LUKE 17:3 - Navajo Bible

³ Ádaa ádahołyą́; nik'is nich'į' bąąhági ádzaago didííteh, áko yąąh bíni'go yaa tsídeezkéezgo, bá yóó'adidíí'ááł,

LUKE 17:3 ပူးပေါင်းရင်းမြစ်များ

PSALMS 141:5

Háni'dii diné t'áá ákogi át'éii shaa jooba'go atíshílééh, índa shich'ahashkée le', áko shitsiit'áagi ak'ah yá'át'éehii yąąh áyiilaii át'éego shitsiits'iin bik'i yaadzíid le'; ákondi hadoo ákwii ádaat'éii bik'ijį' sodiszin doo.

EXODUS 34:12

Ádaa honíyą́, doodaii' éí kéyahjį' díínéłígi kéédahat'ínígíí bił ahada'díínít'ą́ągo éí łoh nihąąh niit'ą́ nahalin dooleeł,

PROVERBS 17:10

Diné hóyáanii bich'aho'dooshkeedgo bidídóołniił, nidi doo áhályáanii neeznádiindi nábi'dooltsxas nidi, doo bidídóołniił da.

PROVERBS 27:5

Ayóó'ó'ó'ní nanil'inii biláahgo aditeh yit'íní óolzinjí agháago yá'át'ééh.

PROVERBS 9:8

Diné ánahałt'i'ii doo shik'ee diniih da dooleeł nínízingo t'áadoo bich'ahoshíníkéhí; diné hóyáanii dínítehgo ayóó'ánó'níi doo.

LEVITICUS 19:17

T'áadoo nihijéí bee nihik'is bik'ee diníniihí; t'áádóo nídí bił kééhót'íinii didííteh, áko doo dínítehgóó ádił ni'iidzííh bá ninádíítłish.

MATTHEW 18:21

Ákohgo Peter hach'į' dah diiyáago áháłní, Bóhólníihii, shik'is shich'į' bąąhági ánát'įįhgoshą' díkwíidi bá yóó'anídideesh'áałgo doo bik'ijį' séł'ą́ą da doo? T'áá daats'í tsosts'idídi?

LUKE 21:34

Nidi nihí ádaa ádahołyą́, áko ádił ná'ahanaad áádóó na'adlą' índa díí k'ad iiná bida'diił'áhígíí doo nihijéí bii' daahéeł da doo, áko éí bijį́ doo t'áadoo hooyání bił nihaa hodoolzhish da.

EPHESIANS 5:15

Éí bąą ádaa ádahołyą́ągo hazhó'ó dayínóhkááh, diné doo dahóyáaniigi át'éego éí dooda, nidi dahonohsą́ągo dayínóhkááh.

DEUTERONOMY 4:15

Éí bąą ts'ídá hazhó'ó ádaa ádahołyą́, háálá Dził Hórebgi kǫ' bii'dóó Bóhólníihii nihich'į' haadzíí' yę́ędą́ą́' ats'íisgi át'éii t'áadoo daołtsą́ą da.

DEUTERONOMY 4:23

Hazhó'ó ádaa ádahołyą́; t'ááká Bóhólníihii nihiDiyin God bibee aha'deet'áanii bee bił ahadadi'nooht'áanii baa dayoohnééh lágo, baa dasiyoonahgo Bóhólníihii nihiDiyin God éí eda'alyaii doo ádá ádadoohłíił da, nihiłní yę́ę ádá ádaołyaa doo, doodaii' bééda'oohdlaa doo.

DEUTERONOMY 4:9

Hazhó'ó ádaa ádahołyą́ áádóó haleebee ak'eh dahonoł'į́, áko t'áadoo le'é danóoł'į́į́' yę́ę doo baideidiyoohnah da, áádóó nihí dayéełkaahgóó doo nihits'ą́ąjį' kódooníił da, nidi nihada'áłchíní índa nihinálíké bee nidanohtin.

HEBREWS 12:15

Áyąądą́ą́' diné t'áá háiida t'ááká Diyin God bibee ajooba' t'áadoo shóyoołt'eeh da lágo, baa dahonohsą́ą le', índa ayi' nahodik'ǫǫsh bihétł'óól nihich'į' hodiyółnáałgo nohłą́'í nihółchǫǫh lágo.

JAMES 5:19

Shik'isóó, nihitahgi ła'da hane' t'áá aaníinii bits'ánooyáago, nít'éé' éí ła'da bił nánooht'áazhgo

II JOHN 1:8

Éí bąą ádaa ádahołyą́, bee nidanihineetą́ą'ii t'áá ádzaaí ádaohłe' lágo, áko nihich'į' nidahidoolyéełii t'áá át'é nihich'į' nidahidoolyééł.