LUKE 10:41 - Navajo Bible

⁴¹ Nidi Bóhólníihii haadzíi'go áhodííniid, Martha, Martha, ni'diił'áii índa níni' łą́ągo áyósinii t'óó ahayóí,

LUKE 10:41 ပူးပေါင်းရင်းမြစ်များ

ECCLESIASTES 6:11

Saad t'óó ahayóí t'áadoo nánídlínígóó bee yájíłti'go haash yit'éego diné bá yá'át'ééh?

MARK 4:19

nidi nahasdzáán bikáa'gi bee da'iináanii baa nitsáhákees, áádóó at'į́ hodíní'ah, índa t'áá ałtso bidáhoneení ghadahodiit'aahgo éí saad yę́ę deighą́, áko doo bineest'ą' dahaleeh da.

LUKE 10:38

Áádóó náázdeeskaigo, kin sinil léi'gi Jesus jiníyá, áko asdzání Martha yolyéé léi' bighan góne' yah ajííyáago haa bił hóózhǫǫd.

LUKE 10:40

Nidi Martha lą'ígóó naal'a'go bi'diił'á, áko hach'į' niníyáago áháłní, Bóhólníihii, da' shideezhí t'óó shi'níłnii'goósh t'áá sáhí naash'a'go nił yá'át'ééh? Bíká anilyeed shá bidiní.

LUKE 12:22

Áádóó hódahooł'aahii ábizhdííniid, Éí bąą ánihidishní, Ha'át'íí lá deeshį́į́ł lá? doodaii', Ha'át'íí lá bee hadideeshnííł lá? t'áadoo danohsingo bee dahinohnáa dooleełígíí bíká ádił nídahodołchiłí.

LUKE 21:34

Nidi nihí ádaa ádahołyą́, áko ádił ná'ahanaad áádóó na'adlą' índa díí k'ad iiná bida'diił'áhígíí doo nihijéí bii' daahéeł da doo, áko éí bijį́ doo t'áadoo hooyání bił nihaa hodoolzhish da.

LUKE 8:14

Áádóó ch'il dadeeníinii bitahgóó ahineezdee'ígíí éí saad dazdiizts'ą́'ígíí ádajit'į́, nidi dajíkááhgóó nahasdzáán bikáa'gi bee da'iináanii baa nitsáhákees áádóó at'į́ índa ił honeeni hak'eh dadeesdlį́į'go haneest'ą' t'áadoo daneest'ą́ą da.

JOHN 11:1

Nít'éé' Béthaniidi diné léi' Lázaras wolyéego daatsaah, éí kin shijaa'ídi Mary áádóó bádí Martha yił kééhat'į́.

JOHN 11:5

Jó, Jesus éí Martha áádóó bideezhí índa Lázaras ayóó'áyó'ní.

JOHN 12:2

Ákwe'é hííłch'į'go ch'iyáán há ádayiilaago, Martha hach'į' ni'iizką́, áádóó Lázaras éí atah bikáá' adání bich'į' hoł dah neezké.

PHILIPPIANS 4:6

T'áadoo ha'át'íhída nihida'diił'áhí, nidi ahééh danohsingo t'áá ałtsojį' sodizin índa ná'ookąąh bee deínóhkeedígíí Diyin God bił béédahonohsin le'.