JOSHUA 9:10 - Navajo Bible

¹⁰ Áádóó Ámor dine'é aláahgo binanit'a'í nidilt'éego Jórdan tooh biláahdi Héshban kin haal'áádóó aláahgo naat'áanii Sáíhan wolyéii índa Béíshan kéyahdóó aláahgo naat'áanii Ag wolyéii, éí Áshtarath kin haal'áagi bighanígíí áyííł'įįdii t'áá át'é baa dahosidiits'ą́ą́'.

JOSHUA 9:10 ပူးပေါင်းရင်းမြစ်များ

GENESIS 14:5

Áádóó dį́į́'ts'áadah náhááh góne' Kédorleiyómer índa ła' ananit'a'í danilíinii hoł daníbaa', áko Ríífem dine'é éí Áshteroth-karnéíyim hoolyéegi áádóó Zúzim dine'é éí Ham hoolyéegi índa Íímim dine'é éí Sháveh-kíriyathéíyim hoolyéegi

I CHRONICLES 6:71

Manáseh dine'é ałníí'dóóígíí bikéyahgi Béíshan nahós'a'gi Gólan kin haal'áhígíí áádóó binaagóó dahootsoígi áádóó Áshtarath kin haal'áhígíí índa binaagóó dahootsoígi Gérshan biye'ké baa dahodeest'ą́.

NUMBERS 20:14

Áko Mózes éí Kéídeshdóó hane' nidei'áhí danilíinii éí Íídam hoolyéédóó aláahgo naat'áanii bich'į' ajiis'a'go ájíní, Ízrel dine'é nik'éí kódaaní, Díí nił bééhózin: ach'į' nahwii'ná t'áá át'é bik'ee ka nisiikai;

DEUTERONOMY 1:4

Éí Ámor dine'é aláahgo binanit'a'í Sáíhan wolyéii Héshban kin haal'áagi kééhat'į́į́ nít'é'ígíí áádóó Béíshan nahós'a'dóó aláahgo naat'áanii Ag wolyéii Áshtarath kin haal'áagi Édriyaigi kééhat'į́į́ nít'é'ígíí nidzistseedóó bik'ijį':

DEUTERONOMY 2:30

Nidi Héshban kin haal'áádóó aláahgo naat'áanii Sáíhan wolyéii bíighahgóó ch'ídii'néłígíí t'áadoo yee nihadi'ní'ą́ą da. Háálá Bóhólníihii nihiDiyin God éí háni' yiyííłtł'is áádóó hajéí doo biníhóó'áágóó áhoolaa. Nihílák'ee hodidoo'áłígíí biniyé doo ájóne' át'éégóó díísh jį́į́góó ákóhósin.

JOSHUA 12:4

áádóó Béíshan nahós'a'gi aláahgo naat'áanii Ag wolyéii, éí yé'iitsoh daadzí'ígíí ła' nilį́įgo, Áshtarath kin haal'áadi áádóó Édriyai kin shijaa'di kééhat'į́į́ nít'éé',

JOSHUA 13:31

áádóó Gíliyad kéyah ałníí'dóóígíí índa Béíshan dine'é aláahgo binanit'a'í Ag wolyéii bee bóhólnííh nít'éé' yę́ę biyi' Áshtarath áádóó Édriyai kin hadaas'áii, díí éí Manáseh biye' Méíkir bidine'é ałníí'dóóígíí ahii' háá'ahiyoolchíłígíí bik'ehgo bá ałts' ádaasdzo.

JOSHUA 2:10

Háálá nihaa dahosidiits'ą́ą'go haash yit'éego Bóhólníihii éí Tónteel Łichíí' tsé'naa nihilą́ąjį' nihá nihoníłtseii éí Ííjip kéyahdę́ę́' náoh'nééł yę́ędą́ą́' áhóót'įįdígíí áádóó Ámor dine'é aláahgo binanit'a'í nidilt'éego Jórdan tooh wónaanídi bich'į' ádaot'įįdígíí éí Sáíhan índa Ag wolyéii nidasoołtseedii baa dahosidiits'ą́ą́'.

JOSHUA 2:9

Áádóó diné ábijiní, Díí shił bééhózin: Bóhólníihii éí kéyah nihaididoo'ááł áádóó nihik'eda'íyée'go bik'ee nisiniikai, áádóó kéyah bikáa'gi diné kéédahat'ínígíí t'áá át'é nihik'ee bitah doo dahwiina' da.

JOSHUA 9:11

Áko nihá aląąjį' naazíinii índa nihikéyahgóó kéédahat'íinii t'áá ałtso ádanihidííniid, Bikiin wohkah dooígíí ła' nídadoohníiłgo bidááh nohkáahgo ádabididoohniił, Ninaal'a'í daniidlį́. K'ad bee aha'deet'áanii bee nihił ahadadi'diit'ááł.

JOSHUA 9:9

Áko ádahodííniid, Kéyah doo deeghánídę́ę́' ninaal'a'í yíkai, háálá Bóhólníihii niDiyin God bízhi' bee ch'íbidit'ááh, áádóó Ííjip kéyahdi áát'įįdígíí t'áá át'é baa dahosidiits'ą́ą́'.