LUKE 11:2 - Navajo Bible

² Áko ábizhdííniid, Sodadołzingo kódadohní: NihiTaa' [yá'ąąshdi honílóonii], nízhi' diyingo óolzin le'. Bee nóhólníihii náásgóó k'ee'ąą yilzhish le'. [Bee íinínízinii t'áá yá'ąąshdi ááníłígi át'éego nahasdzáán bikáa'gi ááníił le'.]

LUKE 11:2 ပူးပေါင်းရင်းမြစ်များ

I KINGS 8:43

yá'ąąshdi kééhót'į́įdi didííts'į́į́ł áádóó dé'éyóní níyókeedígíí t'áá ałtso bá bi'díílííł, áko díí t'áá nidine'é Ízrel nízhi' deidósinígi át'éego nihokáá' dine'é t'áá át'é dandósin doo áádóó díí bił béédahózin: díí kin áshłaaígíí nízhi' bee wójí.

II KINGS 19:19

Éí bąą k'ad, Bóhólníihii nihiDiyin God nílíinii, nánooshkąąh, nihokáá'góó bee ídahólníihii éí t'áá ni t'éiyá Bóhólníihii Diyin God nílį́įgo bił béédahodoozįįł biniyé éí bits'ą́ąjį' yisdánihínííł.

II CHRONICLES 20:6

ání, Danihizhé'é biDiyin God Bóhólníihii nílíinii, da' doósh Diyin God yá biyi'di hólóonii nílį́į da? Áádóó da' doósh ni ał'ąą dine'é bibee ídahólníihii bee nóhólníih da? Bee adziil índa ayóó át'éii nílák'ee silá, áko doo ła'da nidínóol'ąął da.

PSALMS 103:20

Diyingo naal'a'í ayóó ádanihóodziilii nohłíinii, bizaad deísółts'ą́ą'go yee has'áanii bik'eh dahonoł'íinii, Bóhólníihii baa dahohniih!

PSALMS 108:5

Diyin God nílíinii, yót'ááh hiníláii biláahgo ayóó ánít'ée le'! Bee ayóó ánít'éii nahasdzáán t'áá náhwiiz'ą́ą́ nít'éé' biláahgo baa ha'niih le'!

PSALMS 11:4

Bóhólníihii éí diyingo bikin bii' sohodizin yii' hólǫ́; Bóhólníihii bibikáá'dóó nahat'áii yá'ąąshdi hólǫ́; nihokáá' diné yoo'į́ áádóó haisííd.

PSALMS 57:11

Diyin God nílíinii, yá'ąąsh biláahgo ayóó ánít'ée le'! Bee ayóó ánít'éii nahasdzáán t'áá náhwiiz'ą́ą́ nít'éé' biláahgo baa ha'niih le'!

ECCLESIASTES 5:2

T'áadoo tsíhodeeskézí yáníłti'í, áádóó Diyin God binááł t'áadoo tsxį́į́ł ádíl'į́įgo hahídziihí, háálá Diyin God éí yá'ąąshdi hólǫ́, índa ni éí nahasdzáán bikáa'gi honílǫ́. Éí bąągo saad t'áá díkwíí bee yáníłti' le'.

ISAIAH 63:16

Azhą́ Éíbraham doo nihééhósin da áádóó Ízrel wolyéii doo nihaa ákonízin da nidi, Bóhólníihii nílíinii, ni nihiTaa' nílį́; nihik'é niná'ídláii nílį́; nízhi' hool'áádę́ę́' hólǫ́.

EZEKIEL 36:23

Áádóó ał'ąą dine'é bitahgóó shízhi' doo ílį́į́góó ályaa yę́ę éí ał'ąą dine'é bitahgóó shízhi' doo ílį́į́góó ádaohłaa yę́ę éí shízhi' ayóó át'éii diyingo yit'į́įgo áńdeeshdlííł, áko dinishyinígíí nihitahgóó ał'ąą dine'é dabinááł t'áá sahdii át'éego ánáshdlaago Bóhólníihii nishłį́įgo ał'ąą dine'é bił béédahodoozįįł, ní Bóhólníihii Diyin God.

DANIEL 2:28

Nidi Diyin God yá'ąąshdi hólóonii t'éiyá doo béédahózinii ííshją́ą́ áyoolííł, áko, Nébukadnézzar aláahgo naat'áanii nílíinii, náásgóó ádahodooníiłii nich'į' ííshją́ą́ ályaa; nitsásk'eh bikáa'gi baa neisíníyeelii áádóó nił ádzaaígíí éí díí át'é.

DANIEL 2:44

Áko aláahgo naat'áanii danilíinii bídayéełkaah bijį́ yá'ąąshiidę́ę́' Diyin God éí bee óhólníihgo bił haz'áanii chánah íidoolíiłii ts'ídá doo wóchxǫǫh át'ée da doo. Ts'ídá doo ła'da bee hóhólníih da doo; díí bee óhólníihgo bił dah nidahaz'áanii ałtso bił nihoníyáa doo, nidi éí bee óhólníihgo bił haz'áanii hool'áágóó hólǫ́ǫ doo.

