JOSHUA 9:3 - Navajo Bible

³ Nidi Gíbiyangi kéédahat'íinii éí Jériko kin haal'áagi áádóó Éí'ai kin haal'áagi Jáshowa áát'įįdígíí yaa dahodiizts'ą́ą'go

JOSHUA 9:3 ပူးပေါင်းရင်းမြစ်များ

II SAMUEL 2:12

Áko Ner biye' Ábner éí Saul yę́ę biye' Ish-bósheth yá nidaal'a'í Meihanéíyim kin shijaa'dóó bił ch'íjíkaigo Gíbiyan kin haal'áadi jíkai.

I CHRONICLES 12:4

áádóó Gíbiyan kin haal'áádóó Isméíyah wolyéii; éí diné tádiingo bitahgóó diné hayóii nilį́, áádóó tádiingo yilą́ąjį' sizíinii nilį́, áádóó Jeremáíyah, Jahéíziyel áádóó Johéínan índa Gedíírah kin shijaa'dóó Józabad wolyéii,

II CHRONICLES 1:3

Áko Sálaman áádóó áłah ílínígíí t'áá ałtso bił wók'ą́ądi Gíbiyan kin haal'áadi jíkai, háálá Diyin God biníbaal bii' dahozdísinii áadi si'ą́; éí Bóhólníihii bá naal'a'í Mózes honoojíidi áyiilaa.

JEREMIAH 28:1

T'áá éí yihahígíí binih Júdah dine'é aláahgo binanit'a'í Zedekáíyah aláahgo naat'áanii nilį́įgo t'óó hodeesá yę́ędą́ą́' éí dį́į́' náhááh góne' áádóó ashdla' nídízííd binih Ázar biye' Hananáíyah áhodoonííł yaa halne'ii nilíinii Gíbiyan kin haal'áádę́ę́' naagháago Bóhólníihii bikin bii' sohodizin góne' nááda'iiłniihii índa diné t'áá ałtso yinááł shich'į' haadzíi'go kóní,

JOSHUA 10:1

Ákódzaago Jerúsalem kin haal' áádóó aláahgo naat'áanii Adónai-zíídek wolyéii díí yaa hodiizts'ą́ą́': Jáshowa éí Éí'ai kin haal'áii yik'eh deesdlį́į'go ts'ídá ałtso íísdįįdígíí áádóó Jériko kin haal'áii aláahgo binanit'a'í t'áá bił áyííł'įįdígi át'éego Éí'ai kin haal'áii áádóó aláahgo binanit'a'í ákónááyiidlaaígíí índa Gíbiyan dine'é éí Ízrel dine'é yił k'é da'ahó'níigo áyiilaa áádóó bił kééhojit'į́į́ nít'éé'.

JOSHUA 10:2

Áko hadine'é t'áá bił ayóó át'éego hoł yéé' dahazlį́į́', háálá Gíbiyan kin haal'áii éí ayóó át'éego nahat'á kin haal'áii nahalin, áádóó Éí'ai biláahgo kin yíl'áá nít'éé', índa diné danilíinii t'áá ałtso dahayóí nít'éé'.

JOSHUA 10:28

Áko éí bijį́ Jáshowa éí Makíídah kin haal'áii dadzisná áádóó diltłish bee ałtso nidadzistseed; aláahgo binanit'a'í t'áá bił ádadzisdįįd, áko diné t'áá át'é ałtso nidadzistseedgo t'ááłá'í nidi t'áadoo ła' áádadzisįįd da; t'áá Jériko kin haal'áádóó aláahgo naat'áanii ádajiilaa yę́ęgi át'éego Makíídah kin haal'áádóó aláahgo naat'áanii ałdó' ákódajiilaa.

JOSHUA 10:30

áádóó Bóhólníihii éí Líbna dine'é áádóó aláahgo binanit'a'í Ízrel dine'é yílák'eidíí'ą́ągo atídayiilaa áádóó diltłish yee nideistseed, áko diné t'áá át'é ałtso nideistseedgo t'ááłá'í nidi t'áadoo ła' áádeisįįd da; t'áá Jériko kin haal'áádóó aláahgo naat'áanii ádayiilaa yę́ęgi át'éego díí aláahgo naat'áanii ałdó' ákódayiilaa.

JOSHUA 11:19

Kin hadaas'áii t'ááłá'í nidi t'áadoo ła' Ízrel dine'é yich'į' k'é daniidzį́į' da; t'áá hazhó'ó Háíva dine'é Gíbiyan kin haal'áagi kéédahat'ínígíí t'éiyá; ła'ígíí éí t'áá ałtso bił anaa' dahojíłǫ́ǫgo nidadzistseed.

JOSHUA 18:25

Áádóó Gíbiyan, Réímah, Biyérath,

JOSHUA 21:17

Áádóó Bénjamin dine'é bikéyah biyi' éí Gíbiyan kin haal'áii binaagóó dahootsooígíí t'áá bił, Gííba kin haal'áii binaagóó dahootsooígíí t'áá bił,

JOSHUA 9:17

Áko Ízrel dine'é dah dadiináádóó táá' yiską́ągo Gíbiyan dine'é bikin hadaas'áadi níná. Nít'éé' bikin hadaas'áhígíí éí Gíbiyan áádóó Kiifáírah áádóó Biyérath índa Kírjath-jíyarim dahoolyé.

JOSHUA 9:22

Áko Jáshowa éí Gíbiyan dine'é hágo yidííniidgo ííłní, T'áá nihitahgi kéédahoht'į́įgo, Nízaadę́ę́' neiikai, dadohníigo ha'át'íísh biniyé nihinda'soolo'?

JOSHUA 9:4

binda'adlo'go diné á yádaałti'go aląąjį' naazíinii nahalingo t'óó ádahodil'į́įgo dah dadiikai. Azis dadiizhaazhii áádóó tó abid wáin bee naagéhígíí dadiizhaazhii índa nidahaazt'óodgo bidanída'deest'áanii éí dabitélii yéédayíiztł'in.