LUKE 10:9 - Navajo Bible

⁹ ákwe'é bitah doo dahats'ídígíí hadaałt'é áńdaahdle'go, Diyin God bee bóhólníihgo bił haz'áanii bee nihaa honíyá, dabidohní.

LUKE 10:9 ပူးပေါင်းရင်းမြစ်များ

DANIEL 2:44

Áko aláahgo naat'áanii danilíinii bídayéełkaah bijį́ yá'ąąshiidę́ę́' Diyin God éí bee óhólníihgo bił haz'áanii chánah íidoolíiłii ts'ídá doo wóchxǫǫh át'ée da doo. Ts'ídá doo ła'da bee hóhólníih da doo; díí bee óhólníihgo bił dah nidahaz'áanii ałtso bił nihoníyáa doo, nidi éí bee óhólníihgo bił haz'áanii hool'áágóó hólǫ́ǫ doo.

MATTHEW 3:2

Łahgo át'éego Diyin God bich'į' tsíńdahidohkeesgo ádił nida'iyohsíihii bits'áhóhkááh, háálá yá'ąąshii bee bóhólníihgo bił haz'áanii bílátah dahashzhiizh.

MATTHEW 4:17

Éí hoolzhish yę́ędóó wóshdę́ę́' Jesus aho'niilne'go ání, Łahgo át'éego Diyin God bich'į' tsíńdahidohkeesgo ádił nida'iyohsíihii bits'áhóhkááh, háálá yá'ąąshii bee bóhólníihgo bił haz'áanii bílátah dahashzhiizh.

MARK 4:30

Áádóó Jesus ánáádoo'niid, Diyin God bee bóhólníihgo bił haz'áaniishą' ha'át'íí bił ahąąh nidadii'nił, áádóó hane' bee ak'idi'dootį́įłiishą' ha'át'íí bee baa dahodiilnih?

MARK 6:13

Áádóó níłch'i bida'iiníziinii lą'í ayi'dę́ę́' hadahizneeskaad, índa diné t'óó ahayóí ka nidaakaígíí ak'ah bąąh ádajile'go hadaałt'é áńdajiidlaa.

LUKE 10:10

Nidi t'áá haa'ída kin hadaas'áagi nidahohkáahgo doo k'é danihiłníígóó, ákwe'é kintah da'nítiinjį' ch'ídahohkáahgo ádadidoohniił,

LUKE 10:11

Nihikintahdóó łeezh nihikee' bee łibá daazlį́'ígíí nihik'ijį' ádąąh deiildééh, ákondi díí nihił béédahózin le', Diyin God bee bóhólníihgo bił haz'áanii bee nihaa honíyá.

LUKE 9:2

índa Diyin God bee bóhólníihgo bił haz'áanii baa dahojilne' doo biniyé, áádóó hadaałt'é áńdazh'doodlííł ałdó' biniyé adziis'a'.

JOHN 3:3

Jesus áhodííniid, T'áá aaníí, t'áá aaníígóó ándishní, Diné doo náábi'dizhchį́į́góó, Diyin God bee bóhólníihgo bił haz'áanii ts'ídá doo yoołtsééł át'ée da.

JOHN 3:5

Jesus ánááhodoo'niid, T'áá aaníí, t'áá aaníígóó ándishní, Diné éí tó índa Níłch'i Diyinii doo bee nááho'dizhchį́į́góó Diyin God bee bóhólníihgo bił haz'áanii doo biih jóya' át'ée da.

ACTS 28:28

Áko díí Diyin God bits'ą́ą́dę́ę́' bee yisdá'iildéehii éí doo Jew dine'é danilíinii bich'į' ályaaígíí nihił béédahózin le'; éí dayíists'ą́ą' doo.

ACTS 28:31

Diyin God bee bóhólníihgo bił haz'áanii yaa halne' áádóó t'áadoo bahat'aadí Bóhólníihii Jesus Christ yaa halne' índa t'áadoo niitł'ahí yee na'nitin nít'éé'.