LUKE 2:14 - Navajo Bible

¹⁴ Aghánáhóó'áágóó Diyin God baa ha'niih, índa nahasdzáán bikáa'gi diné éí Diyin God yaa bił dahózhónígíí bich'į' hózhǫ́ náhásdlį́į́'!

LUKE 2:14 ပူးပေါင်းရင်းမြစ်များ

ISAIAH 44:23

Yá'ąąshdi dahonohłóonii, dahohtaał, háálá Bóhólníihii ádzaa; nahasdzáán bikáá'dóó dahonohłóonii, hadadołgháásh; dził danohłíinii áádóó tsin dayíl'áii índa tsin t'ááłá'í níkaadgo, sin hadadoh'aah, háálá Bóhólníihii éí Jéíkab yik'é niná'ídlá, áko Ízrel binahjį' baa ha'niih.

ISAIAH 49:13

Yá biyi'di hiníláii danohłíinii, dahohtaał; nahasdzáán bikáa'gi dahonohłóonii, nihił dahózhǫ́; dził danohłíinii, sin hadadoh'aah, háálá Bóhólníihii bidine'é yił náhóóshǫǫd índa bich'į' nidahwii'náanii yaa a'ááh dínóozįįł.

ISAIAH 57:19

Bizéé'dóó aa ha'niih hólǫ́ǫgo ádeeshłííł; nízaadi áádóó t'áá áhánígi dahólóonii bich'į' hasht'ehodít'é, hasht'ehodít'ée le', ní Bóhólníihii, áko hadaałt'é ánáhodeeshdlííł.

MICAH 5:5

Díí diné éí k'é nilį́į doo. Asíriya nihikéyahjį' adahakáahgo índa nihinanit'a'í dabighan yik'i nihidiikaigo dibé yaa ádahalyáanii tsosts'id yilt'éego índa naat'áanii tseebílt'éego bił hach'į' nídidiikah.

MATTHEW 21:9

Áko halą́ąjį' índa hakéédę́ę́' nooyéłígíí dadilwoshgo ádaaní, David biYe' nilíinii baa ha'niih doo! Bóhólníihii bízhi' bee bi'dójíigo yigáłígíí bik'ihojidlíi doo! Aghánáhóó'áádę́ę́' baa ha'niih doo!

LUKE 1:79

chahałheełgi índa aniné bichaha'ohgi nidaháaztánígíí bik'i adinídíin doo, áádóó hózhǫ́ǫgo honít'i'góó nihoo'ish doo.

LUKE 19:38

áko ádaaní, Aláahgo Naat'áanii, Bóhólníihii bízhi' bee bi'dójíigo yigáłígíí bik'ihojidlíi doo! Yá'ąąshdi hózhǫ́ǫ doo, índa aghánáhóó'áadi ni'deezlíid doo!

LUKE 2:13

Nít'éé' t'áadoo hooyání éí diyingo naal'a'í binaagi yá biyi'dę́ę́' diyingo nidaal'a'í t'óó ahayóí áłah silį́į́', áko Diyin God yaa dahaniihgo ádaaní:

LUKE 2:15

Ákódzaago diyingo nidaal'a'í yá'ąąshgóó nídaasdlį́į'go, nida'niłkaadii áda'ahidoo'niid, Sołtį', Béthlehemgóó diikah, áadi áhóót'įįdígíí Bóhólníihii nihił ííshją́ą́ áyiilaaígíí dadíníil'įįł.

LUKE 3:22

áádóó Níłch'i Diyinii hasbídí ánoolinígi át'éego hak'ijį' hadahóóle', áádóó yádiłhił biyi'dę́ę́' iinéé' diists'ą́ą'go ání, ShiYe' ayóó'óósh'níinii nílį́; t'áá íiyisí naa shił hózhǫ́.

JOHN 14:27

Nihich'į' hózhǫ́ǫ le', shibee ił hózhǫ́ nihaa dinish'aah; doo nihokáá' dine'é aa deidiyii'aahígi át'éego nihaa dinish'aah da. T'áadoo nihijéí bii' nihíni' daałání, índa t'áadoo nídaałdzidí.

