LUKE 10:2 - Navajo Bible

² Íídą́ą́' ábizhdííniid, T'áá íiyisí da'neest'ą́, nidi da'dooyishígíí t'áá díkwíí; éí bąą agizh bee Bóhólníihii bá da'dooyishígíí dá'ák'ehgóó iidiyooł'aałgo bíká sodadołzin.

LUKE 10:2 ပူးပေါင်းရင်းမြစ်များ

I KINGS 18:22

Nít'éé' Iiláíjah diné áłah nilínígíí ííłní, Shí, t'áá shí t'éiyá, Bóhólníihii yá halne'ii nishłį́įgo yisdziih, nidi Béíyal yá dahalne'ii éí dį́įdi neeznádiindóó ba'aan ashdladiin yilt'é.

PSALMS 68:11

Bóhólníihii haadzíí'. Sáanii t'óó ahayóí dahalne'go kódaaní,

JEREMIAH 3:15

Áko aa ádahalyáanii nihaa dadideesh'áałgo ił ééhózin índa ak'idi'yiitįįh yíndanihiniłtin doo.

ZECHARIAH 11:17

Na'ni łkaadii doo ajílíinii dibé t'óó bizh'níłnii'ii doo hojooba' ájíníi da! Diyin God bidiltłish yee hagaan k'íidookał índa hanáá' nish'náájí hayí'dooshish; hagaan ałtso doogą́ą́ł índa hanáá' nish'náájí t'áá íiyisí bił chahodoołhił.

ZECHARIAH 11:5

Dibé nidayiiłniihgo t'óó nideiłtseed, áko doo ádáát'įįdí da nidahalin, áádóó baa nida'iiniihii ádaaní, Bóhólníihii baa hwii'niih, háálá bee asist'įįd. Jó, t'áá hó há nida'niłkaadígíí doo hak'édí danilį́į da.

NUMBERS 11:17

Áko áajį' hadahodeeshłeełgo ákwii nił ałch'į' hadeesdzih, áádóó níłch'i nił hólónígíí éí haa dideesh'áałgo diné bee bide ádahoot'éhígíí bich'į' nił dadzíldzíił doo, áko doo t'áá sáhí yí'ish da doo.

NUMBERS 11:29

Nidi Mózes áháłní, Shíísh shiniinaa iiníłch'į́į́d? Bóhólníihii bidine'é t'áá át'é Diyin God yá dahalne' dooleełígíí áádóó Bóhólníihii biNíłch'i bik'i dahwiidooleełígíí laanaa nisin.

MATTHEW 20:1

Jó, yá'ąąshii bee bóhólníihgo bił haz'áanii, éí díí nahalin: diné léi' kéyah bił haz'ą́ągi bee bóhólníihii bich'il na'atł'o'ii bitahgóó bá nidadoolnishii ła' t'ah abínídą́ą́' yíká dah diiyá.

MARK 13:34

Diné Silį́į'ii éí díigi át'é: diné ła' haghan bits'ą́ą́' náánáła' kéyahgóó dashdiiyáago há nidaal'a'í t'ááłá'í nítínígo, Díí ninaanish dooleeł, dabizhdííniidgo hook'ee nizhnínil, áádóó ch'é'étiin yaa áhályáanii, Hazhó'ó ha'ísííd, bizhdííniid.

MARK 16:15

Áko ábizhdííniid, Nihílááh, nahasdzáán nidanees'ą́ąjį' diné t'áá át'é hane' yá'át'éehii bee bił dahołne'.

MARK 16:20

Áádóó da'níłts'ą́ą́'góó adadziiskaigo hane' yá'át'éehii baa dahojoolne', Bóhólníihii hoł hólǫ́ǫgo nidajilnish, áko bee éédahózinii bee ádajooníłígíí bee hazaad bidziilgo ádeile'. T'áá ákót'ée doo.]

LUKE 9:1

Áko naakits'áadahígíí áłah ájiilaago níłch'i bi'iiníziinii t'áá ałtso ayi'dę́ę́' hadeiniiłkaad doo biniyé, índa bąąh nidahałniihii doo át'éhí da áńdeidle' doo biniyé bee adziilii áádóó bee óhólnííh bitaazdeez'ą́,

ACTS 11:19

Stephen seesyį́į́dóó bik'ijį' Jesus dajoosdląądígíí biniinaa atídahodil'į́įgo bik'ee tadzooskaígíí Finííshiya áádóó Sáípras índa Ántiyakjį' dajíkááhgóó, t'áá hazhó'ó Jew dine'é t'éiyá Diyin God bizaad bee bił nidahodzisne'.

ACTS 13:2

Éí łah dahozdísingo t'áadoo da'jiyání Bóhólníihii bich'į' sodazdilzingo Níłch'i Diyinii áhodííniid, Bárnabas índa Saul naanish biniyé ninínilígíí shá bits'ánóhnííł.

ACTS 13:4

Áko Níłch'i Diyinii dah hodiił'a'go Siilúshiya góyaa jiní'áázh, áko áádóó Sáípras hoolyéégóó hoł dah adii'éél.

ACTS 20:28

Ádaa ádahołyą́, áádóó dibégi át'éego Diyin God dayoodláanii t'áá ła' bizhi'ee baa ádahołyą́ągo bida'iyohsą́ą doo biniyé Níłch'i Diyinii ninihinínil, háálá Jesus t'áá bí bidił yik'é niiníláago ádá shóyoost'e'.

ACTS 22:21

Áko shich'į' haadzíi'go ání, Dah diinááh, háálá nízaadgóó doo Jew dine'é danilíinii bitahgóó nideesh'aał.

