LUKE 10:6 - Navajo Bible

⁶ Áádóó diné k'é nídzinii ákwii ła' sidáago, k'é bee yínóh'níinii bił hólǫ́ǫ dooleeł, doodaii' éí k'éhígíí t'óó nihich'į' t'ą́ą́' nídoodleeł.

LUKE 10:6 ပူးပေါင်းရင်းမြစ်များ

PSALMS 35:13

Nidi bitah dahoneezgai yę́ędą́ą́' shí éiyá baa yínííł naasháago tł'oh yishbizhii shi'éé' nít'éé'; shii' sizíinii ádaa hojoolbá'ígo doo ashą́ą́góó í'diishyaa. Nidi bá sodiszinii t'áadoo násdlį́'ígóó t'óó shik'ijį' t'ą́ą́' nináhádleeh,

ISAIAH 9:6

Háálá awéé' nihá bi'dizhchį́, aye' nihaíltį́; naat'áanii yee hoo'áałii biwos bąąh siláa doo, áádóó bízhi' éí Ayóó'át'éego Kót'é Níinii, Diyin God Ayóó'ábóodziilii, Hool'áágóó aTaa' Nilíinii, Hózhǫ́ǫ́jí Yinant'áii, bidi'níi doo.

LUKE 10:5

T'áá haa'ída hooghangi yah adahohkáahgi átsé, Díí hooghanígi hózhǫ́ǫ le'! dadohní.

LUKE 10:7

Áádóó t'áá éí hooghanígi t'áá ákwii nahísóotą́ą doo, t'áá nihiyaa nidayiikaahígíí daahsą́ áádóó daahdlą́ą doo, háálá naalnishí éí bich'į' nahalyéii yą́ą́h nilį́; t'áadoo t'óó hootaadaahkaaí.

EPHESIANS 5:6

T'ááká diné ła'da saad t'áadoo dabiniyéhíii yee nihida'dóleeh yíila', háálá ákódaat'éhígíí biniyé Diyin God t'óó báhádzidgo bibee até'él'íinii éí diné doo ak'eh dahół'íinii bik'i dahwiileeh.

II THESSALONIANS 3:16

K'ad Bóhólníihii, bee ach'į' hózhǫ́ náhásdlį́į'ii, t'áá áłahjį' áádóó t'áá ałtsojį' bee ach'į' hózhóonii nihaididoo'ááł. T'áá ánółtso Bóhólníihii nihił hólǫ́ǫ doo.

JAMES 3:18

K'é nídahoołeełii t'áá ákogi át'éii bineest'ą' bąą hózhǫ́ǫgo k'éédeididle'.

I PETER 1:14

Áłchíní ak'eh hół'ínígi át'éego Diyin God bik'eh dahonoł'į́. Jesus t'ah doo béédahonohsįįh yę́ędą́ą́' nihił adáádahaníí nít'ée'ii t'áadoo bik'ehgo dahinohnání.

I SAMUEL 25:17

Éí bąą éí nił bééhózingo índa nabik'ítsíníłkeesgo bik'ehgo ádíínííł, háálá nihinanit'a'í doo yá'áshóonii beiníst'įįd áádóó ba'áłchíní t'áá ałtso yeinít'į́. Áko diné doo yá'áshóonii biniinaa doo ła' bich'į' haodziih át'ée da.