DANIEL 7:18

Nidi Aláahgo Ayóó'át'éii bidiyį́į́' danilíinii bee óhólníihii yiih dahidookahgo hool'áágóó ahool'áágóó bíí' danilį́įgo ahool'áa doo.

DANIEL 7:27

Áko yádiłhił biyaagi t'áá náhwiiz'ą́ą́ nít'éé' bee óhólníihgo bił haz'áanii áádóó yee nant'áii índa yee ayóó át'éii éí Aláahgo Ayóó'át'éii bidiyį́į́' bidine'é danilíinii baa didoot'ááł; bee bóhólníihgo bił haz'áanii éí hool'áágóó bee bóhólníih doo áádóó bídahólníihii bá nidaal'a' doo índa bik'eh dahół'į́į dooleeł.

HOSEA 14:2

Bóhólníihii bich'į' ninánohkáahgo t'áá nihí kódabididoohniił, Doo ákwii ádeiit'įįdii t'áá ałtso nihá yóó'adí'aah áádóó nijooba' bee náánihidiidlé, áko dóola yáázh náádahiilniihígi át'éego t'áá nihí naa dahwii'niih dooleeł.

LEVITICUS 10:3

Ákohgo Mózes éí Éran ííłní, Bóhólníihii kóníigo díí yee haadzíí', Dinishyingo dashizdósingo shit'áahjį' nidajiikáah doo, áádóó diné t'áá ałtso binááł ayóó át'éego shaa ha'niihgo dashizdósin doo. Áko Éran t'óó déesyéél.

LEVITICUS 22:23

Dóola yázhí, doodaii' dibé yázhída éí bits'íís t'áá ha'át'éhígida alááh, doodaii' a'oh níísánígíí éí náádi'yííłnihgo t'áá ni íinínízingo nááhániihii t'éí nááhíłniih doo, nidi ádee háínídzíí'jí nááhániihii át'éego éí doo ná dínóodzįįł da.

HABAKKUK 2:14

Háálá tónteel hadeezbinígi át'éego nahasdzáán bikáá'góó Bóhólníihii yee ayóó át'éii bee bééhózinii nihidínóolt'eeł.

MATTHEW 10:32

Éí bąą t'áá háiida diné binááł shee ádééhodzílzinígíí, shí ałdó' shiTaa' yá'ąąshdi hólóonii bidááhdę́ę́' hwee ádééhodeeszįįł.

MATTHEW 3:2

Łahgo át'éego Diyin God bich'į' tsíńdahidohkeesgo ádił nida'iyohsíihii bits'áhóhkááh, háálá yá'ąąshii bee bóhólníihgo bił haz'áanii bílátah dahashzhiizh.

MATTHEW 5:16

T'áá ákót'éego diné binááł dadíí'nółdíín, áko yá'át'éehgo ádaahníłígíí nihá dayoo'į́įgo, nihiTaa' yá'ąąshdi hólóonii yaa dahaniih dooleeł.

LUKE 11:1

Ákódzaago łahgo haz'ą́ą́ léi'gi Jesus sozdilzin, nít'éé' áá hodzoost'įįdgo hóhooł'aahii ła' áhodííniid, Bóhólníihii, sodadiilzin dooleełígíí bínanihiníłtin, t'áá John bídahooł'aahii sodizin yíneineestą́'ígi át'éego.

ROMANS 1:7

Áko Romegi Diyin God ayóó'ánihó'níinii t'áá ánółtso Diyin God bidiyį́į́' dadoohłeełgo nihíká áhodoo'niidii nihich'į' ak'e'ashchí. Diyin God nihiTaa' áádóó Bóhólníihii Jesus Christ bibee ajooba' áádóó bibee ach'į' hózhǫ́ náhásdlį́į'ii yee nihik'ijidlíi doo.

ROMANS 8:15

Háálá naalte' ídlį́į́jí bik'ee ił náánáyée'go nitsáhákeesii doo nídadooláa da, nidi Níłch'i Diyinii bee nihidi'neeszánígíí nídadiilyá; éí bee Ába, shiTaa', dadii'ní.

I CORINTHIANS 1:3

Diyin God nihiTaa' áádóó Bóhólníihii Jesus Christ bibee ajooba' índa bibee ach'į' hózhǫ́ náhásdlį́į'ii yee nihik'ijidlíi doo.

II CORINTHIANS 1:2

Diyin God nihiTaa' áádóó Bóhólníihii Jesus Christ bibee ajooba' índa bibee ach'į' hózhǫ́ náhásdlį́į'ii yee nihik'ijidlíi doo.

