LUKE 17:6 - Navajo Bible

⁶ Áádóó Bóhólníihii ázhdííniid, Nihe'oodlą' bee aa dzódlí ch'il mástad yolyéhígíí bílástsii'gi áníshéhí nidi, díí tsin síkamin sikaadii ábididoohniił, Hani'dólts'ǫǫdgo tónteel bii'di k'ini'dólyééł, áko t'áá ákǫ́ǫ́ nihik'ehgóó ádoonííł.

LUKE 17:6 ပူးပေါင်းရင်းမြစ်များ

MATTHEW 14:29

Áko, Hágo, bizhdííniid. Áádóó tsinaa'eeł bii'dę́ę́' Peter hajííyáago Jesus baazhdoogááł biniyé táłkáá' jideeyá,

MATTHEW 17:20

Áko ábijiní, T'įįhdígo nihe'oodlą' bee aa dadzíínóhłíhígíí lá biniinaa ni. Háálá t'áá aaníígóó ánihidishní, Nihe'oodlą' éí ch'il mástad wolyéhígíí bílástsii'gi áníshéii nidi, díí dził si'ánígíí, Kodóó hidí'nááh áádóó níléidi ninílts'ííd, bidooniidgo hidoo'nááł, áko t'áá ałtsoní doo ch'ééh ádaał'į́į da doo.

MATTHEW 21:21

Áko Jesus hanáánáádzíi'go áhodííniid, T'áá aaníí ánihidishní, T'áadoo nihił naaki danilíní da'iinohdlą́ągo, t'áá díí fig sikaadii áshłaaígi át'éii doo t'éí baa nidaahkai da doo, nidi azhą́ díí dził, Dah ni'doot'aahgo tónteel biyi' góne' andi'yólghan, bidooniid nidi, ákódoonííł.

MARK 4:31

Jó, éí ch'il mástad wolyéhígíí bílástsii' nahalin, háálá éí k'eelyéí dahólónígíí t'áá ałtso bi'oh áníshéhígo k'idilyééh,

MARK 9:23

Nít'éé' Jesus áháłní, Iisínídląądgo lą́ą! Diyin God yoodláanii yee' t'áá ałtsoní bá bohónéedzą́.

LUKE 13:19

Jó, díí nahalin: Diné ła' mástad bílástsii' néidii'ą́ągo bidá'ák'ehgi k'iidíílá, áádóó dínéesą́ągo tsin silį́į́', áko tsídii nidahat'ahgo tsin bits'áoz'a' bąąhgóó bit'oh ádayiił'įįh.

LUKE 17:7

Da' nihíísh nihitahdóó ła' nihá naal'a'í hólǫ́ǫgo, áko éí nihwiiłdlaadę́ę́', doodaii' na'niłkaadę́ę́' nádzáago ábididoohniił, Hágoshį́į́ nídaahgo ííyą́?

LUKE 19:4

Áko alą́ąjį' dashdiilwodgo, tsin síkamor sikaadii bąąh hadzis'na', háálá Jesus ákǫ́ǫ́ ch'ídoogááł.

LUKE 7:13

Áko Bóhólníihii hoołtsą́ągo haa a'ááh niizį́į'go áhodííniid, T'áadoo nichaí.

LUKE 7:19

Áko John hóhooł'aahii nidilt'éego hágo bizhdííniidgo, éí Jesus bich'į' ajííł'a'go kóbididoohniił bijiní, Da' niísh doogááł ha'nínę́ę ánít'į́, éí doodago náánáła' daats'í bíká dadíit'į́į' doo?

I CORINTHIANS 13:2

Áádóó azhą́ Diyin God bá hashne'go shaa deet'ą́ą nidi, áádóó na'nitin doo bééhózin da yę́ę índa ił ééhózin t'áá ałtso bik'idi'yiishtįįh nidi, índa doo naaki nilį́į́góó she'oodlą' bidziilgo bee dził hideeshnáał nidi, bee ayóó'ó'ó'níinii shii' ádingo t'áadoo náníshdlíní da.