LUKE 11:4 - Navajo Bible

⁴ Áádóó nich'į' nida'ayiilzíhígíí nihá yóó'anáhidí'aah, háálá t'áá nihí nihich'į' bąąhági ádaaníiłii t'áá ałtso bá yóó'anídahidiit'aah, áádóó nihí hodínóotahjį' nihi'óółnííh lágo, [nidi bąąhági át'éii bits'ą́ąjį' yisdánihiyínííł].

LUKE 11:4 ပူးပေါင်းရင်းမြစ်များ

MATTHEW 26:41

Hada'ísídół'į́į́' áádóó sodadołzin, áko doo nihídahodínóotah da; níłch'i ii' sizíinii éí lą́ nízin, nidi ats'íís éí doo bidziil da.

COLOSSIANS 3:13

Ałch'į' hada'íínółní, ła'da bich'į' saad dahosoołį́į'go bił k'é nída'ahididooh'niił; doo ákwii ádaoht'įįdii Christ nihá yóó'iidii'aahígi át'éego doo ákwii áda'ahoł'į́į́ nít'ée'ii ahá yóó'adahidoh'aah.

MATTHEW 18:35

T'áá éí bik'ehgo t'ááłá'í nootínígo nihik'is nihich'į' bąąhági ádaat'į́įgo nihijéí tł'ááhdę́ę́' doo t'áá aaníí bá yóó'anídahidoh'aahgóó, shiTaa' yá'ąąshdi hólóonii ałdó' t'áá ákónihił'į́į doo.

JAMES 2:13

Háálá doo aa a'ááh jiniizį́'ígíí éí Diyin God doo haa a'ááh nízingóó há nihodoo'ááł; aa a'ááh hasin éí aa hwiinít'į́ yik'eh didlį́.

II TIMOTHY 4:18

Doo yá'ádaashóonii t'áá ałtso bits'ą́ąjį' Bóhólníihii yisdáshiiłteehgo yá'ąąshdi t'áá bí bee bóhólníihgo bił haz'ą́ąjį' shił yah adoo'ash. Éí hool'áágóó ahóyéel'áágóó baa ha'niih le'. T'áá ákót'ée doo.

II THESSALONIANS 3:3

Nidi Bóhólníihii ba'ahódlí. Áko nihidahoníłdzilgo ánihidoolííł, áádóó bąąhági át'éii nilíinii yits'ąą nihaa áhályą́ą doo.

I CORINTHIANS 10:13

Bee na'íhonitaah diné t'áá ałtso bich'į' ááníiłii t'éiyá bee naníhodi'nitaah, nidi Diyin God éí ba'ahódlí, áko éí bídanooł'áanii biláahdi nanihíhodínóotahgi doo yee has'ą́ą da, nidi na'íhonitaah t'áá bił ch'íhonít'i'go nihá íidoolííł, áko bídanooł'ą́ą doo.

JOHN 17:15

Éí nahasdzáán bikáá'dóó náádidíídléłígíí doo biniyé ádíshníi da, nidi bąąhági át'éii nilíinii bits'ąą baa áhólyą́ą doo biniyé ádíshní.

LUKE 22:46

áko ábizhdííniid, Ha'át'éegoshą' da'ołhosh? Doo nihídahodínóotah da biniyé nídoohjeehgo sodadołzin.

LUKE 8:13

Áádóó tsétahgóó ahineezdee'ígíí éí saad t'óó dazdiits'į́į́hgóó baa hoł dahózhǫ́ǫgo nídazhdiiléhígíí ádajit'į́, nidi díidíígíí dahayi'di ehétł'óól ádaadin, áko t'óó kónígháníjį' da'joodląąh, índa hódahontaahgo bits'áńjiikááh.

HOSEA 14:2

Bóhólníihii bich'į' ninánohkáahgo t'áá nihí kódabididoohniił, Doo ákwii ádeiit'įįdii t'áá ałtso nihá yóó'adí'aah áádóó nijooba' bee náánihidiidlé, áko dóola yáázh náádahiilniihígi át'éego t'áá nihí naa dahwii'niih dooleeł.

