JOSHUA 8:1 - Navajo Bible

¹ Bóhólníihii éí Jáshowa áyidííniid, T'áadoo nił yé'í; t'áadoo ádił nisindáhí; nídiidáahgo diné nidaabaahii t'áá ałtso dah dii'éeshgo nihílááh, Éí'ai kin haal'áágóó dohkááh; jó, Éí'ai dine'é áádóó aláahgo binanit'a'í áádóó bidine'é áádóó bikin haal'áhígíí índa bikéyah nihílák'eidíí'ą́.

JOSHUA 8:1 ပူးပေါင်းရင်းမြစ်များ

PSALMS 27:1

Bóhólníihii éí shá adinídíín áádóó bee yisdááyáii nilį́; háishą' bik'ee ádíyanahasyiz doo? Bóhólníihii adziil yee shaa áhályą́ągo hinishná; háishą' binásdzid doo?

PSALMS 44:3

Jó, t'áá bí bidiltłish yee doo kéyah dayoosbą́ą da áádóó doo t'áá bí bigaan yee yisdáákai da. Nidi nigaan nish'náájí áádóó t'áá ni nidziilígíí índa ninii' bits'ádi'nílídígíí bee íínít'įįd. Háálá bich'oniníigo ánít'į́.

PSALMS 46:11

T'áá ałtsoní bee Bóhólníihii éí nihił hólǫ́. Jéíkab biDiyin God bine' adahiniichééh. Síilah.

ISAIAH 12:2

Jó, Diyin God bee yisdáhásháahii nilį́ áádóó baijóshłíigo doo násdzid da dooleeł, háálá Bóhólníihii Diyin God bee shidziilii áádóó shiyiin nilį́įgo bee yisdááyáii silį́į́'.

ISAIAH 43:2

Tó biyi'góó ch'íhínáahgo nił honishłǫ́ǫ doo, áádóó tooh danílíinii biyi'góó ch'íhínáahgo doo nik'i didoolkǫǫł da; kǫ' biyi'góó ch'íhínáahgo doo nididoohłił da, doo nidi kǫ' dah nídíno'ii nídínaad da doo.

JEREMIAH 46:27

Nidi t'áadoo náníldzidí, Jéíkab shá naal'a'í nílíinii, t'áadoo nitsindáhí, Ízrel yinílyéii, háálá doo deeghánídę́ę́' yisdánídeeshtééł áádóó nits'ą́ą́dóó oochíiłii yisnááh danilį́į́dę́ę́' yisdádeeshnił, jó'akon, índa Jéíkab nídoodáałgo hanályį́įh doo áádóó doo nínáádzíldzid da doo; ła'da doo hoł yéé' áhodoolíił da.

JEREMIAH 49:3

Héshban yinílyéii, Rábah nichago ák'idiit'aah, háálá Éí'ai kin haal'á hoolchxǫ'go ályaa. Rábahdóó atsi'ké danohłíinii, yéego daohcha; tł'oh yishbizh bee áká daołzisgo atínídadinohdleehgo kin haal'á binaa ahééda'astł'inígíí bine'dę́ę́' ałnááhohjah, háálá Málkam wolyéii áádóó binááda'iiłniihii índa bá nidaal'a'í naat'áanii danilíinii t'áá yił bi'disnáágóó dadooleeł.

DANIEL 2:21

Dahwéelzhíishii áádóó ahééhwiidáahii ałtah ánáyoodlííł; aláahgo naat'áanii dah náhidinoobįįłgo ánáyoodlííł; dahóyáanii bee hódzą́ yeidii'aah áádóó ak'idadi'yiitįįhii ił ééhózin yeidiyii'aah.

DANIEL 4:25

diné danilíinii yits'ádandínóoyoł áádóó naaldlooshii bitahgóó nanííłka' dooleeł; béégashii nahalingo tł'oh niłchozh doo índa wót'ááhdę́ę́' dahtoo' bee nínáníltłoh dooleeł; tsosts'id nááhaijį' kót'éego hinínáa doo. Aláahgo Ayóó'át'éii éí diné yee bóhólníihgo bił nahaz'ą́ą́góó yinant'á áádóó t'áá bí íinízinígíí bik'ehgo yeidiyii'aahgo nił bééhoozinjį' kónít'ée dooleeł.

