LUKE 2:10 - Navajo Bible

¹⁰ Áádóó diyingo naal'a'í áhodííniid, T'áadoo nídaałdzidí, háálá jó'akon, hane' yá'át'éehii t'áá íiyisí ił hóshóonii bee nihił hodeeshnih, áko éí diné t'áá ałtso bá dooleeł,

LUKE 2:10 ပူးပေါင်းရင်းမြစ်များ

GENESIS 12:3

Nik'idajidlíii éí bik'ijiinishdlíi doo; hóyée'go ná hadahadziihígíí hóyée'go bá hahasdziih doo, áádóó nahasdzáán bikáa'gi ał'ąą dine'é t'áá ałtso ninahjį' bik'ihojidlíi doo.

ISAIAH 40:9

Dził Záíyandi kéédahat'ínígíí bich'į' hane' yá'át'éehii baa hólne'ii nílíinii, dził aghánáhóó'áágóó hasínááh; Jerúsalemgi kéédahat'ínígíí bich'į' hane' yá'át'éehii baa hólne'ii nílíinii, yéego hadílgháásh; t'áadoo náníldzidí; yéego hadílgháásh; Júdahgi kin hadaas'áagi kéédahat'ínígíí, Shoo, nihiDiyin God danół'į́! bidiní.

ISAIAH 41:27

Shí átsé Záíyan ábidideeshniił, Níníł'į́, níníł'į́, áko hane' yá'át'éehii yaa halne'ii Jerúsalem baa dideesh'ááł.

ISAIAH 49:6

Jéíkab dadóone'é nábididííł jahígíí índa Ízrel dine'é ánászįįdii hasht'éédíídlíłígíí biniyé t'įįhdígo át'éego shá nanil'a'; ał'ąą dine'é bá adinídíín nílį́įgo ałdó' baa nidideesh'ááł, áko nahasdzáán nihoneel'ą́ąjį' shibee yisdá'iildéehii bééhózin doo.

ISAIAH 52:10

Ał'ąą dine'é binááł Bóhólníihii bigaan diyinii hach'į' yit'íní áyiilaa, áko nahasdzáán nidahonees'ą́ą́dę́ę́' diné t'áá ałtso nihiDiyin God bibee yisdá'iildéehii deizdoołtsééł.

ISAIAH 52:7

Dziłghą́ą'di hane' yá'át'éehii bee hózhǫ́ náhoodleełii, éí hane' baa hózhóonii bits'ą́ą́dóó yá'ádaat'éehii áádóó yisdá'iildééh yaa halne'ii dooládó' bikee' ayóó ánóolnin da; éí Záíyan ííłní, NiDiyin God éí nant'á!

ISAIAH 61:1

Diyin God biNíłch'i Diyinii shił hólǫ́, háálá badahojoobá'íii éí hane' yá'át'éehii bee bił dahashne' doogo biniyé ak'ah shik'i yaadziidgo shíísį́į́'; bijéí daneezgaígíí hasht'éédadeeshdlííł, índa daasnáanii éí béédahididoochiłígíí bee bił dahashne' doo biniyé áádóó bida'astł'óonii awáalyaadóó bá ąą dadidootį́įłgo baa hashne' doo biniyé shiníł'a',

DANIEL 10:19

Áko áshidííniid, Diyin God ayóó'ánó'níinii nílíinii, t'áadoo nił yé'í; nich'į' hózhǫ́ǫ doo, nidziilgo í'díínílzin, t'áá aaníí nidziilgo í'díínílzin. Áko shich'į' haadzíi'go bee shitah náhóółdziłgo ádíshní, Shibóhólníihii bíni' shich'į' yáníłti', háálá ts'ídá shidziilgo ánáshiinidlaa.

ZECHARIAH 9:9

Záíyan bich'é'é nílíinii, ayóó át'éego nił nihoozhǫǫh; Jerúsalem bich'é'é nílíinii, nił hózhǫ́ǫgo dílwosh. Aláahgo niNanit'a'í ts'ídá t'áá ákogi át'éii índa yisdánídoołtéełgo a'ohgo át'éego índa télii, jó, éí télii yázhí yik'i dah sidáago nich'į' bił yigááł, jó'akon.

MATTHEW 14:27

Nidi t'áá áko Jesus kóníigo hach'į' haadzíí', Nihił dahózhǫ́, shíyee' ásht'į́; t'áadoo nídaałdzidí.