DANIEL 9:19

Bóhólníihii nílíinii, nihidiits'į́į́h; Bóhólníihii nílíinii, bąąhági át'éii nihits'ádiní'aah; Bóhólníihii nílíinii, nihidiits'į́įhgo nihá ánínééh; shiDiyin God nílíinii, ádá t'áadoo t'ah níníziní, háálá nikin haal'áii índa nidine'é danilíinii nízhi' bee wójí.

PSALMS 25:18

Atíshi'dil'ínígíí áádóó ti'hooshníhígíí hazhó'ó shá baa nitsíníkees, áádóó ádił ni'iisíhígíí ałtso shá yóó'adí'aah.

REVELATION 3:10

Nízaadgóó hada'íínółní, nihidishnínígíí bik'eh dahonoł'į́įgo bąą shí ałdó' nahasdzáán t'áá si'ą́ą́ nít'éé' ach'į' nahwii'ná bee bich'į' hoolzhishígíí, éí nihokáá' dine'é bee bóhontááh át'éii, bits'ą́ąjį' nihííníshtą' doo.

REVELATION 2:10

Bik'ee ti'dahwiidoohnihgo bich'į' hoolzhishígíí t'áadoo bik'ee nihił daayé'í. Jó'akon, nihí dahodínóotahígíí biniyé níłch'i bida'iiníziinii binanit'a'í k'adę́ę nihí ła' awáalyaa góne' anihiiłtł'iid, áádóó nihich'į' nidahwii'náago neeznáá yidoołkááł. T'áá dasinoonáajį' hada'íínółní, áko iináájí naat'á ch'ah nihitaa deeshnih.

PSALMS 121:7

Doo yá'ádaat'éehii t'áá ałtso bits'ąą Bóhólníihii naa áhályą́ą doo; nii' sizíinii nidi yaa áhályą́ą doo.

PSALMS 25:11

Bóhólníihii nílíinii, doo ákwii áát'įįdii nízhi' binahjį' yóó'adí'aah, háálá ayóó ánéelą́ą́'.

I KINGS 8:36

yá'ąąshdi didííts'į́įłgo ná nidaal'a'í éí nidine'é Ízrel yá'át'éehgo honít'i'góó deíkáah dooígíí bee nanítingo nida'iisí'ígíí bá yóó'ahidí'aah doo, índa kéyah daabíí' dooleełgo nidine'é baa dííní'ánígíí bik'ijį' nidahodoołtį́į́ł.

I KINGS 8:34

yá'ąąshdi didííts'į́įłgo nidine'é Ízrel nida'iisí'ígíí bá yóó'adidíí'ááł áádóó dabizhé'é yę́ę kéyah baa dííní'ánígíí áajį' ninádíí'ish.

GENESIS 48:16

Ach'į' nahwii'náanii t'áá ałtso bits'ą́ąjį' diyingo naal'a'í nááshiisnii'ígíí éí ashiiké yik'ijidlíi le'; Shí áádóó shizhé'é Éíbraham índa Áízak danihízhi'go bee dahodó'jíi doo, Áádóó nahasdzáán bikáa'gi t'óó ahayóí doo.

LUKE 11:5

Áádóó ábizhdííniid, Háishą' nihí ła' nihik'is hólǫ́ǫgo tł'é'ííłníi'go baa nooyáago ábididoohniił, Shik'is, bááh táa'go sha'nínííł,

LUKE 13:4

Doodaii' da' tseebííts'áadah yilt'éego Sailóomgi dego nízaadgóó astł'ingo ya'ii'áhígíí bik'iiłdáazgo nabistseedii, da' éísh Jerúsalemgi kéédahat'ínígíí t'áá ałtso yiláahgo bąąhági ádaadzaa danohsin?