JOSHUA 8:9 - Navajo Bible

⁹ Áko Jáshowa éí adahwiis'a'go aa nihizhdookahgóó ajookai; éí Béthel kin shijaa'ígíí áádóó Éí'ai kin haal'áhígíí bita'gi Éí'ai e'e'aahjígo aa nijiyeekai. Nidi t'áá éí bitł'éé' Jáshowa éí Ízrel dine'é bitahdi biiską́.

JOSHUA 8:9 ပူးပေါင်းရင်းမြစ်များ

GENESIS 12:8

Áádóó dashdiináago Béthel hoolyéhídóó ha'a'aah bich'į'go dził ní'áhígi nizh'níná; ákwii haníbaal nizh'nínil; e'e'aahjígo kin sinilígíí éí Béthel hoolyé; ha'a'aahjígo kin sinilígíí éí Éí'ai hoolyé; ákwii Bóhólníihii bich'į' náázhdi'yoołnih biniyé bikáá' náá'iiniihí ánáájiidlaago Bóhólníihii bízhi' józhíigo bich'į' sozdoolzin.

GENESIS 32:21

Ákohgo aazhdooléłígíí halą́ąjį' danéelkaad; hó éí oonéłígíí t'áá ákwe'é bił dahwiiską́.

EZRA 2:28

Béthel índa Éí'ai kin haal'áádóó diné naakidi neeznádiindóó ba'aan naadiin táá'.

NEHEMIAH 7:32

Béthel kin shijaa'dóó índa Éí'ai kin haal'áádóó dine'é t'ááłáhídi neeznádiindóó ba'aan naadiin táá'.

JOSHUA 7:2

Áko Jáshowa éí Jériko kin haal'áádóó Éí'ai kin haal'áajį' diné ła' dah dahizhdiił'a'; Éí'ai éí Beth'éíven kin shijaa' bíighahgi Béthel ha'a'aahjígo kin haal'áhígóó dazdees'a'go ábizhdííniid, Nihílááh, kéyah hadaahsííd. Áko éí diné naalchi'í danilį́įgo Éí'aigóó eekaigo hada'íísid.

JOSHUA 8:10

Áko t'ah abínídą́ą́' Jáshowa nízhdii'na'go diné dadeezbaa'ígíí hadzíísid áádóó Ízrel dine'é yiląąjį' naazíinii bił alą́ąjį' Éí'ai kin haal'áágóó dashdiikai.

JOSHUA 8:12

Áko ashdladi mííl diné nízhdiinilgo Béthel kin shijaa'ígíí áádóó Éí'ai kin haal'áhígíí bita'gi Éí'ai e'e'aahjígo aa héeshjée'go ájiilaa.

JOSHUA 8:8

Áko kót'ée doo: kin haal'áhígíí dasoołnáago biih dahodidoohnił; Bóhólníihii nihich'į' yee haadzíi'ii bik'ehgo ída'doohłííł. Jó, ákót'éego nihich'į' bee haasdzíi' ni'.

I SAMUEL 30:27

Béthel kin haal'áagi kéédahat'ínígíí bá dooleeł. Réímath shádi'ááhjígo kin haal'áagi kéédahat'ínígíí ałdó', Játer kin shijaa'góoda,