MATTHEW 28:18

Áko Jesus haa níyáago kóníigo hach'į' haadzíí', Yá'ąąshdi áádóó nahasdzáán bikáa'gi bee ídahólníihii t'áá ałtso shaa deet'ą́.

MATTHEW 28:5

Nidi diyingo naal'a'í éí asdzání áyidííniid, T'áadoo náłdzidí, háálá tsin ałnáoszid bikáa'jį' Jesus bił o'oolkaalígíí hanohtáago shił bééhózin.

MARK 1:15

kójíníigo, K'ad áajį' ahoolzhiizh, Diyin God bee bóhólníihgo bił haz'áanii baa hodoogáałjį' bílátah dah hashzhiizh; łahgo át'éego tsíńdahidohkeesgo hane' yá'át'éehii deinohdląąh.

MARK 16:15

Áko ábizhdííniid, Nihílááh, nahasdzáán nidanees'ą́ąjį' diné t'áá át'é hane' yá'át'éehii bee bił dahołne'.

LUKE 1:13

Nidi diyingo naal'a'í ábidííniid, T'áadoo nił yé'í, Zekaráíyah, háálá nisodizin ná yidiizts'ą́ą́', áko ne'asdzą́ą́ Elízabeth éí ashkii ná yidoołchííł, áko John bee yídíízhiił.

LUKE 1:19

Áko diyingo naal'a'í hanáánáádzíi'go áháłní, Shí Géíbriyel, Diyin God yich'į' sizínígíí ásht'į́, áko nich'į' hadeesdzih biniyé shi'deel'a', díí hane' baa hózhóonii bee nił hodeeshnih biniyé.

LUKE 1:30

Nít'éé' diyingo naal'a'í áhodííniid, T'áadoo bik'ee nił yé'í, Mary, háálá Diyin God bił nílį́ sínílį́į́'.

LUKE 2:11

háálá díí jį́ David bikin haal'áhígi Yisdá'iiníiłii nihá yizhchį́, éí Christ Bóhólníihii nilį́.

LUKE 24:47

áko házhi' bee na'nitingo łahgo át'éego tsínáhodiikeesgo bąąhági át'éii bits'á'iildééh índa á yóó'ahidit'aahii ał'ąą dine'é t'áá ałtso bee bił dahane' dooleełgo Jerúsalemdóó hadoot'ih.

LUKE 8:1

Áádóó t'áadoo hózhǫ́ hodíína'í Diyin God bee bóhólníihgo bił haz'áanii baa hane' yá'át'éehii baa nahojilne'go kin hadaas'áágóó índa kin dah naazhjaa'góó Jesus tázhdííyá. Naakits'áadahígíí hoł tádookai,

ACTS 13:32

Áko danihizhé'é yę́ę hane' yá'át'éehii bá hodooleełgo baa deet'ánígíí bee nihił hodiilnihgo nihaa niit'áázh.

ROMANS 10:15

Dahodoolnihii doo dabi'dool'aadgóoshą' haa yit'éego hane' yá'át'éehii yaa dahodoolnih? T'áá Diyin God bizaad bee ak'e'ashchíinii ánínígi át'éego, Hane' yá'át'éehii bee hózhǫ́ náhoodleełii, éí hane' baa hózhóonii bits'ą́ą́dóó yá'ádaat'éehii yaa dahalne'go yił neheeskaígíí, dooládó' bikee' ayóó ádanóolnin da!

EPHESIANS 3:8

Azhą́ Diyin God bidiyį́į́' t'áá ałtso ts'ídá bi'oh ánísht'ée nidi, Christ yee ayóó át'éii yee alááh neel'áanii doo ałtso nijółkaah át'éii éí doo Jew dine'é danilíinii bee bił dahashne' doo biniyé Diyin God bibee ajooba' shaa deet'ą́.

COLOSSIANS 1:23

T'ááłáhígi át'éego danołdzilgo na'nitin woodláanii bee nisoozį́įgo, áádóó hane' yá'át'éehii biyi'dóó dasidoots'ą́ą'ii bee ił chohoo'íinii doo bits'ánáhóhkááhgóó t'éiyá ákódanoht'ée doo. Yá biyaagi nihokáá' dine'é t'áadoo ła' doodaií díí hane' yá'át'éehii bee bił dahóóne'. Shí Paul díí baa hashne' doogo shi'dool'aad.