JOSHUA 9:2 - Navajo Bible

² t'ááłáhíjį' áłah silį́į́'; Jáshowa áádóó Ízrel dine'é yik'iidoojah yiniyé łá'í daazlį́į́'.

JOSHUA 9:2 ပူးပေါင်းရင်းမြစ်များ

PROVERBS 11:21

T'áádóo nídí da'ahijiiltsoodgo diné doo yá'ádajíshóonii ts'ídá atídahodi'doolnííł doo baa dáázhdidookah da, nidi t'áá ákogi ááníiłii ba'áłchíní béédahididoochił.

ISAIAH 54:15

Jó, t'áá aaníí áłah áda'didoolnííł, nidi shí shee éí dooda; t'áá háiida niniyé áłah daazlį́'ígíí éí niniinaa na'adínóodah.

ISAIAH 8:12

Nihiya'iidleeh, daanínígíí ni t'áadoo ákódíníní, nidi yik'ee bił daayé'ígíí t'áadoo bik'ee nił yé'í, doodaii' t'áadoo náníldzidí.

JOSHUA 10:5

Éí bąą Ámor dine'é aláahgo bindanit'a'í ashdlalt'éego, éí Jerúsalem dine'é aláahgo binanit'a'í áádóó Hííbran dine'é aláahgo binanit'a'í áádóó Jármath dine'é aláahgo binanit'a'í áádóó Léíkish dine'é aláahgo binanit'a'í índa Églan dine'é aláahgo binanit'a'í, díí t'áá ła' bizhi'ee áłah silį́į́', índa bisiláo t'áá ałtso yił dah diikaigo t'áá dah oonééł nít'éé'; Gíbiyan kin haal'áii yik'iijeehgo anaa' dahasłį́į́'.

JOSHUA 11:1

Ákódaadzaago Héízor kin haal'áádóó aláahgo naat'áanii Jéíbin wolyéii díí yaa hodiizts'ą́ą'go éí Méídan kin haal'áádóó aláahgo naat'áanii Jóbab wolyéii áádóó Shímran kin haal'áádóó aláahgo naat'áanii índa Ákshaf kin haal'áádóó aláahgo naat'áanii bich'į' i'dziis'a',

JOSHUA 11:5

Áko díí aláahgo naat'áanii danilíinii t'áá ałtso bisiláo áłah ádayiilaago Ízrel dine'é yił ałk'iidoojah biniyé be'ek'id Mííram hoolyéegi tábąąhgóó niníná.

JOSHUA 24:11

Áko Jórdan tooh ha'naa ninoonáago Jériko kin haal'áajį' nooná, áádóó Jériko dine'é nihik' iijéé', áko Ámor dine'é, Píírez dine'é, Kéínan dine'é, Het dine'é, Gírgas dine'é, Háíva dine'é índa Jííbas dine'é éí t'áá ájít'é nihílák'ee hodíí'ą́.

REVELATION 16:14

Éidí níłch'i bida'iiníziinii álílee k'ehgo bee éédahózinii ádayoolíiłii ádaat'é. Nahasdzáán t'áá si'ą́ą́ nít'éé' bikáá'góó aláahgo naat'áanii danilíinii éí Diyin God Aláahgo Ayóó'ábóodziilii ayóó át'éego bik'eh ha'doo'áałdi ałk'i iidoojahgo áłah ádahodoolííł biniyé yaa hakááh.