JOSHUA 8:23 - Navajo Bible

²³ Nidi Éí'ai dine'é aláahgo binanit'a'í nilíinii deisnáago Jáshowa yaa deizlóóz.

JOSHUA 8:23 ပူးပေါင်းရင်းမြစ်များ

JOSHUA 10:17

Áádóó Jáshowa bee bił hóóne'go áhodoo'niid, Aláahgo naat'áanii ashdlalt'éego Makíídahdi tsé'áán góne' nídadeest'į́į'go bééhoozin.

JOSHUA 10:22

Ákohgo Jáshowa ádííniid, Tsé'áán ąą ádaahłéehgo áádę́ę́' aláahgo naat'áanii ashdlalt'éhígíí shich'į' ninoh'éésh.

JOSHUA 8:22

Áko Ízrel dine'é ła'ígíí kin haal'áhídóó éí yich'į' ch'íníjéé', ákohgo Éí'ai dine'é éí Ízrel dine'é bita'gi tsístł'aaskai, áko Ízrel dine'é ałts'ą́ą́hjí niníjée'go ałtso nidahastseed; łá'í nidi doo ła' joodzíi' da, índa doo ła' yisdájííyáhí da.

JOSHUA 8:24

Áádóó ákódzaago Ízrel dine'é éí Éí'aigi kéédahat'íinii honoojíígóó hakéé' yóó'ííjé'ígíí t'áá ałtso nideistseedgo Éí'ai dine'é ts'ídá ałtso diltłish yee dayííghą́ą́', áko Ízrel dine'é éí t'áá ałtso Éí'aijį' t'ą́ą́' nákai; áadi ałdó' diltłish yee nideistseed.

JOSHUA 8:29

Áádóó Éí'ai dine'é aláahgo binanit'a'í yę́ę tsin bąąh dah hizhdiilo'go t'áá yąąh dahidíłtį́įgo i'íí'ą́, áko jį́honaa'éí ííyáago Jáshowa áníinii bik'ehgo éí aláahgo naat'áanii bits'íís éí tsin bąąhdę́ę́' nida'iidiiłtį́įgo kin haal'áhígíí bich'é'étiinjį' adayiisxan áádóó ayóó át'éego tsé éí yik'i yáádayiitsi; éí díí jį́įjį' ákót'é.

REVELATION 19:20

Áko naaldlooshii naayéé' nilíinii bił ni'deedéél áádóó t'óó áhodil'į́įgo halne'ii, éí naaldlooshii naayéé' nilíinii binááł álílee k'ehgo bee éédahózinii áyiilaago bee naaldlooshii naayéé' nilíinii bibee í'diidlííd bee bída'diidlidígíí áádóó t'áá éí be'elyaii yich'į' nidahałáá nít'éé' yę́ę álílee k'ehgo bee éédahózinii yee yi'deezlo'ii ałdó' bił ni'deedéél. Éí t'áá áłah t'áá hináago kǫ' be'ek'id tsékǫ' bił dook'ą́ąłii biyi' góne' aheestł'ííd.

I SAMUEL 15:8

Áko Ámalek dine'é aláahgo binanit'a'í Éígag t'áá hináago nízhdiiłtį́, nidi diltłish bee diné ałtso nidadzistseed.