JOSHUA 8:2 - Navajo Bible

² Áko t'áá Jériko kin haal'áii áádóó aláahgo naat'áanii ííníł'įįdígi át'éego Éí'ai kin haal'áii áádóó aláahgo naat'áanii ákónáádíídlííł. Nidi Éí'ai dine'é bindaalye'é áádóó dabilį́į́' deidoołbįįłígíí t'áá nihí ádá nídadidoohnił. Kin haal'áhígíí bine'dę́ę'go baa nidahidoohkah.

JOSHUA 8:2 ပူးပေါင်းရင်းမြစ်များ

II CHRONICLES 13:13

Nidi Jerobówam bisiláo ła' hane'dę́ę'go haa héeshjée'go áyiilaa; ła' éí Júdah dine'é bidááhdę́ę'go yaa héeshjéé', áádóó ła' yine'dę́ę'go yaa héeshjéé'.

II CHRONICLES 20:22

Áko adaho'niitáalgo áádóó Bóhólníihii yaa dahaniihgo Bóhólníihii éí Áman dine'é áádóó Mó'ab dine'é índa Dził Síyerdóó dine'é éí Júdah dine'é yiniyé niheeznáago ahaah héeshjée'go áyiilaa, áko t'óó ałk'i néijéé'.

PSALMS 39:6

T'áá aaníí, t'áadoo le'é bízhdínéeshyęęzhígíí nahalingo diné hiná! T'áá aaníí, t'áadoo biniyéhígóó doo hasht'edadít'ée da. Diné hasht'e'ni'dii'níił łeh, nidi bíí' dooleełii éí doo bił bééhózin da!

PROVERBS 13:22

Diné yá'át'éehii binálíké bíí' dadooleełii yá ats'éidi'ááh, áádóó diné ádił nida'iisíihii binaalye'é dah yoot'įįłígíí diné t'áá ákogi ádaaníiłii bá hasht'e'nii'nił.

PROVERBS 28:20

Diné ba'ahódlíii éí bee bik'ihojidlíii t'óó ahayói doo, nidi diné adoot'įįłígíí yaa tsxį́į́ł niizį́į'ii éí t'áá atíbidi'doolníłí.

JEREMIAH 17:11

Déłdánii éí ayęęzhii yik'i sidáago t'áadoo hayiyííłjé'ígi át'éego diné na'adlo' bee yit'íinii nishóiyoołt'eehii ákót'é; éí hastóí dooleełígíí bich'į' bíídíiską́ągo yit'íinii bits'ą́ą́' háájí shį́į́ silį́į'go doo áhojilyą́ą́góó dazdootsaał.

JEREMIAH 51:12

Bábilan kin haal'á binaa ahééda'astł'inígíí bik'ijį' dah na'at'a'go ádaohłééh. Lą'ígo bináołzhíísh; ha'ídées'į́'í lą'ígo ninohnííł, áádóó diné ła' aa héeshjée'go ádaohłééh, háálá Bóhólníihii éí Bábilan kéyahgi kéédahat'íinii kódoolnííł, dííniidgo yinahaz'áanii yi'iilaa.

DEUTERONOMY 2:35

T'áá hazhó'ó alį́į́' dooígíí t'éiyá ádá áádasiilzįįd, áádóó kin hadaas'áhígíí naalye'é bąąh da'oogą́ą'ii ádá nídahaadláá'.

DEUTERONOMY 20:14

Nidi asdzání danilíinii áádóó áłchíní áádóó alį́į́' ał'ąą ádaat'éii áádóó kin haal'áagi naalye'é t'áá át'é ádá áłah ádadoohłííł, índa nihi'ana'í danilíinii bindaalye'é éí doodį́įłii t'áá bił Bóhólníihii nihiDiyin God nilíinii nihaididoo'ááł.

DEUTERONOMY 3:2

Áádóó Bóhólníihii áshíłní, T'áadoo bik'ee nił yé'í; bí áádóó bidine'é índa bikéyah nihaa dideesh'ááł, áko Héshban kin haal'áádóó Ámon dine'é aláahgo binanit'a'í Sáíhan wolyéii ádaoł'įįdígi át'éego bí ałdó' ákódadoohłííł.

JOSHUA 10:1

Ákódzaago Jerúsalem kin haal' áádóó aláahgo naat'áanii Adónai-zíídek wolyéii díí yaa hodiizts'ą́ą́': Jáshowa éí Éí'ai kin haal'áii yik'eh deesdlį́į'go ts'ídá ałtso íísdįįdígíí áádóó Jériko kin haal'áii aláahgo binanit'a'í t'áá bił áyííł'įįdígi át'éego Éí'ai kin haal'áii áádóó aláahgo binanit'a'í ákónááyiidlaaígíí índa Gíbiyan dine'é éí Ízrel dine'é yił k'é da'ahó'níigo áyiilaa áádóó bił kééhojit'į́į́ nít'éé'.

JOSHUA 10:28

Áko éí bijį́ Jáshowa éí Makíídah kin haal'áii dadzisná áádóó diltłish bee ałtso nidadzistseed; aláahgo binanit'a'í t'áá bił ádadzisdįįd, áko diné t'áá át'é ałtso nidadzistseedgo t'ááłá'í nidi t'áadoo ła' áádadzisįįd da; t'áá Jériko kin haal'áádóó aláahgo naat'áanii ádajiilaa yę́ęgi át'éego Makíídah kin haal'áádóó aláahgo naat'áanii ałdó' ákódajiilaa.

JOSHUA 11:14

Áádóó díí kin hadaas'áágóó ana'í binaalye'é bąąh da'oogą́ą'ii áádóó alį́į'da éí Ízrel dine'é t'áá bí ádá áádeisįįd, nidi diné t'ááłá'í nítínígo diltłish bee nidadziłtseedgo ts'ídá ałtso ádadzisdįįd, áko dahináanii t'áadoo ła' áádadzisįįd da.

JOSHUA 6:21

Áko kin haal'áhígi dahólónígíí, diné áádóó asdzání ániid nidaakaii áádóó hadaastihii, béégashiida, dibéda índa téliida ts'ídá ałtso diltłish yee ádeisdįįd.

JOSHUA 8:12

Áko ashdladi mííl diné nízhdiinilgo Béthel kin shijaa'ígíí áádóó Éí'ai kin haal'áhígíí bita'gi Éí'ai e'e'aahjígo aa héeshjée'go ájiilaa.

JOSHUA 8:14

Áko Éí'ai dine'é aláahgo binanit'a'í díí yiyiiłtsą́ągo kin haal'áhídóó dine'é t'áá a łtso t'ah abínídą́ą́' tsį́įłgo nídiijéé'; bí índa bidine'é t'áá bee nihoot'ą́ą́ góne' honíteelgi Ízrel dine'é bidááshníjée'go anaa' dahodzisłį́į́', nidi kin haal'áhígíí bine'dę́ę'go baa neheekaígíí doo bił bééhózin da.

JOSHUA 8:19

Áko aa héeshjée'go naháaztánídóó tsį́įłgo nídiijéé'. Jáshowa t'áá dah didiilnii'góó t'áá áko dah diijée'go kin haal'áá góne' ííjéé' áádóó éí deisnáago kin haal'áhígíí tsį́įłgo yiih dahodeeznil.

JOSHUA 8:24

Áádóó ákódzaago Ízrel dine'é éí Éí'aigi kéédahat'íinii honoojíígóó hakéé' yóó'ííjé'ígíí t'áá ałtso nideistseedgo Éí'ai dine'é ts'ídá ałtso diltłish yee dayííghą́ą́', áko Ízrel dine'é éí t'áá ałtso Éí'aijį' t'ą́ą́' nákai; áadi ałdó' diltłish yee nideistseed.

JOSHUA 8:3

Áko Jáshowa dah diiyáago diné nidaabaahii t'áá ałtso bił Éí'ai kin haal'áágóó dashdiikai, áko Jáshowa éí diné ayóó át'éego nidaabaahii tádiindi míilgo nízhdiinilgo tł'ée'go adziis'a'.

JOSHUA 8:7

Áko baa nihinoohkaídóó nídidoohjahgo kin haal'áhígíí dadoołnééł, háálá Bóhólníihii nihiDiyin God éí nihaididoo'ááł.

JOSHUA 8:8

Áko kót'ée doo: kin haal'áhígíí dasoołnáago biih dahodidoohnił; Bóhólníihii nihich'į' yee haadzíi'ii bik'ehgo ída'doohłííł. Jó, ákót'éego nihich'į' bee haasdzíi' ni'.

JOSHUA 8:9

Áko Jáshowa éí adahwiis'a'go aa nihizhdookahgóó ajookai; éí Béthel kin shijaa'ígíí áádóó Éí'ai kin haal'áhígíí bita'gi Éí'ai e'e'aahjígo aa nijiyeekai. Nidi t'áá éí bitł'éé' Jáshowa éí Ízrel dine'é bitahdi biiską́.

JOSHUA 9:3

Nidi Gíbiyangi kéédahat'íinii éí Jériko kin haal'áagi áádóó Éí'ai kin haal'áagi Jáshowa áát'įįdígíí yaa dahodiizts'ą́ą'go