JOSHUA 9:1 - Navajo Bible

¹ Áko aláahgo naat'áanii danilíinii t'áá ałtso Jórdan tooh biláahdi dah daask'idgóó áádóó deíldzisgóó índa Dził Lébanan bich'į'go ayóó át'é tónteel siyínígíí bibąąhgóó kéédahat'íinii éí Het dine'é, Ámor dine'é, Kéínan dine'é, Píírez dine'é, Háíva dine'é índa Jííbas dine'é díí yaa dahodiizts'ą́ą'go

JOSHUA 9:1 ပူးပေါင်းရင်းမြစ်များ

II SAMUEL 24:7

Áádóó Táir kin haal'áagi bine' na'adzi'ii bił haz'ą́ąjį' índa Háíva dine'é áádóó Kéínan dine'é bikin hadaas'áágóó tázhdookai, áko índa Júdah kéyah shádi'áahjigo Bíyer-shííba kin shijaa'go áajį' jíkai.

EXODUS 23:23

Jó, shidiyingo naal'a'í nihilą́ąjį' yigáałgo Ámor dine'é áádóó Hét dine'é áádóó Píírez dine'é áádóó Kéínan dine'é áádóó Háíva dine'é índa Jííbas dine'é yich'į' nihidoo'ish, áko éí ádahodeeshdįįł.

EXODUS 23:31

Tónteel Łichíi'ii siyínídóó Filístiya dine'é bitónteel siyíníjį', índa honoojíídóó tooh nílíníjį' nihá hodeeso; jó, kéyah yii' kéédahat'íinii nihílák'ee dideesh'áałgo ch'ídadínóołkał.

EXODUS 3:17

Áko haasdzíi'go bee nihoní'áanii; éí Ííjip kéyahdi ti'hoo'nííh bits'ą́ą́dóó ch'ínihideesh'ishgo Kéínan dine'é áádóó Het dine'é áádóó Ámor dine'é áádóó Píírez dine'é áádóó Háíva dine'é índa Jííbas dine'é bikédaayahjį', kéyah yá'áhoot'éehgi abe' índa tsés'ná bitł'izh bee áda'azįįdgo haz'ą́ąjį' ánihideesh'ish.

EXODUS 34:11

Díí jį́ bee nihich'į' haasdzí'ígíí béédaałniihgo baa dahonohsą́; jó, nihilą́ąjį' Ámor dine'é, Kéínan dine'é, Het dine'é, Píírez dine'é, Háíva dine'é índa Jííbas dine'é ch'ídahoniishkaad doo.

NUMBERS 13:29

Ámalek dine'é éí kéyah shádi'ááhjígo kéédahat'į́; Het dine'é, Jííbas dine'é áádóó Ámor dine'é éí dziłghą́ą́'góó kéédahat'į́ índa Kéínan dine'é éí tónteel bibąąhgi áádóó Jórdan tooh nílíní bibąąh góyaa kéédahat'į́.

NUMBERS 34:6

Índa e'e'aahjí hoodzooígíí éí ayóó át'é tónteel siyínígíí bibąąhgóó hoodzo doo. Díí éí e'e'aahjígo hoodzooígíí át'ée doo.

DEUTERONOMY 1:7

k'ad dah doohnéehgo Ámor dine'é bikéyah deílk'idgóó áádóó k'ídahoneezláagi kéédahat'ínígíí bitahgóó, dadzígaigóó áádóó dah daask'idgóó áádóó dahoníts'aa'góó áádóó shádi'áahjigo áádóó tónteel bibąąhgóó Kéínan dine'é bikéyahjigo áádóó Lébanan kéyahgi dził daní'áágóó índa ayóó át'é Yufréítiiz wolyéego tooh nílínígíí bich'į'go dadohnééh.

DEUTERONOMY 3:25

T'áá shǫǫdí, Jórdan tooh wónaanídi kéyah ayóó ánóolninígóó áádóó daadził dahózhónígóó índa Lébanangóó deesháałgo hwiideestséełgo sha'di'ní'aah.

DEUTERONOMY 4:49

Áádóó Jórdan tooh ha'a'aahjigo t'áá át'é nidzisgaigo Dził Pízgah biyaadóó tónteel siyíníjį' ałdó' bikéyah nít'éé'.

DEUTERONOMY 7:1

Bóhólníihii nihiDiyin God éí kéyah nihíí' ádadoohłííł biniyé yiih nihíí'eezhgo, ał'ąą dine'é t'óó ahayóí nihinááł baa ch'éheezhjée'go, jó, éí Het dine'é, Gérgash dine'é, Ámor dine'é, Kéínan dine'é, Píírez dine'é, Háíva dine'é índa Jííbas dine'é danilį́įgo tsosts'idgo ał'ąą dine'é danilíinii nihiláahgo ayóó ádaat'é índa ayóó ádabóodziil;

JOSHUA 1:15

Bóhólníihii éí háádaa łyį́įhgo ánihiilaaígi át'éego nihik'isóó háádaalyį́įhgo áyiilaajį' áádóó ałdó' kéyah íí' dooleełii Bóhólníihii nihiDiyin God beididoo'áłígíí ádíí' ádayiilaajį' bíká adoohjah, ákohgo nihí kéyah bich'į' nát'ą́ą́' nídoohkahgo ádíí' ádadoohłííł áádóó baa nihił dahózhǫ́ǫ doo; éí kéyah Jórdan tooh wóshch'ishdi ha'a'aahjigo haz'ánígi nihaidiní'ą́.