ACTS 8:4

Áko tahodi'nooskaadígíí saad baa dahojilne'go tádazhdookai.

I CORINTHIANS 12:28

Áko Diyin God éí da'oodlání áłah nídaadleehígíí bitahgi ła' niinínil, átséhé góne' daal'aadii, naakií góne' Diyin God yá dahalne'ii, táá' góne' nida'nitinii, áádóó Diyin God bibee adziilii bee éédahózinii álílee k'ehgo yaa nidaakaii, índa hadaałt'é ánída'oodlíiłii, áádóó áká anídaajahii, áádóó ándaha'áii, índa álílee k'ehgo yáti' yee yádaałti'ii.

I CORINTHIANS 15:10

K'ad ánísht'éhígíí éí Diyin God shaa jooba'go ánísht'é, áko bibee ajooba' sheidiní'ánígíí doo t'áá ádzaaí silį́į' da, háálá daal'aadii t'áá ałtso biláahgo nisis'a', nidi t'áá shí éí dooda, jó, Diyin God bibee ajooba' shił hólǫ́ǫgo nisis'a'.

II CORINTHIANS 6:1

Áko Diyin God bił neiilnishii Diyin God bibee ajooba' t'áadoo biniyéhígóó t'áadoo nídahidoohłéhí nihidii'níigo nánihiikąąh,

PHILIPPIANS 2:21

Háálá t'áá ałtso t'áá bí yídaneedlíinii t'éí agháago yaa nitsídaakees, Jesus Christ bídadéét'i'ii éí doo yaa nitsídaakees da.

PHILIPPIANS 2:25

Shik'is, Iipafrodáítas, bił naashnishii áádóó shígi át'éego Christ yá siláo nilíinii, índa shíká adoolwoł biniyé shaa dasooł'a'ígíí, éí t'áá ákónéehee nihich'į' náhodéł'a' nisin.

PHILIPPIANS 2:30

háálá Christ bá nijilnishgo k'asdą́ą́' dadziztsą́. Nihí doo kǫ́ǫ́ nidaahkaigóó t'áadoo shíká oojée' da nidi Iipafrodáítas be'iina' doo yaa hą́ą́h niizį́į́'góó shíká adoolwołígíí yaa ádeet'ą́ągo shá naas'a'.

COLOSSIANS 1:29

Jó, díí biniyé naashnish, Christ ayóó át'éego shiyi'di naalnishgo bąą t'áá íináwołí bee naasdzil.

COLOSSIANS 4:12

Épafras t'éí aadę́ę́' nihitahdę́ę'go diné nilį́įgo Christ Jesus yá naal'a'í nilíinii k'é nihiłní. Éí oodlą́ yee nininísáanii danohłį́į doo biniyé, índa t'áadoo anáhóót'i'í Diyin God íinízinii t'áá yíní át'éegi nihił béédahózin doo biniyé t'áá áłahjį' nihénálniihgo t'áá íináwołí bee nihá sodilzin.

I THESSALONIANS 2:9

Nihik'isóó danohłíinii, yéego nidashiilnishígíí áádóó naanish nihííghą́'ígíí béédaałniih! Diyin God bits'ą́ą́dóó hane' yá'át'éehii bee nihił nidahosiilne'dą́ą́', doo nihaa naanish nihighą́ą da doo biniyé jį́įgo áádóó tł'ée'go t'áá nihí ák'inideiilnish nít'éé'.

I THESSALONIANS 5:12

Nihik'isóó, díí baa nídanihiikąąh, nihitah nidaalnishii éí Bóhólníihii yee nihilą́ąjį' naazį́įgo nidanihinitinii nihił danilį́į le'.

II THESSALONIANS 3:1

Áádóó nihik'isóó, nihá sodadołzin, t'áá nihitahgóó ádzaaígi át'éego Bóhólníihii bizaad náás yit'ihgo baa ha'niih doo.

I TIMOTHY 4:10

Jó, díí biniyé t'áá awołí bee nideiilnish áádóó nihá nahałt'i', háálá Diyin God hináanii bee nihił chodahoo'į́; bí t'éiyá diné t'áá ałtso yisdáyiiníiłii nilį́, daboodláanii íiyisí yisdáyiinííł.

II TIMOTHY 4:5

Nidi ni, t'áá ałtsojį' ádaa áhólyą́; ti'hoo'nííh bich'į' ha'íínílní, hane' yá'át'éehii baa nahólne', ni'dool'aadígíí bi'ílééh.

PHILEMON 1:1

Paul, Christ Jesus baa hashne'go biniinaa awáalyaaí nishłíinii, áádóó Timothy nihik'is nilíinii, Failííman ayóó'ííníi'níigo bił nideiilnishígíí,

HEBREWS 3:6

Nidi Christ, éí haa hodzódlíigo Diyin God biYe' jílį́įgo, Diyin God ba'áłchíní bee hóhólnííh. Jó, nihí t'áá nihoolzhiizhjį' Diyin God hwee nihił chodahoo'į́įgo haa dadzííníidlíigo bee chánah daniidlį́įgo ha'áłchíní daniidlį́.

REVELATION 2:1

Éfesasgi da'oodlání áłah nádleehii bidiyingo naal'a'í kót'éego bich'į' ak'e'íłchí: Bíla' nish'náájí yee sǫ' tsosts'idgo dah yoojihii, t'áá éí tsosts'idgo bee hool'iní bá yadaa'áhígíí óola bee ádaalyaii yitaagháii kóní: