JOSHUA 9:4 - Navajo Bible

⁴ binda'adlo'go diné á yádaałti'go aląąjį' naazíinii nahalingo t'óó ádahodil'į́įgo dah dadiikai. Azis dadiizhaazhii áádóó tó abid wáin bee naagéhígíí dadiizhaazhii índa nidahaazt'óodgo bidanída'deest'áanii éí dabitélii yéédayíiztł'in.

JOSHUA 9:4 ပူးပေါင်းရင်းမြစ်များ

GENESIS 34:13

Áko Jéíkab biye'ké éí Shííkem índa bizhé'é Héímor yida'doolohgo yich'į' hadaasdzíí', háálá Jéíkab biye'ké bideezhí Dáínah t'óó baa yáhásinígi ájiilaa,

PSALMS 119:83

Háálá tó abid éí łid bii'jį' nahííłtsoozígíí nahonishłin sélį́į́', ákondi bee nihoyíní'áanii doo baa yisénah da.

MATTHEW 10:16

Jó'akon, dibé éí mą'iitsoh yitahgóó dadeeskaígi át'éego danihidish'á; éí bąą tł'iish hóyánígi át'éego dahonohsą́, áádóó hasbídí ba'át'e' ádinígi át'éego niha'át'e' ádaadin.

MATTHEW 9:17

Índa wáin ániidíii tó abid hadaastihii doo biih yikaah da; ákódziidzaago tó abid dadooldoh, áádóó wáin yóó'íína' doo, áádóó tó abid t'áá ádzaaí dadooleeł, nidi wáin ániidíii tó abid ádaaniidíii biih yikááh, áko t'áá áłah nízaadgóó choo'į́.

MARK 2:22

Índa diné ła'da wáin ániidíígíí tó abid hadaastihii doo yiih yikaah da; ákódziidzaago wáin éí tó abid deidoołdoh, áko wáin éí yóó'íína' doo, índa tó abid éí t'áá ádzaaí dadooleeł, nidi wáin ániidíígíí tó abid ádaaniidíígíí biih yikááh.

LUKE 16:8

Áko naalye'é yaa áhályáanii doo ákwii áát'įįdígíí hóyą́ągo ádzaaígíí binahjį' binanit'a'í baa haznih, háálá díí hoolzhishígíí biyi' nihokáá' dine'é áda'ahil'ínígíí yee adinídíín ba'áłchíní yiláahdi dahóyą́.

JOSHUA 9:12

Kǫ́ǫ́ nihibááh t'áá sidogo nihighandóó ch'ídashiijaa'ígíí danihist'e'go deíníikáahgo nihaa niikai, nidi k'ad shoo, daazgango dláád daazlį́į́' lá.

JOSHUA 9:13

Díí tó abid wáin bee naagéhígíí ádaaniidígo wáin bii' hadadeelbįįd nít'éé', shoo, nidahaazdláád, índa doo deeghánídę́ę́' niikaígíí bąą nihi'éé' áádóó nihikee'da ałdó' dadiizhaazh lá.

JOSHUA 9:3

Nidi Gíbiyangi kéédahat'íinii éí Jériko kin haal'áagi áádóó Éí'ai kin haal'áagi Jáshowa áát'įįdígíí yaa dahodiizts'ą́ą'go

JOSHUA 9:5

Áádóó ké dadiizhaazhii bidanída'deest'áanii yiih daaz'eez áádóó éé' dadiizhaazhii yiih daaskai. Áko bááh t'áá ałtso dayiyííłkiinígíí daazgango dláád daazlį́į́'.