JOSHUA 8:8 - Navajo Bible

⁸ Áko kót'ée doo: kin haal'áhígíí dasoołnáago biih dahodidoohnił; Bóhólníihii nihich'į' yee haadzíi'ii bik'ehgo ída'doohłííł. Jó, ákót'éego nihich'į' bee haasdzíi' ni'.

JOSHUA 8:8 ပူးပေါင်းရင်းမြစ်များ

II SAMUEL 13:28

Áko Ábsalam bá nidaal'a'í yich'į' haadzíi'go ání, Díí k'ad baa ákodadínóohsįįł: Ámnan éí wáin bił honiiłdoigo áádóó, Ámnan atídahohłééh, nihidííniidgo dadiyoołhééł. Da' doósh t'áadoo bik'ee nihił daayé'í, nihidishníigo nihich'į' bee haasdzíi' da? Chánah ída'díínół zin áádóó t'áadoo ninádahinołyésí.

DEUTERONOMY 20:16

Nidi díí ana'í bikin hadaas'áhígóó kéyah íí' dooleełgo Bóhólníihii nihiDiyin God nihaididoo'áłígíí bikáa'gi dahináanii doo ła' ą́ą́dadoohsįįł da.

JOSHUA 1:16

Áádóó diné éí Jáshowa yich'į' hadaasdzíi'go ádeiłní, Nihich'į' bee háínídzíi'ii t'áá ałtso bik'eh ádadii'nííł, áádóó t'áá nihíł'áágóó nideiikai dooleeł.

JOSHUA 1:9

Da' díísh doo bee nich'į' haasdzíi' da? Nidziilgo í'díí'nílzin áádóó chánah í'díí'nílzin; t'áadoo náníldzidí, doodaii' t'áadoo ádił nisindáhí, háálá Bóhólníihii niDiyin God éí t'áá hidínááhgóó nił hólǫ́.

JOSHUA 6:24

Áko kin haal'áhígíí áádóó bii' dahólónígíí ałtso adeideesk'ą́ą́'; t'áá hazhó'ó béésh łigaii áádóó óola áádóó béésh łitsoii índa béésh nitł'izii bee łeets'aa' ádaalyaii t'éiyá éí Bóhólníihii bikin biyi' naalye'é da'ílíinii ahi'nííł góne' yah adajizhjaa'.

JOSHUA 8:13

Áko kin haal'áhígíí náhookǫsjígo diné nidaabaahii t'áá ałtso áádóó e'e'aahjígo diné aa héeshjé'ígíí ninínáago Jáshowa t'áá éí bitł'éé' yíldzisdi biiską́.

JOSHUA 8:2

Áko t'áá Jériko kin haal'áii áádóó aláahgo naat'áanii ííníł'įįdígi át'éego Éí'ai kin haal'áii áádóó aláahgo naat'áanii ákónáádíídlííł. Nidi Éí'ai dine'é bindaalye'é áádóó dabilį́į́' deidoołbįįłígíí t'áá nihí ádá nídadidoohnił. Kin haal'áhígíí bine'dę́ę'go baa nidahidoohkah.

JOSHUA 8:22

Áko Ízrel dine'é ła'ígíí kin haal'áhídóó éí yich'į' ch'íníjéé', ákohgo Éí'ai dine'é éí Ízrel dine'é bita'gi tsístł'aaskai, áko Ízrel dine'é ałts'ą́ą́hjí niníjée'go ałtso nidahastseed; łá'í nidi doo ła' joodzíi' da, índa doo ła' yisdájííyáhí da.

JOSHUA 8:28

Áko Jáshowa éí Éí'ai kin haal'áhígíí iidííłk'ą́ą́' áádóó éí hool'áágóó ałk'i yanáa'áago yíchxǫ'go éí díísh jį́į́góó ákót'é.

JOSHUA 8:7

Áko baa nihinoohkaídóó nídidoohjahgo kin haal'áhígíí dadoołnééł, háálá Bóhólníihii nihiDiyin God éí nihaididoo'ááł.

JOSHUA 8:9

Áko Jáshowa éí adahwiis'a'go aa nihizhdookahgóó ajookai; éí Béthel kin shijaa'ígíí áádóó Éí'ai kin haal'áhígíí bita'gi Éí'ai e'e'aahjígo aa nijiyeekai. Nidi t'áá éí bitł'éé' Jáshowa éí Ízrel dine'é bitahdi biiską́.

JUDGES 4:6

Áko Abínowam biye' Bérak éí Kéídesh-náftalai kin haal'áagi kééhat'íinii bíká ajííł'a'go ábizhdííniid, Ízrel dine'é biBóhólníihii Diyin God díí yee ná haadzíí': Nílááh, Náftalai dine'é índa Zébyulan dine'é bisiláo neeznáadi míilgo nił yinéeł doo.