LUKE 11:9 - Navajo Bible

⁹ Áádóó ánihidishní, Da'íínóhkeed, áko deínóhkeedígíí nihaa dadoolyééł; hádaaht'į́, áko hádaaht'ínígíí bik'ídadoohkah; dáádílkał nídanołts'in, áko nihá ąą ádadoolnííł.

LUKE 11:9 ပူးပေါင်းရင်းမြစ်များ

PSALMS 118:5

Tsístł'asíyáago Bóhólníihii náoshkąąhgo bich'į' sodeeszin; Bóhólníihii shich'į' ééhoosįįdgo doo shihodiit'i'góó hótsaa haz'ą́ągi nishiníłtį́.

PSALMS 27:4

Ts'ídá t'ááłá'í t'éí Bóhólníihii bííkeed: éí íiyisí hásht'į́įgo Bóhólníihii yee ayóó ánóolninii haasíidgo bikin bii' sohodizin biyi' na'ídíshkid doo biniyé bii' kééhasht'į́įgo shíyoołkáał dooleeł.

PSALMS 27:8

Háshidíní'į́į́', shidííníniidgo shijéí áníłní, Bóhólníihii nílíinii, hándésh'į́į́'.

PSALMS 34:10

Náshdóí yáázh bitsiijį' daditł'ooígíí t'áá báa'da nidaakai áádóó dichin yééda'oo'nííh, nidi Bóhólníihii yich'į' dadéez'į́į'ii éí yá'át'éehii doo bi'oh neel'ą́ą da doo.

PSALMS 34:4

Bóhólníihii hanishtáago shich'į' ééhoosįįd, áádóó bik'ee shił yée'ii t'áá ałtso yits'ąą yisdáshííłtį́.

PSALMS 50:15

Nihide áhoot'įįhgo nídashiinohkąąh, áko yisdánihideeshnił áádóó ayóó át'éego shaa dahohniih doo.

SONG OF SOLOMON 5:6

Ayóó'óósh'níinii bá ąą áshłaa, nít'éé' ayóó'óósh'níinii dah náádiidzáá lá, áko doo naagháhí da. Haadzíí' yę́ędą́ą́' k'asdą́ą́' shíni' ásdįįd; hanítą́ą́', nidi t'áadoo bik'íníyáa da; bíká ádííniid, nidi t'áadoo shich'į' haadzíi' da.

ISAIAH 45:19

Doo nant'ingóó índa doo chahałheeł haz'ą́ągi haasdzíi' da; Jéíkab ba'áłchíní doo ábidííniid da, Ch'ééh hadashinohtáa doo. Shí Bóhólníihii nishłíinii t'áá ákogi át'éego yáshti' áádóó t'áadoo le'é t'áá ákogi ádaat'éii baa hashne'.

JEREMIAH 29:12

Áko índa nídashiidoohkąął, áádóó shich'į' sodadidoołzįįłgo nihidideests'į́į́ł.

JEREMIAH 33:3

Shich'į' sodílzin, áko nich'į' ééhodeesįįłgo ayóó ádaat'éii índa ayóó ádabóodziilii doo nił béédahózinii nich'į' yit'íní ádadeeshłííł.

DANIEL 9:3

Áko hodíínísingo doo ashą́ą́góó tł'oh yishbizhii shi'ée'go łeeshch'iih ák'éhésgazgo sodiszingo ná'ooshkąąhgo Bóhólníihii Diyin God bich'į' déé'į́į́'.

MATTHEW 21:22

Áko da'iinohdlą́ągo t'áá ha'át'íhída dayínóhkeedgo sodadołzingo, éí nihaa dahalyée doo.

MATTHEW 21:31

Díí naakigoshą' háidíígíí bizhé'é íinízinígíí yi'iilaa? Áko ádaaní, Áłtséhígíí lą́ą. Jesus áháłní, T'áá aaníígóó ánihidishní, Tax nahalyéhígíí yiniyé naazdáii áádóó da'ałjiłnii éí Diyin God bee bóhólníihgo bił haz'áanii t'áá nihí átsé yiih hikááh.

MATTHEW 6:29

nidi ánihidishní, Azhą́ Sálaman ayóó ájít'éé nít'éé' nidi, doo ła' díí hadadít'éhígi át'éego hazhdít'ée da nít'éé'.

MARK 11:24

Éí bąą ánihidishní, T'áá ha'át'íhída dayínóhkeedgo bíká sodadołzinígíí éí t'áá íídą́ą́' nihaa deet'ą́ągo deinohdlą́ą le', áko danihíí' dooleeł.

