LUKE 10:3 - Navajo Bible

³ Nihílááh wohkah; jó'akon, mą'iitsohtahgóó dibé yázhí dadeeskaiígi át'éego danihidish'á.

LUKE 10:3 ပူးပေါင်းရင်းမြစ်များ

PSALMS 22:21

Náshdóítsoh bitsiijį' ditł'ooígíí bizéé'dę́ę́' áádóó dóola da'ałchinii bidee' bits'ą́ąjį' yisdáshíłteehgo shich'į' ééhonísįįh!

ZEPHANIAH 3:3

Binanit'a'í danilíinii éí náshdóítsoh bitsiijį' daditł'ooígíí bii' nidahodi'ni'ii nidahalin; e'e'áahgo mą'iitsoh nidaajeehígi át'éego bi'ádahwée'aahii nidaajeeh; éí abíníjį' ts'in yídeigháashgo doo ła' ninádeítįįh da.

MATTHEW 10:16

Jó'akon, dibé éí mą'iitsoh yitahgóó dadeeskaígi át'éego danihidish'á; éí bąą tł'iish hóyánígi át'éego dahonohsą́, áádóó hasbídí ba'át'e' ádinígi át'éego niha'át'e' ádaadin.

MATTHEW 10:22

áádóó shízhi' biniinaa diné t'áá ałtso nihik'ee dadiniih doo, nidi t'áá háiida t'áá nihoníyáajį' ha'ólnínígíí éí yisdádooltééł.

MATTHEW 7:15

T'óó ádahodil'į́įgo dahalne'ii bits'ąą ádaa ádahołyą́, jó éí dibégi át'éego doo báhádzidgóó nihaa nídaakah, nidi dabiyi'di t'éí mą'iitsoh t'óó báhádzidgo dichin daazlį́į'go da'aldeełii nidahalin.

LUKE 10:4

Dah na'ayizii áádóó azis bee na'aljidí índa ké t'áadoo dayínóhjáhí, áádóó k'é ha'ní biniyé atiingóó t'áadoo nida'áhodołziidí.

JOHN 10:12

Ákondi adeenáago naalnishii éí doo na'niłkaadii nilį́į da, éí dibé doo t'áá bí bilį́į́'góó biniinaa mą'iitsoh éí dibé yich'į' yilwołgo yiyiiłtséehgo, dibé t'áá ákǫ́ǫgo dah díníichééh, áko mą'iitsoh éí dibé ła' yił nehedił áádóó ła' baa taojah.

JOHN 15:20

Naalte' éí binanit'a'í doo yilááh át'ée da, nihidishníigo saad bee nihich'į' haasdzíi'ii béédaałniih. Atídashiilaago, nihí ałdó' atídanihidoolííł; shizaad yik'eh dahół'į́įgo, nihí ałdó' nihizaad yik'eh dahół'į́į doo.

JOHN 16:2

Jew dine'é áłah nádleehii bitahdóó bits'ánihidi'doo'nił; t'áá aaníí bich'į' hoolzhish, t'áá háiida nihiisxį́įgo éí Diyin God bá nisis'a' nízin doo.

ACTS 20:29

Nihits'ą́ą́' dah diiyáádóó bik'ijį' mą'iitsoh báádahadzidii nidahalingo diné nihitah hidookahgo shił bééhózin, áko da'oodlání doo yaa daazid da dooleeł.

ACTS 9:16

háálá lą'ígóó shízhi' biniinaa ti'hwiizhdoonihgo hoł bééhodeesįįł.

ACTS 9:2

Damáskasgi Jew dine'é áłah nídaadleehii bich'į' naaltsoos há hadadidoolníiłgo bíjííkeed, Damáskasdę́ę́' diné índa asdzánída Bóhólníihii bik'ehgo honít'i'góó dayíkáhígíí ła' bik'ízhníyáá ládą́ą́' bidazhdootł'oołgo Jerúsalemjį' nízhdoo'ish biniyé.