LUKE 1:3 - Navajo Bible

³ Éí bąą shí ałdó' díí t'áá ałtso t'áá dadeezt'i'dóó wóshdę́ę́' hazhó'ó bik'i'diitą́ągo t'áá ádaat'éégóó ałkéé' sinilgo bee nich'į' ak'e'deeshchíiłgo yá'át'ééh nisin, Thiyáfilas t'áá íiyisí ił nílíinii,

LUKE 1:3 ပူးပေါင်းရင်းမြစ်များ

PSALMS 40:5

Bóhólníihii shiDiyin God nílíinii, dooládó' ayóó ádaat'éii t'óó ahayóí ła' yinilaa da lá, áádóó bee nihaa nitsíníkeesígíí t'óó ahayóí lá, áko éí baa hashne'ii doo bee nił ahozh'noolnííh át'ée da, áádóó baa aho'niishne'go doo jóołta' ánéelą́ą' da doo.

PSALMS 50:21

Díí baa nisíníyá. Shí éí t'óó dííníshhéél nít'éé'. T'áá shígi ájít'é nínízingo shaa nitsíníkees nít'éé'. Nidi k'ad éí nidideeshteh, baa nisíníyáhígíí ałkéé' sinilgo bee nił hashne' doo.

PROVERBS 22:21

Áko adanis'a'ii saad t'áá aaníinii bee bił náhodíílnih biniyé saad t'áá aaníinii doo naaki nilį́į́góó nił bééhodeesįįł.

ECCLESIASTES 12:9

Áádóó t'ah nááyówehígo halne'í hóyánígíí bąą diné ił ééhózin t'ahdii yee yich'į' yáłti'; t'áá aaníí, saad nawólta' ts'ídá hazhó'ó baa nitsídzízkéézdóó haa lá yit'éego dooleeł lá jinízingo nabik'ítsídzízkéezgo lą'í ałkéé' nizhnínil.

LUKE 1:1

T'áá aaníí woodláanii nihitahgóó bidahoolyaii lą'í yaa dahalne'go ak'eda'ashchį́.

ACTS 1:1

Thiyáfilas yinílyéii, ts'ídá áłtséedi Jesus yaa naayáhígíí áádóó yee na'neeztą́'ígíí naaltsoos áłtséhígíí bikáá' íishłaa

ACTS 11:4

Nidi Peter ádahóót'įįdígíí hazhó'ó ałkéé' niinínilgo yaa aho'niilne'go ání:

ACTS 15:19

Éí bąą kót'éego bee nitsískees, doo Jew dine'é danilíinii bitahdę́ę́' Diyin God yich'į' dah nídahidiikáhígíí t'áadoo baa nídeiit'íní dooleeł,

ACTS 15:25

Áko áłah siidlį́į'go aheełt'éego nitsídeiikeesgo diné ła' nídadii'nilgo, éí ayóó'ádeíníi'níinii Bárnabas índa Paul bił nihich'į' dadeel'a'go la', yá'át'ééh daniidzį́į́',

ACTS 15:28

Háálá díí t'áá ákónéehee ádaat'éii át'é, t'ah náábíláahgo t'éí doo nihiyéél ádeiilne' da, éí Níłch'i Diyinii yá'át'ééh nízingo nihí ałdó' yá'át'ééh daniidzin:

ACTS 18:23

T'áá ákǫ́ǫ́ hwee hodíína'go dashdiiyáago Galéíshiya índa Fríjiya kéyah t'áá át'éé nít'éé' biyi'góó tázhdííyáago ídahooł'aahii t'áá ałtso bi'oodlą' bidziil áńdajiidlaa.

ACTS 23:26

Shí Kládiyas Lísiyas nishłíinii, Fííliks naat'áanii ił nílíinii k'é nidishní.

ACTS 24:3

kwá'ásiní, aláahgo ił nílíinii Fííliks, t'áá áłahjį' índa t'áá ałtsogi t'áá íiyisí baa ahééh daniidzin.

ACTS 26:25

Nidi Paul ání, Féstas aláahgo ił nílíinii, doo tsi'déyáa da, nidi k'éhézdongo saad t'áá aaníinii bee yáshti'.

I CORINTHIANS 16:12

Nidi Apálas nihik'is jílíinii, éí ałk'isóó danilíinii ła' bił aadi nihaazhdookah nihósh'níigo baa náhwiisiskan, nidi k'ad ákǫ́ǫ́ doogáłígíí t'ah doo yee hasht'e'nitsíkees da nisin. Nidi há ashja hoodzaago daats'í índa akǫ́ǫ́ jidoogááł.

I CORINTHIANS 7:40

Nidi diné t'áágééd nijigháago éí t'ah aláhídi át'éego hoł hózhǫ́ǫ dooleeł nisin. Áádóó shí ałdó' Diyin God biNíłch'i Diyinii shee hólǫ́ nisingo ádíshní.

I TIMOTHY 4:6

Díí na'nitin ałk'isóó danilíinii bidááhdóó nihíníiłgo bee nanítin, áko yá'át'éehgo Jesus Christ yá naal'a'í nílį́į doo, índa oodlą́ saad éí na'nitin yá'át'éehii bik'ehgo hinínánígíí bee hółdzilgo sínízį́į doo.