JOSHUA 8:10 - Navajo Bible

¹⁰ Áko t'ah abínídą́ą́' Jáshowa nízhdii'na'go diné dadeezbaa'ígíí hadzíísid áádóó Ízrel dine'é yiląąjį' naazíinii bił alą́ąjį' Éí'ai kin haal'áágóó dashdiikai.

JOSHUA 8:10 ပူးပေါင်းရင်းမြစ်များ

GENESIS 22:3

Áádóó Éíbraham t'áá íiyisí abínígo nízhdii'na'go hatélii bik'i dah adziznil áádóó hatsíłkéí naaki ádíjii'nil; haye' Áízak ałdó' bił bee adidlidgo náá'iiniih biniyé chizh ahizhdííłkaal. Diyin God doohkah hałnínę́ęgóó dashdiikai.

PSALMS 119:60

T'áadoo át'ah hwiindziní nibik'eh ó'oo'níiłii bik'eh hosíł'įįd.

JOSHUA 3:1

T'ah abíínídą́ą́' Jáshowa nídii'na'go Shíttimdóó dah náádadii'ná, áko Jórdan toohjį' Ízrel dine'é t'áá ałtso bił jiníná, índa t'ah doo ha'naa niinééhgóó t'áá ákwii dabiiską́.

JOSHUA 6:12

Áko Jáshowa t'ah abínídą́ą́' nídii'na'go nááda'iiłniihii éí Bóhólníihii bitsits'aa' dílzinii nídeidii'ą́.

JOSHUA 7:16

Ákohgo t'ah abínídą́ą́' Jáshowa nídii'na'go Ízrel dabidine'é bik'ehgo nijiizh'eezh; nít'éé' Júdah dine'é nídii'nil.

JOSHUA 8:11

Áko diné nidaabaahii t'áá ałtso hoł naakai nít'é'ígíí hoł dah diikaigo kin haal'áhígíí bich'į' t'áá áyídíjį' nijíkai índa Éí'ai náhookǫsjígo nizhníná, áko Éí'ai kin haal'áii bił hata'gi bokooh lá.

JOSHUA 8:9

Áko Jáshowa éí adahwiis'a'go aa nihizhdookahgóó ajookai; éí Béthel kin shijaa'ígíí áádóó Éí'ai kin haal'áhígíí bita'gi Éí'ai e'e'aahjígo aa nijiyeekai. Nidi t'áá éí bitł'éé' Jáshowa éí Ízrel dine'é bitahdi biiską́.