MARK 13:37

Áko díí ánihidishnínígíí éí t'áá ádzíłtso áhodishní, Hada'ísídół'į́į́'.

LUKE 11:10

Háálá t'ááłá'í jinítínígo dajókeedii éí haa dahalyé, hádajit'ínígíí bik'ídajiikááh, índa dáádílkał nídazniłts'inígíí há ąą ádaalne'.

JOHN 14:13

T'áá ha'át'íhída shízhi' bee dayínóhkeedgo, éí ádeeshnííł, aYe' bee aTaa' baa ha'niih doo biniyé.

JOHN 15:16

Nihí doo nídashidoołtį́į da, nidi shí t'éí nánihiyéláa'go ninihinínil, nihits'ą́ą́dóó aneest'ą' nidahwiileeh doo biniyé dahidohkááh, áko nihineest'ą' t'áá hólǫ́ǫ doo, áádóó t'áá ha'át'íhída shízhi' bee aTaa' bídayínóhkeedígíí, éí nihaididoo'ááł.

JOHN 15:7

Áko shii' dahonohłǫ́ǫgo, áádóó shizaad nihii' dahólǫ́ǫgo, t'áá danohsinígíí dayínóhkeed, áko nihá bi'doolnííł.

JOHN 4:10

Jesus hach'į' hanáánáádzíi'go áhodííniid, Diyin God einíláhígíí áádóó, Tó ła' shaa níkaah, niłnínígíí bééhonísingo bídíí'níkeedgo, tó hináanii neidookááł nít'éé'.

ROMANS 2:7

Áko hada'jólníigo yá'át'éhígi ádajooníłígíí bee aa ha'niih áádóó ił ídlį́ índa iiná doo ninít'i'ii t'áá hazááká bíká ádajit'ínígíí éí hool'áágóó jiináa doogo Diyin God haididoo'ááł.

II CORINTHIANS 6:2

háálá bí ání, Níídéests'įįłjį' ahoolzhiizhgo baa shił hózhǫ́ǫgo nidiséts'ą́ą́', índa yisdá'iildééh beiníłką́ yę́ędą́ą́' níká aashwod. Shoo, k'ad ts'ídá áajį' ahoolzhiizh; k'adyee' yisdá'iildééh bił hoolzhish.

HEBREWS 11:6

T'áá háiida hwe'oodlą' t'áágééd éí Diyin God ts'ídá doo bił hojíshǫ́ǫ le' át'ée da. Háálá t'áá háiida Diyin God baa deeshááł jinízinígíí éí Diyin God hólǫ́ǫgo índa t'áá éí hádaat'íinii yik'ijidlí jinízingo ts'ídá joodlą́ą doo.

HEBREWS 4:16

Éí bąą haa'íshą' t'áadoo dasiiti'í Diyin God bibikáá'dóó nahat'áii bit'ááh dahidiikah. Áadi Diyin God bibee ajooba' hólǫ́. Áadi nihaa a'ááh hodínóodzįįł, áádóó nihide ánídahoot'įįhgo Diyin God nihaa jooba'go nihíká análwo' doo.

JAMES 1:5

Nihí ła' bee hódzáanii bídin nohłį́įgo Diyin God bíídóohkił, éí bił hadlee'go índa doo ak'íhá'ááhgóó t'áá ałtso aidii'aah, áko honohsą́ągo ánihidoolííł.

JAMES 5:15

Díí Diyin God dayoodlą́ągo yaa dadzólíigo sodadilzinígíí beego, hatah honeezgai doo ájít'éhí da nízhdoodleeł; Bóhólníihii nááhodidoołááł, índa ádił ni'dziilzííh ládą́ą́' há yóó'anídidoot'ááł.

I John 3:22

T'áá ha'át'íhída bídayíníikeedgo bits'ą́ą́dóó nihee nidahwiileeh, háálá yee has'áanii bik'eh dahoniil'į́įgo bił hóshóonii baa nideiikai.

REVELATION 2:24

Nidi Thaiyatáíragi díí nichxǫ́'ógo na'nitin doo dayínóhtą'ii, níłch'i bida'iiníziinii binanit'a'í binahat'a' bidziil deiłníinii doo bídahooł'ą́ą'ii, nihí ánihidishní, Náánáła' doo nihiyéél nihá ánáádeeshdlíił da.