LUKE 2:13 - Navajo Bible

¹³ Nít'éé' t'áadoo hooyání éí diyingo naal'a'í binaagi yá biyi'dę́ę́' diyingo nidaal'a'í t'óó ahayóí áłah silį́į́', áko Diyin God yaa dahaniihgo ádaaní:

LUKE 2:13 ပူးပေါင်းရင်းမြစ်များ

GENESIS 28:12

Nít'éé' kót'éego nidziizyeel, jó'akon, nahasdzáán bikáá'dóó haaz'éí yádiłhił biní'á; éí bikáá'dóó Diyin God bidiyingo nidaal'a'í dego áádóó yaago ałnánákahgo jiiłtsą́.

I KINGS 22:19

Nít'éé' Maikéíyah ání, Éí bąą Bóhólníihii ánínígíí diits'į́į́h; Bóhólníihii bibikáá'dóó nahat'áii yikáá' dah sidáago yá'ąąshdi dah deínéehii t'áá át'é binish'náájí áádóó binishtł'ají bíighah naazį́įgo yiiłtsą́.

JOB Naaltsoos Biyi' Job Baa Hane'ii 38:7

Íídą́ą́' hayoołkááł sǫ' dahataałgo Diyin God bidiyingo nidaal'a'í t'áá íiyisí bił dahózhǫ́ǫgo dahóótáál.

PSALMS 148:2

Bidiyingo naal'a'í danohłíinii t'áá ánółtso, baa dahohniih; yá'ąąshdi hinooláii t'áá ánółtso, baa dahohniih!

PSALMS 68:17

Tsindaabąąs bijáád naakiígíí yee dah deínéehii éí diyingo naal'a'í naadiindi mííl, áádóó míildi ałk'i náámíilgo ánéelą́ą́'. Dził Sáínaigi Bóhólníihii diyingo hólónígi át'éego éí bitahgi hólǫ́.

EZEKIEL 3:12

Ákohgo níłch'i de dashidiiłtį́į́ nít'éé', shikéédę́ę́' iinéé' ayóó át'éego diists'ą́ą'go ání, Bóhólníihii bił haz'ą́ą́dóó bits'ádi'nílíidii éí baa ha'niih le'.

DANIEL 7:10

Bidááhdę́ę́' kǫ' tooh nahalingo nílį́. Miiltsoh ádanéelą́ą'go bá nidaas'a', índa neeznádiindi mííltsoh ádanéelą́ą'go bidááhdóó deizį', áko naaltsoos ąą ádaalyaago haa nídahast'įįd.

LUKE 15:10

Ánihidishní, T'áá ákót'éego diné t'ááłá'í bąąhági ááníiłii łahgo át'éego tsíńdeezkéezgo bibąąhági át'éii yits'áníyáii éí Diyin God bidiyingo nidaal'a'í dabinááł t'áá íiyisí baa hózhǫ́.

LUKE 2:12

Áko díí bee nihich'į' ééhózin doo: na'at'ą́hí łigaii éí awéé' bił yisdisgo béégashii yii' nída'alchoshígíí yii' sitį́įgo deidoołtsééł.

LUKE 2:14

Aghánáhóó'áágóó Diyin God baa ha'niih, índa nahasdzáán bikáa'gi diné éí Diyin God yaa bił dahózhónígíí bich'į' hózhǫ́ náhásdlį́į́'!

EPHESIANS 3:10

Diyin God habee hódzáanii ał'ąą át'éego éí da'oodlání t'áá ła' bizhi'ee bee, k'ad yá'ąąsh haz'ą́ądi bídahólníihii áádóó dabidziilii bich'į' ííshjání ázhdoolííł biniyé binahodziz'áanii doo bééhózingóó ájósin nít'éé'.

I TIMOTHY 3:16

Deiniidláanii bína'niltin doo bééhózin da yę́ę éí ts'ídá doo naaki nilį́į́góó ayóó át'éii át'é: Diyin God éí ats'íís silį́į'go yit'íní ályaa, Níłch'i Diyinii bee ts'ídá t'áá ákogi ájít'é ho'doo'niid, áádóó diyingo nidaal'a'ii dahoołtsą́, ał'ąą dine'é bitahgóó haa hóóne', nihokáa'gi ho'doosdląądgo ha'oosdlíí', yá'ąąshdi adinílííd biyi'jį' náho'diiltį́.

HEBREWS 1:14

Ákoshą' diyingo nidaal'a'í ha'át'íí danilį́? Jó, níłch'i danilį́įgo Diyin God yá nidaal'a' áádóó yisdá'iildééh hwíí' dadooleełii háká anájah doo biniyé adabi'diis'a'.

I PETER 1:12

Yá'ąąshdę́ę́' Níłch'i Diyinii hadaal'a'ígíí bibee adziilii bee hane' yá'át'éehii yaa dahalne'ii díí yee nihił dahoolne'. Éidí diyingo nidaal'a'í nidi hoł béédahoozį́į́' laanaa ch'ééh danízin. Diyin God yá dahalne'ii díí t'áá bítséedi yaa dahalne'go doo t'áá bí ádá ádáát'įįd da, nidi nihí nihá nidaal'a'go Diyin God bił ííshją́ą́ áyiilaa.

REVELATION 5:11

Áko déé'į́į'go bikáá'dóó nahat'áii áádóó ha'át'íí shį́į́ dahináanii índa hastóí danilíinii binaadę́ę́' t'óó ahayóí diyingo nidaal'a'í, t'áadoo bee néelą́'ígóó míildi míilgo