LUKE 12:9 - Navajo Bible

⁹ nidi diné binááł doo hwééhasin da shijinínígíí Diyin God bidiyingo nidaal'a'í bidááhdóó doo hwééhodi'doolzįįł da.

LUKE 12:9 ပူးပေါင်းရင်းမြစ်များ

MATTHEW 10:33

Nidi t'áá háiida diné binááł, Doo hwééhasin da, shididooniiłígíí, shí ałdó' shiTaa' yá'ąąshdi hólóonii bidááhdę́ę́', Doo hwééhasin da, hodideeshniił.

MATTHEW 25:12

Nidi haadzíi'go ání, T'áá aaníí ánihidishní, Doo nihéédahasin da.

MATTHEW 25:31

Nidi Diné Silį́į'ii bits'ádi'nílíidgo índa diyingo nidaal'a'í t'áá ałtso yił yíkaigo, áadi índa bikáá'dóó nahat'áii bits' ádi'nílíidii yikáá'dóó dah dínóodaał.

MATTHEW 25:41

Áádóó binishtł'ajígo jíl'áhígíí áhodidooniił, Nihí atídanihidi'doolníiłgo nihá hada'iisdzíi'ii hool'áágóó hodook'ą́ą́ł, níłch'i bida'iiníziinii binanit'a'í áádóó bá nidaal'a'í bá hasht'ehoolyaaígíí biyi'jį' shits'ánóhkááh,

MATTHEW 7:23

Ákondi ádabidideeshniił, Ts'ídá doo nihééhasin da; bąąhági át'éii baa deínóhkáahii, shits'ánóhkááh.

MARK 8:38

Áko t'áá háiida díí adilyé bee índa bąąhági át'éego ahoolchíiłii biyi' ła' shizaad áádóó shí shaa yázniizį́'ígíí, t'áá éí Diné Silį́į'ii biTaa' bits'ádi'nílíidii yee diyingo nidaal'a'í yił yíkaigo haa yádínóozįįł.

LUKE 15:10

Ánihidishní, T'áá ákót'éego diné t'ááłá'í bąąhági ááníiłii łahgo át'éego tsíńdeezkéezgo bibąąhági át'éii yits'áníyáii éí Diyin God bidiyingo nidaal'a'í dabinááł t'áá íiyisí baa hózhǫ́.

LUKE 22:57

Nidi dooda jidííniid, kójíníigo, Asdzání, shíga' éí doo hwééhasin da.

LUKE 9:26

Háálá t'áá háiida shí índa shizaad baa yázniizį́'ígíí, éí Diné Silį́į'ii t'áá bí bee bits'ádi'nílíidii áádóó biTaa' índa diyingo nidaal'a'í bee bits'ádi'nílíidii yił níyáago hó ałdó' haa yádínóozįįł.

II TIMOTHY 2:12

hada'ííníilníigo, hoł ałdó' nihídahólníih doo; doo hwééhasin da hodii'níigo, hó ałdó' doo hwééhasin da nihizhdidooniił;

I John 2:23

T'áá háiida aYe' doo ádízhdéélt'i'góó hadziidziihígíí éí aTaa' doo hwee hólǫ́ǫ da, nidi aYe' ádízhdéélt'i'go hadziidziihígíí éí aTaa' nilíinii hwee hólǫ́.

I John 2:28

Sha'áłchíní danohłíinii, t'áá ałtsojį' bii' dahonohłǫ́, áko Christ yit'íní í'diilyaago doo nitsideiidáa da doo, áádóó náánádzáago bidááhdóó deiidzį'go doo ádaa yádaniidzin da doo.

REVELATION 3:8

Baa nidaahkaii shił bééhózin. Jó'akon, nihidáahgi dáádílkał ąą át'éego áshłaa, éí ła'da doo dá'dółkaał át'ée da; bee adziilii t'áá áłts'íísígo nihee hólónígíí shił bééhózin, nidi shizaad bik'eh dahonoł'į́įgo, Házhi' doo bééhasin da, t'áadoo dashidooniid da.