LUKE 2:23 - Navajo Bible

²³ (Bóhólníihii bibee haz'áanii bii' bee bik'e'ashchínígi át'éego, Ashiiké alą́ąjį' nidahachíhígíí t'áá ałtso Bóhólníihii baa nídeet'áanii dabidi'níi dooleeł).

LUKE 2:23 ပူးပေါင်းရင်းမြစ်များ

EXODUS 13:2

Ízrel dine'é bitahgi alą́ąjį' yizhchíinii t'áá át'é diyingo shá nihidí'aah; jó, diné áádóó alį́į́' éí daashí.

EXODUS 22:29

Aneest'ą' dasinoołt'áanii áádóó ch'il na'atł'o'ii bineest'ą' bitoo' dahólóonii alą́ąjį' náníníłt'áanii náádiyííłnihígíí t'ááká bił náás hodólzhíísh lágo. Nihiye'ké alą́ąjį' nihá daazhchíinii shaa dahohnííł.

EXODUS 34:19

Alą́ąjį' nidaho'diizhchínígíí t'áá ádzíłtso shíí' dajílį́, índa danihilį́į'da, béégashii áádóó dibéda dabiką'go alą́ąjį' nidahachíhígíí t'áá ałtso daashí.

NUMBERS 18:15

Áádóó alą́ąjį' nidahachíhígíí t'áá ałtso éí diné, doodaii' naaldlooshii éí Bóhólníihii baa náhidit'aahígíí ni doo, nidi diné alą́ąjį' nidahachíhígíí t'ą́ą́' nááhidííłnih; naaldlooshii doo daadáanii áłtsé nidahachíhígíí t'ą́ą́' nááhidííłnih.

NUMBERS 3:13

háálá alą́ąjį' daazhchíinii t'áá ałtso shí; Ííjip kéyahdi alą́ąjį' daazhchíinii t'áá ałtso niséłtseed bijį́į́dą́ą́' éí Ízrel dine'é bitahgóó alą́ąjį' daazhchíinii t'áá ałtso éí diné índa naaldlooshii ádá dinisingo ats' ánínil; éí daashíí' dooleeł; jó, shí Bóhólníihii nishłį́.