JOSHUA 1:4

Honoojíídóó áádóó Dził Lébanandóó Yufréítiiz wolyéego ayóó át'é tooh nílíníjį' áádóó Het dine'é bikéyah t'áá át'éé nít'éé' nihikéyah doo, áko e'e'aahjigo ayóó át'é tónteel siyínígíí bíighahgo nihihoodzo dooleeł.

JOSHUA 10:23

Áko ákódaadzaago tsé'áándę́ę́' aláahgo naat'áanii ashdlalt'éhígíí deiizh'eezh: éí Jerúsalemdóó aláahgo naat'áanii áádóó Hííbrandóó aláahgo naat'áanii áádóó Jármathdóó aláahgo naat'áanii áádóó Léíkishdóó aláahgo naat'áanii índa Églandóó aláahgo naat'áanii danilį́į́ nít'éé'.

JOSHUA 11:17

Dził Héílak si'ánídóó Dził Síyer bich'į'go t'áá Béíyal-géedjį', éí Dził Hérman si'ání bitsį́įdi Lébanan yíldzisgóó ak'eh dadeesdlį́į́'. Áko aláahgo binanit'a'í danilíinii t'áá ałtso dzisnáago atíjiilaago nidzistseed.

JOSHUA 13:5

áádóó Gííbal dine'é bikéyah áádóó Dził Lébanan ní'áhígíí t'áá át'é, ha'a'aah bich'į'go Dził Hérman bitsį́įgi Béíyal-géed kin shijaa' áádóó Héímathjį' ahóót'i'ígíí bíighahgo.

JOSHUA 15:12

Áko e'e'aahjí hoodzo dooígíí éí ayóó át'é tónteel siyínígíí bibąąhgóó hodeesdzo. Díí éí Júdah dine'é ahii' háá'ahiyoolchíiłii bik'ehgo bináhásdzo.

JOSHUA 22:4

Áko k'ad Bóhólníihii nihiDiyin God éí nihik'isóó háá'áyį́į́h yeidiní'ą́; jó, t'áá ákót'éego yich'į' yee ádee hadoodzíí'; éí bąą k'ad nihéédahohkááh; danihighangóó áádóó kéyah nihíí' daazlį́'ígóó, éí Bóhólníihii yá naal'a'í Mózes wolyéii Jórdan tooh wónaanídi nihaa hodiní'ánígóó nihéédahohkááh.

JOSHUA 22:7

Áko Mózes éí Manáseh dine'é ałníí'dóóígíí Béíshan kéyah biyi' bíí' dooígíí yeidiní'ą́, nidi Manáseh dine'é łahjį' ałníí'dóóígíí éí dabik'is bikédaayah bitahgi Jórdan tooh e'e'aahjígo bíí' dooígíí Jáshowa beidiní'ą́. Áádóó dahaghangóó Jáshowa hwéé'iisnii'go hak'ijisdli',

JOSHUA 23:4

Jó, yáá'iilt'e' bik'ehgo díí ał'ąą ana'í ał'ąą dah naazhjaa'go áshłaii t'ah nihił kéédahat'ínígíí, éí Jórdan toohdóó e'e'aahjí ayóó át'é tónteel siyíníjį' ał'ąą ana'í t'áá ałtso t'áá íídą́ą́' áséłdįįdígíí bikédaayah nít'é'ígíí t'áá bił nihíí' dooleeł.

JOSHUA 24:11

Áko Jórdan tooh ha'naa ninoonáago Jériko kin haal'áajį' nooná, áádóó Jériko dine'é nihik' iijéé', áko Ámor dine'é, Píírez dine'é, Kéínan dine'é, Het dine'é, Gírgas dine'é, Háíva dine'é índa Jííbas dine'é éí t'áá ájít'é nihílák'ee hodíí'ą́.

JOSHUA 3:10

Áko Jáshowa ání, Díí nihił béédahodoozįįł: Diyin God hináanii nihitahgi hólǫ́; éí t'áadoo ch'ééh ííł'íní nihilą́ąjį' Kéínan dine'é, Het dine'é, Háíva dine'é, Píírez dine'é, Gírgas dine'é, Ámor dine'é índa Jííbas dine'é ałtso baa ch'íhidoojah.

JOSHUA 3:17

Áádóó nááda'iiłniihii éí Bóhólníihii bitsits'aa' dílzinii éí bee aha'deet'áanii bii' sinilii deí'aahgo ni' hóółtseigi Jórdan tooh ałníi'gi naazį́į́ nít'éé'; Ízrel dine'é t'áá ałtso ni' hóółtseigóó tsé'naa yikahgo diné ałtso Jórdan tooh ha'naa niikai.

JOSHUA 5:1

Ákódzaago Ámor dine'é aláahgo bindanit'a'í t'áá ałtso Jórdan tooh biláahdi e'e'aahjigo kéédahat'ínígíí índa Kéínan dine'é aláahgo bindanit'a'í t'áá ałtso tónteel bíighahgóó kéédahat'ínígíí Bóhólníihii éí Jórdan tooh ha'naa niiníłtseiigo Ízrel dine'é binááł tsé'naa ałtso ninii'nánígíí yaa dahodiizts'ą́ą'go éí yik'ee bijéí nitsidaastłah índa doo bił chodahóó'įįd da, háálá Ízrel dine'é biniinaa ákódadziidzaa.

JOSHUA 6:27

Áko Bóhólníihii éí Jáshowa yił hólǫ́ǫ́ nít'éé', áádóó éí kéyah biyi'góó t'áá át'éé nít'éé' bééhózínígo tádííyá.

JOSHUA 9:7

Nidi Ízrel dine'é éí Háíva dine'é ádeidííniid, T'áá nihitahgi kéédahoht'į́įgo ha'át'éegoshą' bee aha'deet'áanii bee nihił ahadadi'diit'ááł?