LUKE 13:3 - Navajo Bible

³ Dooda, nihidishní, nidi nihibąąhági át'éii doo łahgo át'éego Diyin God bich'į' tsíńdadookéezgo yóó'adasidoo'ą́ą́góó nihí ałdó' t'áá ákót'éego ádadoohdįįł.

LUKE 13:3 ပူးပေါင်းရင်းမြစ်များ

MATTHEW 12:45

Áko dah náádiidáahgo, náánáła' níłch'i tsosts'idgo t'ah biláhídi doo yá'ádaashóonii yił nákah, áko éí yił hwiih yikahgo hwii' kéédahat'į́į łeh, áko diné áłtséédą́ą́' át'éé nít'éé' yę́ę t'óó nówehda át'įįh. T'áá éigi át'éego díí doo yá'áshxǫ́ǫ́góó ahoolchíłígíí ałdó' t'áá ákót'ée dooleeł.

MATTHEW 22:7

Áko aláahgo naat'áanii báhóóchįįd, áádóó bisiláo ákǫ́ǫ́ yiyííł'aadgo nida'astseedígíí dayííghą́ą́', índa bikin haal'áhígíí yits'ą́ą́' deidííłid.

MATTHEW 3:2

Łahgo át'éego Diyin God bich'į' tsíńdahidohkeesgo ádił nida'iyohsíihii bits'áhóhkááh, háálá yá'ąąshii bee bóhólníihgo bił haz'áanii bílátah dahashzhiizh.

LUKE 13:2

Áádóó bich'į' hadzoodzíi'go ábizhdííniid, Éí Gáliliidóó dine'é ti'dahooznii'ígíí éí Gáliliigi dine'é t'áá ałtso yiláahdi bąąhági ádaat'į́įgo biniinaa ádzaásh danohsin?

LUKE 13:4

Doodaii' da' tseebííts'áadah yilt'éego Sailóomgi dego nízaadgóó astł'ingo ya'ii'áhígíí bik'iiłdáazgo nabistseedii, da' éísh Jerúsalemgi kéédahat'ínígíí t'áá ałtso yiláahgo bąąhági ádaadzaa danohsin?

LUKE 13:5

Ánihidishní, Dooda, nidi nihibąąhági ádaat'éii doo łahgo át'éego Diyin God bich'į' tsíńdahidookéezgo yóó'adasidoo'ą́ą́góó nihí ałdó' t'áá ákót'éego ádadoohdįįł.

LUKE 24:47

áko házhi' bee na'nitingo łahgo át'éego tsínáhodiikeesgo bąąhági át'éii bits'á'iildééh índa á yóó'ahidit'aahii ał'ąą dine'é t'áá ałtso bee bił dahane' dooleełgo Jerúsalemdóó hadoot'ih.

ACTS 3:19

Éí bąą nihibąąhági ádaat'éii nihá k'ééda'doolchǫǫł biniyé łahgo át'éego tsíńdahidohkeesgo Diyin God bich'į' dah nídahidoohkááh, áko Bóhólníihii bits'ą́ą́dóó bee ák'ééhwiitáadii nihee náhoodleeł doo.