JOSHUA 7:9 - Navajo Bible

⁹ Háálá Kéínan dine'é áádóó éí kéyahgi kéédahat'íinii t'áá ałtso díí yaa dahodidoots'į́įłgo nihinídoot'ihgo nihízhi' baa hodiyoo'nah, áko nishą', éí hait'éego nízhi' ayóó át'éii íínísin doo?

JOSHUA 7:9 ပူးပေါင်းရင်းမြစ်များ

PSALMS 115:1

Nihich'į' éí dooda, Bóhólníihii nílíinii, nihich'į' éí dooda, nidi aa a'ááh nínízinii áádóó nit'áá aaníinii biniinaa nízhi' bee ni'dójíigo naa ha'niih le'!

PSALMS 48:10

Diyin God nílíinii, t'áá nízhi' béého'dílzinígi át'éego nahasdzáán nidahonees'ą́ą́góó ałdó' naa ha'niih doo. T'áá ákogi át'éii nish'náájí nílák'ee hadeezbin.

PSALMS 79:9

Diyin God nílíinii, yisdánihíínínilii nízhi' baa ha'niih doo biniyé nihíká anilyeed; nízhi' binahjį' yisdánihínííł áádóó ádił nida'ayeelzíi'ii nihá yóó'adí'aah.

PSALMS 83:4

Kódaaní, Sołtį', haa'íshą' Ízrel dine'é t'áá jíl'áá nít'éé' ádahodiildįįł, áko bízhi' doo bééhániih da doo.

PSALMS 83:5

Jó, yee łá'í daazlį́į'go nidahaz'ą́; nik'ijį' danilį́įgo ahada'deet'aah:

EXODUS 32:12

Ííjip dine'é ha'át'íidashą' dadidooniił? Doo yá'át'ééhgóó honahaz'ą́ągo dziłghą́ą'di nahodoołtsiłgo nahasdzáán bikáa'jį' áhodoołdįįł biniyé ch'íhoní'eezh lá. T'óó báhádzidgo hashké ninidzį́'ígíí bits'ą́ąjį' ánání'nééh, áádóó nidine'é doo yá'át'éehii bee bich'į' nitsíníkeesígíí łahgo át'éego bąąh tsíńdíkees.

EZEKIEL 20:9

Ííjip kéyahdóó hahóó'eezhgo ał'ąą dine'é bich'į' ádééhosészįįd yę́ędą́ą́' bitah kéédahojit'ínígíí binááł shízhi' hoł danilį́įgo doo dazhdoołchxǫǫł da biniyé ásdzaa.

JOEL 2:17

Nááda'iiłniihii éí Bóhólníihii yá nidaal'a'í danilíinii bíni' chaha'oh áádóó bikáá' náá'iiniihí bita'gi daachago kódaaníi le', Bóhólníihii, nidine'é yisdánínííł; níí' nilíinii t'ááká baa yáhásinii baa dóó'áałgo ana'í danilíinii bee ádidahólnííh lágo! Áko ha'át'íísh biniyé, Háájíshą' biDiyin God? dabidi'níi doo.

MICAH 7:10

Áko shi'ana'í jílíinii éí yizdoołtsééł áádóó, Háadish Bóhólníihii niDiyin God? shizhdííniidii t'áá íiyisí yázdínóozįįł. Shoo, hodínéesh'įįł; k' ad kintahgóó atiingi hashtł'ish bik'i na'aldeehígi át'éego hak'i ni'dooldah.

NUMBERS 14:13

Áádóó Mózes éí Bóhólníihii ííłní, Áko haniih ákwíinilaago Ííjip dine'é yaa dahodidoots'į́į́ł; (jó, nibee adziilii bee éí hatahdóó díí dine'é ch'ííní'eezh,)

JOHN 12:28

ShiTaa', nízhi' ayóó át'éego ánílééh. Nít'éé' yá'ąąshdę́ę́' iinéé' diists'ą́ą'go ání, Ayóó át'éii lá áshłaa ni, áádóó ayóó át'éii ánáádeeshdlííł.

DEUTERONOMY 9:28

Áko kéyah bii'dóó hanihííní'eezhídóó doo kódadidooniił da; Bóhólníihii éí kéyah haidiní'ą́ągo hach'į' yee ádee hadoodzíi'ii yiih hodoo'ishígíí doo yíneel'ą́ą́góó biniinaa, áádóó hojoołáago biniinaa áhodoołdįįł biniyé honoojíijį' ch'íhoní'eezh.

JOSHUA 7:10

Bóhólníihii éí Jáshowa áyidííniid, Nídiidááh, ha'át'íishą' biniyé tsé'yaa shíníjool?

JOSHUA 7:8

Bóhólníihii nílíinii, Ízrel dine'é bida'ana'í yits'ą́ąjį' nídadíníchéehgo ha'át'íí lá dishníi doo!

I SAMUEL 12:22

Jó, Bóhólníihii bidine'é ts'ídá doo yóó'iidó'ááł át'éégóó bízhi' ayóó át'éego bee baa ha'niih doo, háálá Bóhólníihii bił hózhǫ́ǫgo t'áá bí ádá bidine'é danohłį́įgo ánihidoolííł.