo Melkízedek bidááh níyá áádóó bá sodoolzingo bik'ijisdli'.

HEBREWS 7:7

T'áadoo naaki nilíní aláahgo át'éii éí a'ohgo át'éii yik'ijidlíigo bééhózin.

I PETER 4:14

Christ bíí' danohłínígíí biniinaa nihił nida'í'įįh nidi baa nihił dahózhǫ́, háálá Níłch'i Diyinii ayóó át'éii, Diyin God biNíłch'i Diyinii, nihik'i hoole'. Danihódziih nidi Diyin God éí íiyisí dayódziih, nihíjígo nihee Diyin God baa ha'niih.

I SAMUEL 2:20

Ákohgo Íílai éí Elkéínah áádóó hwe'asdzą́ą́ yił yik'ijisdli'go ání, Bóhólníihii éí díí asdzání binahjį' áłchíní neidiyii'aahígíí Bóhólníihii baa nídinoo'áanii bitsásk'ehgi niha'áłchíní danilį́į doo. Áádóó haghangóó aníjoot'áázh.