LUKE 17:1 - Navajo Bible

¹ Áádóó hódahooł'aahii ábizhdííniid, Bąąhági áhodooníiłgo bee na'íhontaah ts'ídá t'áádóo nídí áánííł, nidi haniinaa áhooníiłii, éí doo hojooba' ájíníi da!

LUKE 17:1 ပူးပေါင်းရင်းမြစ်များ

MATTHEW 16:23

Nidi Peter bits'ą́ąjį' nídzízyizgo ábizhdíiniid, Séítan nílíinii, shidinínáágóó aninááh! Shiníłtł'aii nílį́, háálá doo Diyin God k'ehgo nitsíníkees da, nidi diné k'ehgo t'éí nitsíníkees.

MATTHEW 18:7

Nihokáá' dine'é biniinaa bąąhági áhodooníiłgo na'íhontaah nihwiileehii doo bá hojooba' ájíníi da! Na'íhontaah ts'ídá t'áádóo nídí áánííł, nidi hats'ą́ą́dóó áhooníiłii atihíláane'go há haz'ą́!

LUKE 16:31

Nít'éé' ánáábizhdoo'niid, Mózes índa Diyin God yá dahalne'ii doo dayíists'ą́ą́'góó, ha'át'éegoshą' áko da'aztsą́ą́dę́ę́' ła' náádiidzáii dayíists'ą́ą' doo.

ROMANS 14:13

Éí bąą haa'íshą' doo ahaa nínáádeiit'į́į da doo, nidi nihik'isóó ła' yik'ee bąąhági ádooníiłii, doodaii' bidínóołtł'ahii t'áadoo bidáahjį' adahoh'níłí dooleełjí bee hasht'e'nitsídadoohkos.

ROMANS 16:17

Shik'isóó danohłíinii, díí baa nánihooshkąąh: na'nitin bídahooł'ą́ą'ii yits'ą́ą́jí danilį́įgo ałts'á'áldah ádeile'ii áádóó nidanihiníłtł'aii baa ákodanohsin, áko bits'ąą nida'ádóh'nil le'.

I CORINTHIANS 10:32

Jew dine'é danilíinii, doodaii' doo Jew dine'é danilíinii, doodaii' Diyin God dayoodláanii áłah nídaadleehígíí t'áadoo danółtł'aaí.

I CORINTHIANS 11:19

Jó, nihitahgóó t'áá aaníí oodlání danilínígíí béédahodoozįįł biniyé ałts'á'áldah hólǫ́ǫ doo.

I CORINTHIANS 8:13

Áko eda'alyaii bich'į' ch'iyáán náádahaaznii'ii yishánígíí biniinaa shik'is t'ą́ą́' anáátłizhgo ts'ídá yoołkááłgóó éí ch'iyánígíí doo náádeeshdį́įł da, áko shik'is doo shiniinaa t'ą́ą́' anídootłish da.

I TIMOTHY 4:1

T'áadoo bahat'aadí Níłch'i Diyinii kóníigo yaa halne': Át'ah náás hoolzhishgóó ła' níłch'i binda'adlo'ii índa níłch'i bida'iiníziinii binda'nitin dayíists'ą́ą'go Christ dayoodláanii yits'áhidookah.

REVELATION 2:14

Nidi t'áá díkwííhígo haz'ą́ t'éí bee nihik'íhásh'ááh, jó, éí Béílam bina'nitin Ízrel dine'é dabidínóołtł'ahígíí, éí e'elyaii bich'į' náádahaaznii'ii deiyą́ą doogo, índa na'ageh yee tsi'nidaakai doogo Béílak yee neineeztą́ą'ii nihitahgi ła' dayótą'.

REVELATION 2:20

Nidi asdzání Jézebel, Diyin God yá halne'ii nilį́įgo ádójíii, éí shá nidaal'a'í na'ageh yee tsi'nidaakai doogo, índa eda'alyaii bich'į' náádahaaznii'ii deiyą́ą doogo neinitingo t'áá áhoodzaagóó ayii'éeshgo bee bá nahosooł'ánígíí, éí t'éí nihik'ijį' séł'ą́.