DANIEL 4:35

Nahasdzáán bikáa'gi kéédahat'íinii t'áá ałtso t'áadoo nídandlínígóó yaa nitsíkees. Áko yá'ąąshdę́ę́' dah deínéehii índa nahasdzáán bikáa'gi kéédahojit'íinii hatahgóó t'áá bí nízinígi áyoolííł; doo ła'da t'ą́ą́' áhósin le' át'ée da, doo nidi kóbidi'doo'niił da, Ha'át'íishą' baa naniná?

MATTHEW 8:26

Nít'éé' áháłní, Ha'át'éegoshą' nídasoołdzííd, t'įįhdígo da'iinohdláanii? Áko yiizį'go níyol índa tó yideezteh, áko t'áá íiyisí hodiiyeel.

DEUTERONOMY 1:21

Jó, Bóhólníihii nihiDiyin God nihilą́ąjį' kéyah nihá hasht'eyiilaago ákóde dohnéehgo nihíí' ádaahłééh; éí danihizhé'é yę́ę biBóhólníihii Diyin God nihich'į' yee haadzíi'go ání, T'áadoo nihił daayé'í; t'áadoo nihąąh nidahwiikaadí.

DEUTERONOMY 31:8

Áádóó Bóhólníihii t'áá bí nilą́ąjį' hooleełígíí nił hólǫ́ǫ doo; doo ch'ééh ná ádoot'įįł da, índa doo yóó'andidoo'áał da; t'áadoo nił yé'í, doodaii' t'áadoo nąąh nááháka'í.

DEUTERONOMY 7:18

T'áadoo béédaałdzidí, nidi díí yéego béédaałniih: Bóhólníihii nihiDiyin God nilíinii éí Féro wolyéii índa Ííjip dine'é yich'į' áát'įįdígíí;

DEUTERONOMY 7:21

T'áadoo béédaołdzidí, háálá Bóhólníihii nihiDiyin God nihitahgi hólǫ́; éí Diyin God ayóó ábóodziilii áádóó bik'e'íyée'ii nilį́.

JOSHUA 1:9

Da' díísh doo bee nich'į' haasdzíi' da? Nidziilgo í'díí'nílzin áádóó chánah í'díí'nílzin; t'áadoo náníldzidí, doodaii' t'áadoo ádił nisindáhí, háálá Bóhólníihii niDiyin God éí t'áá hidínááhgóó nił hólǫ́.

JOSHUA 10:7

Áko Jáshowa éí Gílgaldóó dashdiiyá; diné anaa' da'ał'íinii t'áá ałtso bił índa diné ayóó át'éego nidaabaahígíí bił dashdiikai.

JOSHUA 10:8

Áko Bóhólníihii éí Jáshowa áyidííniid, T'áadoo bik'ee nił yé'í, háálá éí nílák'ee dahodíí'ą́ągo doo ł a'da nik'eh didoodleeł da.

JOSHUA 2:24

Áádóó Jáshowa ábizhdííniid, T'áá aaníí Bóhólníihii éí kéyah t'áá át'é nihaidiní'ą́ą́ lá; jó, kéyahgi t'áá át'é kéédahojit'ínígíí nidi t'áá ádzíłtso nihik'ee hatah doo dahwiina' da.

JOSHUA 6:2

Bóhólníihii éí Jáshowa áyidííniid, Shoo, Jériko kin haal'áii áádóó aláahgo naat'áanii índa bisiláo dahayóii t'áá bił nílák'edíí'ą́.

JOSHUA 7:9

Háálá Kéínan dine'é áádóó éí kéyahgi kéédahat'íinii t'áá ałtso díí yaa dahodidoots'į́įłgo nihinídoot'ihgo nihízhi' baa hodiyoo'nah, áko nishą', éí hait'éego nízhi' ayóó át'éii íínísin doo?