GALATIANS 1:4

Diyin God nihiTaa' íinízinígíí bik'ehgo díí doo yá'át'ééhgóó hoogáłígíí biyi'dóó Christ yisdánánihizhdiyoo'niłgo bąą nihibąąhági át'éii biniyé nihá dadziztsą́.

EPHESIANS 1:2

Diyin God nihiTaa' áádóó Bóhólníihii Jesus Christ bibee ajooba' índa bibee ach'į' hózhǫ́ náhásdlį́į'ii yee nihik'ijidlíi doo.

PHILIPPIANS 1:2

Diyin God nihiTaa' áádóó Bóhólníihii Jesus Christ bibee ajooba' índa bibee ach'į' hózhǫ́ náhásdlį́į'ii yee nihik'ijidlíi doo.

PHILIPPIANS 4:20

NihiDiyin God, éí nihiTaa' hool'áágóó áádóó ahóyéel'áágóó bee baa ha'niih le'. T'áá ákót'ée doo.

COLOSSIANS 1:2

Kalásiidi Christ bee nihik'isóó bada'ahódlíii, éí Diyin God bidiyį́į́' danilíinii bich'į' naaltsoos íilnééh: Diyin God nihiTaa' áádóó nihiBóhólníihii Jesus Christ bibee ajooba' índa bibee ach'į' hózhǫ́ náhásdlį́į'ii yee nihik'ijidlíi doo.

I THESSALONIANS 1:1

Shí Paul áádóó Silvéínas índa Timothy, Thesalonáíkagi oodlání danilíinii áłah nádleehígíí, éí Diyin God aTaa' nilíinii áádóó Bóhólníihii Jesus Christ bíí' danilíinii bich'į' naaltsoos ádeiilnééh: Diyin God áádóó Bóhólníihii Jesus Christ bibee ajooba' áádóó bibee ach'į' hózhǫ́ náhásdlį́į'ii yee nihik'ijidlíi doo.

I THESSALONIANS 1:3

Nihe'oodlą' binahjį' baa nidaahkaígíí áádóó ayóó'ó'ó'ní bee deínółníshígíí índa hada'íínółníigo nihiBóhólníihii Jesus Christ bee nihił chodahoo'ínígíí nihiDiyin God nihiTaa' binááł t'áá áłahjį' nihéédeiilniih.

II THESSALONIANS 2:16

NihiBóhólníihii Jesus Christ t'áá bí, índa Diyin God nihiTaa' ayóó'ánihó'níigo nihaa jooba'go bee ha'ahóní doo nídínéeshii índa ił chohoo'į́ niłdzilii nihaidiní'áanii,

REVELATION 11:15

Ákohgo diyingo naal'a'í tsosts'id góne'ígíí bidilní yee ádííniidgo, yá'ąąshdi ayóó át'éego iinéé' dadiists'ą́ą'go kódadííniid, Nihokáá' bee óhólníihgo bił haz'áanii éí nihiBóhólníihii índa biChrist bee bóhólníihgo bił haz'áanii silį́į́', éí hool'áágóó ahóyéel'áágóó yinant'áa doo.

REVELATION 15:4

Bóhólníihii nílíinii, háishą' nízhi' doo yidísin da, áádóó doo yaa haniih da doo? Jó, t'áá ni t'éiyá t'áá sáhí diníyin. Ał'ąą dine'é bił dah nidahaz'ą́ą́dę́ę́' naa áłah dooleełgo nich'į' nidahałáa doo, háálá t'áá ákogi ááníiłii ííshjání silį́į́'.

REVELATION 19:6

Nít'éé' ayóó ázhnéelą́ą'go hadazhdeeshghaazhígi át'éego, tó t'óó ahayóí hadah yiilį́įgo diits'a'ígi át'éego índa t'óó báhádzidgo da'di'nínígi át'éego kóníigo náádiséts'ą́ą́', Bóhólníihii baa dahohniih! Háálá Bóhólníihii nihiDiyin God Ayóó'át'éii éí nant'á!

REVELATION 20:4

Nít'éé' bikáá'dóó nidahat'áii yiiłtsą́, áko bikáá'dóó dah naháaztánígíí éí bee aa nídahat'į́įgo bee óhólníihii baa dadeest'ą́. Áádóó ałdó' Jesus baa hane' áádóó Diyin God bizaad yaa dahoolne'go biniinaa dabitsiits'iin daheesne'ii bii' naazíinii yiiłtsą́. Éí naaldlooshii naayéé' nilíinii áádóó t'áá bí be'elyaii doo yich'į' nidahasáa da, índa naaldlooshii naayéé' nilíinii bibee í'diidlííd dabítáa'gi, éí doodaléi' dabíla' bikáa'gi doo bee bída'diidlid da nít'éé'. Éí nídahii'na'go t'ááłáhídi mííl nááhaijį' Christ yił bídahólnííh.