JOHN 17:4

Ni' bikáá' ayóó ánít'éego ániishłaa, naanish shaa dííní'ánígíí ałtso ła'yishłaa,

JOHN 3:16

Háálá Diyin God éí nihokáá' dine'é t'áá íiyisí ayóó'ájó'níigo bąą haYe' t'ááłá'í há yizhchínígíí baazhníłtį́, áko t'áá háiida boodlą́ągo baa dzólíhígíí éí doo ádoodįįł da, nidi iiná doo ninít'i'ii bee hólǫ́ǫ dooleeł.

ACTS 10:36

Ízrel dine'é bich'į' hane' ájiilaaígíí, éí Jesus Christ binahjį' hane' yá'át'éehii bee ach'į' hózhóonii baa hojoolne'go (Jesus éí diné t'áá ałtso yee bóhólníihii nilį́į́ lá),

ROMANS 5:1

Éí bąą nihe'oodlą' bee t'áá ákogi ádaniit'éego nihá ha'oodzíi'go nihiBóhólníihii Jesus Christ bee Diyin God bił nihita'gi k'é náhásdlį́į́'.

EPHESIANS 1:6

BiYe' ayóó'áyó'níinii biniit'aa bibee ajooba' ayóó át'éii yee nihik'ijisdli'go nánihidiinilígíí bee baa dahwii'niih doo.

EPHESIANS 1:9

t'áá bí íinízinígíí bik'ehgo yaa bił hózhǫ́ǫgo yinahaz'áanii doo bééhózinii nihił bééhózingo áyiilaa.

EPHESIANS 2:4

Nidi Diyin God ayóó át'éego nihaa a'ááh jinízingo áádóó hwe'ayóó'ó'ó'ni' ayóó át'éii bee ayóó'ánihijó'níigo bąą

EPHESIANS 2:7

Hoolzhishgóó Christ Jesus bee nihich'į' há áhwiinít'į́'ígo habee ajooba' bee nihilááshneel'áanii, doo bí'nól'ąąh át'éii ííshją́ą́ ázhdoolííł biniyé yisdánihijíínil.

PHILIPPIANS 2:11

Áádóó Diyin God aTaa' baa ha'niih doo biniyé diné t'ááłá'í jinítínígo Jesus Christ éí Bóhólníihii nilį́ dajiníigo bee hadahizdoodzih.

PHILIPPIANS 2:13

háálá ádeinohsinígíí índa ádaaht'ínígíí bee Diyin God bił dahonohshǫ́ǫ doo biniyé nihinaalnish.

COLOSSIANS 1:20

Áko tsin ałnáoszid bąąhjį' dadziztsą́ą́dą́ą́' hadił deezna'ii bee Diyin God k'é néist'įįdgo nahasdzáán bikáa'gi dahólóonii áádóó yádiłhił biyi'di dahólóonii t'áá ałtso hwee Diyin God bich'į' hózhǫ́ náhásdlį́į́'.

II THESSALONIANS 2:16

NihiBóhólníihii Jesus Christ t'áá bí, índa Diyin God nihiTaa' ayóó'ánihó'níigo nihaa jooba'go bee ha'ahóní doo nídínéeshii índa ił chohoo'į́ niłdzilii nihaidiní'áanii,

REVELATION 5:13

Nít'éé' yá'ąąshdi áádóó nahasdzáán bikáa'gi áádóó nahasdzáán biyi'di índa táyi'di nidaaldeehii, áádóó biyi'di dahólóonii t'áá ałtso kódaaníigo diséts'ą́ą́', Bikáá'dóó nahat'áii bikáá'dóó dah sidáii índa Dibé Yázhí nilíinii éí aa ha'niih, ił ídlį́, ayóó é'ét'é índa adziil hool'áágóó ahóyéel'áágóó bíí' dooleeł!