JOSHUA 9:9 - Navajo Bible

⁹ Áko ádahodííniid, Kéyah doo deeghánídę́ę́' ninaal'a'í yíkai, háálá Bóhólníihii niDiyin God bízhi' bee ch'íbidit'ááh, áádóó Ííjip kéyahdi áát'įįdígíí t'áá át'é baa dahosidiits'ą́ą́'.

JOSHUA 9:9 ပူးပေါင်းရင်းမြစ်များ

I KINGS 8:41

Áádóó ałdó' dé'éyóní ła' doo Ízrel dine'é nilíinii nízhi' ayóó át'éii biniinaa kéyah nízaadę́ę́' níyáago,

NEHEMIAH 9:5

Áko Líívai dine'é danilį́įgo Jéshuwa, Kádmiyel, Béínai, Hashabnáíyah, Sheriibáíyah, Hodáíjah, Shebanáíyah índa Pethaháíyah ádadííniid, Daohsįįhgo Bóhólníihii nihiDiyin God baa dahohniihgo hool'áágóó ahóyéel'áa doo; nízhi' ayóó át'éii éí ak'ihojidlíii índa aa ha'niihii biláahgo ayóó át'éego baa ha'niih doo.

PSALMS 148:13

Bíni'dii Bóhólníihii bízhi' yaa dahaniih, háálá bí bízhi' t'éiyá ts'ídá aláahgo át'éii át'é; nahasdzáán índa yádiłhił biláahgo Bóhólníihii ayóó át'éii nilį́.

PSALMS 72:19

Bízhi' ayóó át'éii bee hool'áágóó baa ha'niih le'! Yee ayóó át'éii nahasdzáán t'áá át'éé nít'éé' bił si'ą́ą le'! T'áá ákót'é áádóó t'áá ákót'ée le'!

PSALMS 78:12

Dabizhé'é yę́ę binááł, Ííjip kéyahdi Zówan hoolyéegi Diyin God t'óó bik'eda'ayóii áyiilaa.

PSALMS 83:18

Áko nahasdzáán bikáá'góó t'áá níłtéél nít'éé' t'áá ni t'éiyá, Bóhólníihii yinílyéhígíí, Aláahgo Ayóó'át'éii nílį́įgo diné bił béédahózin le'.

EXODUS 15:14

Ał'ąą dine'é da'diizts'ą́ą'go bitah dahoditłid doo; Filístiya kéyahdi kéédahat'íinii yínííł yiih dínóodah.

EXODUS 9:16

Nidi t'áá aaníí díí biniyé aláahgo naat'áanii ániishłaa: ninahjį' shibee adziilii bééhózingo ádeeshłííł áádóó nahasdzáán bikáá'góó shízhi' baa hane' doo.

ISAIAH 55:5

Jó, dine'é ła' doo béédahonohsinii hágo dabididohniił, áádóó dadine'é doo nihéédahósinii Bóhólníihii nihiDiyin God áádóó Ízrel dine'é biDiyin nilíinii binahjį' nihaa hidookah, háálá éí ayóó ádanoht'éego ánihiilaa.

ISAIAH 66:19

Áádóó hatahgi bee ééhózinii ádeeshłííł índa yisdádahaaskaígíí ał'ąą dine'é bitahgóó dahodeesh'aał: Társhish áádóó Pul índa Lud kédaayahgóó éí ałtį́į́' nídeidiłts'ǫ'ii áádóó Túbal kéyahgóó índída Jéívan kéyahgóó áádóó doo deeghánídi kéyah táyi'dę́ę́' hadaaz'áágóó kéédahat'íinii bee shaa ha'niihii t'ah doo deidiits'į́įh daígíí índa ayóó ánísht'éii t'ah doo dayiiłtséeh daígíí bitahgóó dahodeesh'aał, áádóó ał'ąą dine'é bitahgóó ayóó ánísht'éii yaa dahalne' doo.

NUMBERS 14:15

K'ad diné t'áá łá'í dziisxínígi át'éego díí dine'é t'áá ałtso nisíníłtseedgo ał'ąą dine'é naa dahodidoots'į́įłgo ádadidooniił,

NUMBERS 20:14

Áko Mózes éí Kéídeshdóó hane' nidei'áhí danilíinii éí Íídam hoolyéédóó aláahgo naat'áanii bich'į' ajiis'a'go ájíní, Ízrel dine'é nik'éí kódaaní, Díí nił bééhózin: ach'į' nahwii'ná t'áá át'é bik'ee ka nisiikai;

ACTS 8:7

Diné lą'í níłch'i danchxǫ́'ígíí biyi' dahólónígíí bii'dę́ę́' hadahidilgháashgo hadahaazhjéé'; doo bitah nidahwii'nánígíí índa nida'niłhodígíí ałdó' hadaałt'é áńdaalyaa.

DEUTERONOMY 20:11

Ákohgo, K'é náhodoodleeł lą́ą, danihidííniidgo áádóó dáń'dítį́hí ąą ádayiilaago diné t'áá ałtso bik'ídahisoohkaígíí nihinaalte' dadooleeł áádóó nihá nidaal'a' doo.

DEUTERONOMY 20:15

Ákót'éego doo deeghánídi kin hadaas'áhígíí éí t'áá ałtso ákódadoohłííł; kin hadaas'áhígíí doo kǫ́ǫ́ ana'í bikin hadaas'áa da.

JOSHUA 9:10

Áádóó Ámor dine'é aláahgo binanit'a'í nidilt'éego Jórdan tooh biláahdi Héshban kin haal'áádóó aláahgo naat'áanii Sáíhan wolyéii índa Béíshan kéyahdóó aláahgo naat'áanii Ag wolyéii, éí Áshtarath kin haal'áagi bighanígíí áyííł'įįdii t'áá át'é baa dahosidiits'ą́ą́'.

JOSHUA 9:16

Bee aha'deet'áanii bił ádajiilaadóó bik'ijį' táá' yiską́ągo t'áá hoł kéédahat'íinii danilį́įgo índa hatahgóó kéédahat'į́įgo baa dahozdiizts'ą́ą́'.

JOSHUA 9:17

Áko Ízrel dine'é dah dadiináádóó táá' yiską́ągo Gíbiyan dine'é bikin hadaas'áadi níná. Nít'éé' bikin hadaas'áhígíí éí Gíbiyan áádóó Kiifáírah áádóó Biyérath índa Kírjath-jíyarim dahoolyé.

JOSHUA 9:24

Nít'éé' Jáshowa áńdeidoo'niid, Ninaal'a'í daniidlíinii t'áá aaníígóó nihił dahóone'; Bóhólníihii niDiyin God nilíinii binaal'a'í Mózes éí kéyah t'áá át'é nihaididoo'áałgo éí kéyahgi kéédahat'íinii t'áá ałtso t'áá nihilą́ąjį' íidoołdįįłgo yich'į' yee haadzíí'. Éí bąą ádanihidoołdįįłgi bik'ee t'áá íiyisí nihił daayée'go nihiniinaa ákódeiit'įįd.