LUKE 2:11 - Navajo Bible

¹¹ háálá díí jį́ David bikin haal'áhígi Yisdá'iiníiłii nihá yizhchį́, éí Christ Bóhólníihii nilį́.

LUKE 2:11 ပူးပေါင်းရင်းမြစ်များ

GENESIS 3:15

Áádóó ni índa asdzání bił ałk'ee diní'niihgo ádeeshłííł; na'áłchíní índa éí ba'áłchíní yił ałk'ee dadi'niihgo ádeeshłííł; éí nitsiits'iin yidoołjish; ni éí bikétal dííłjish.

GENESIS 49:10

Naat'á gish Júdah doo bighadootį́įł da; Éí Sháíloh níyáajį' naat'áanii bigish bikee' bita'dę́ę́' doo hadootį́įł da, Áádóó éí bá diné áłashdooleeł.

PSALMS 2:2

Nihokáá'góó aláahgo naat'áanii hasht'e'ádadiilyaa, áádóó Bóhólníihii Diyin God jílíinii índa Ak'ah Bik'i Yadziiziidgo Jíísį́į'ii t'áá bił naat'áanii danilíinii hach'į' nídahididookah biniyé ahidahidiikaigo kódaaní,

ISAIAH 9:6

Háálá awéé' nihá bi'dizhchį́, aye' nihaíltį́; naat'áanii yee hoo'áałii biwos bąąh siláa doo, áádóó bízhi' éí Ayóó'át'éego Kót'é Níinii, Diyin God Ayóó'ábóodziilii, Hool'áágóó aTaa' Nilíinii, Hózhǫ́ǫ́jí Yinant'áii, bidi'níi doo.

MATTHEW 1:16

Jéíkab éí Jóseph há yizhchį́, áko Jóseph éí Mary bahastiin silį́į́'. Mary éí Jesus, Christ wolyéhígíí, jishchį́.

MATTHEW 1:21

Áko ashkii yidoołchííł, áádóó Jesus bee yídíízhiił, háálá bidine'é bibąąhági ádaat'éii yits'ą́ąjį' yisdéidiyoonił.

MATTHEW 16:16

Nít'éé' Sáíman Peter haadzíi'go, Diyin God hináanii biYe' Christ nílį́, hodííniid.

MATTHEW 16:20

Ákohgo hódahooł'aahii hó Jesus éí Christ jílínígíí diné ła'da ts'ídá doo bee bił dahozhdoolnihgóó bee bich'į' hadzoodzíí'.

LUKE 1:43

Áko ha'át'éegoshą' shiBóhólníihii bimá shaa doogáałgo shaa deet'ą́?

LUKE 1:69

áádóó há naal'a'í David ba'áłchíní náás ahoolchíłígíí bitahdóó Yisdá'iiníiłii ayóó ábóodziilii nihá hasht'eyiilaa,

LUKE 2:26

Áádóó Bóhólníihii biChrist t'áadoo jiiłtséhí anoonééł doo yizdoołtséeł daígíí Níłch'i Diyinii hoł yééhoosįįd.

LUKE 2:4

Áádóó Jóseph ałdó' Gáliliidę́ę́', Názareth hoolyéego kin haal'áhídóó, Judíya biyi'góó David bikin haal'áhígíí Béthlehem hoolyéejį' jiníyá, háálá David ba'áłchíní náás ahoolchíłígíí ła' jílį́,

JOHN 1:41

Éí yił háá'áázh Sáíman wolyéhígíí áłtsé bik'ízhníyáago ábizhdííniid, Mesáíyah bik'íniit'áázh (éí Christ jiníigo óolyé).

JOHN 1:45

Philip éí Natháneiyel bik'ízhníyáago ábizhdííniid, Bee haz'áanii biyi' Mózes yee ak'e'ashchínígíí índa Diyin God yá dahalne'ii ałdó' yee ak'eda'ashchį́įgo yaa dahoolne'ígíí bik'íniikai, éí Názarethdóó Jesus, Jóseph biye' jílíinii ájít'į́į́ lá.

JOHN 11:27

Martha ánáázhdoo'niid, Aoo', Bóhólníihii, ni éí Christ, Diyin God biYe' nílį́įgo nahasdzáán bikáa'jį' nínááh hodoo'niid yę́ę wooshdlą́.

JOHN 20:31

nidi Jesus éí Christ, Diyin God biYe' nilį́įgo deidoohdląąłígíí biniyé díidíígíí bik'inídaháasdzo, áko éí deinohdlą́ągo baa dadzíínóhłíigo bízhi' biniit'aa iiná nihee dahólǫ́ǫ dooleeł.

JOHN 4:25

Nít'éé' asdzání ánááhodoo'niid, Mesáíyah, Christ joolyéhígíí lá jígháahgo shił bééhózin ni, áko jiníyáago t'áá ałtsoní bee nihił hozhdoolnih.

JOHN 4:42

Áko asdzání ádeidííniid, K'ad ni ádínínígíí doo t'áá éí t'éiyá binahjį' da'iiniidlą́ą da, háálá t'áá bí nihił nahasne'go t'áá nihí dasidiits'ą́ą'go t'áá aaníí [Christ nilíinii,] nihokáá' dine'é Yisdáyiiníiłii át'į́į́ lágo nihił béédahoozin.

JOHN 6:69

áko ni éí t'áá aaníí Diyin God hináanii biYe' Diyinii Christ nílį́įgo deisiidląąd.

JOHN 7:41

Náádaała' ádaaní, Díí Christ át'į́. Nidi ła' ádaaní, Da' Christísh Gáliliidę́ę́' doogááł?

ACTS 10:36

Ízrel dine'é bich'į' hane' ájiilaaígíí, éí Jesus Christ binahjį' hane' yá'át'éehii bee ach'į' hózhóonii baa hojoolne'go (Jesus éí diné t'áá ałtso yee bóhólníihii nilį́į́ lá),

ACTS 13:23

Éí diné bits'ą́ą́dóó oochíiłii bitahdóó Diyin God t'áá yee nihozhní'ánígíí bik'ehgo éí Jesus Yisdá'iiníiłii Ízrel dine'é baazhníłtį́.

ACTS 17:3

Christ nilíinii ti'hooznii'go daaztsą́ą́dę́ę́' náádiidzáhígíí, éí t'áá ákónéehee ádzaago hazhó'ó bee bił hojilne'go bééhózingo ádajile', áko ábijiní, Díí Jesus, bee nihił hweeshne'ígíí, éí Christ át'į́.

ACTS 2:36

Éí bąą tsin ałnáoszid bikáa'jį' Jesus bił ada'soołkaal nít'éé' yę́ę Diyin God éí Bóhólníihii áádóó Christ nilį́įgo áyiilaa, díí Ízrel dine'é t'áá ałtso t'áadoo naaki nilíní bił béédahózin le'.

ACTS 5:31

Ízrel dine'é łahgo át'éego Diyin God yich'į' tsíńdahidookosgo áádóó bibąąhági ádaat'éii bá yóó'iididoo'áałgo bá ashja'ósin dooleeł biniyé Jesus, Aląąjį' Sizíinii índa Yisdá'iiníiłii nilį́į dooleełgo Diyin God binish'náájí dah yineesdá.

I CORINTHIANS 15:47

Átsé hastiin éí łeezh bits'ą́ą́dóó áho'diilyaa, náá'ákéé' góne'ígíí éí Bóhólníihii yá'ąąshdę́ę́' jiníyá.

PHILIPPIANS 2:11

Áádóó Diyin God aTaa' baa ha'niih doo biniyé diné t'ááłá'í jinítínígo Jesus Christ éí Bóhólníihii nilį́ dajiníigo bee hadahizdoodzih.

PHILIPPIANS 3:8

Aoo', t'áá aaníí, áádóó Christ Jesus shiBóhólníihii bééhasinígíí ts'ídá agháago ílį́įgo bąą t'áá ałtsoní t'áadoo biniyéhígóó ádaat'éego baa nitséskees. Christ shí dooleeł biniyé t'áá ałtsoní nahjį' kóshłaago t'áá ałtsoní ts'iilzéigi át'éego baa nitséskees,

COLOSSIANS 2:6

Éí bąą Christ Jesus nihiBóhólníihii nihee dahazlį́'ígi át'éego baa dadzíínóhłíigo bee dayínóhkááh,

I John 4:14

Áádóó aYe' nihokáá' dine'é yisdáyiinííł dooleełgo aTaa' biníł'a'ígíí daníil'į́į́', áko éí baa ch'ídahoyiit'aah.

I John 5:1

T'áá háiida Jesus éí Christ nilį́įgo joodlánígíí Diyin God bits'ą́ą́dóó bi'dizhchíinii jílį́. T'áá háiida azhé'é ayóó'ájó'nínígíí ba'áłchíní ałdó' ayóó'ájó'níi doo.