JOSHUA 7:8 - Navajo Bible

⁸ Bóhólníihii nílíinii, Ízrel dine'é bida'ana'í yits'ą́ąjį' nídadíníchéehgo ha'át'íí lá dishníi doo!

JOSHUA 7:8 ပူးပေါင်းရင်းမြစ်များ

EZRA 9:10

Áko k'ad, nihiDiyin God nílíinii, díí bikéé'dóoshą' ha'át'íí náádadii'níi doo; jó, nibik'eh ó'oo'níiłii yóó'adahideet'ą́.

PSALMS 44:10

Ana'í t'áá bich'į'dóó naníshiijée'go ánihiinilaa. Áádóó danihijoołxáii éí nihinaalye'é yę́ę áłah ádayiilaa.

PSALMS 89:43

Bidiltłish bik'ą́ą́h ííníłchxąą' áádóó na'abaah doo yíneel'ą́ą́góó íinilaa.

HABAKKUK 2:1

K'ad ya'iitł'in bikáá'dóó ha'asíidgo sézį́į dooleeł. Ha'át'íí shididooniiłígíí dideests'į́į́ł biniyé bíká dínísh'į́į' dooleeł índa shideeztehgo ha'át'íí nábidideeshniiłígíí biniyé hasht'e'adííníszin doo?

JOSHUA 7:7

Áko Jáshowa ázhdííniid, Bóhólníihii Diyin God nílíinii, dooládó' yówéé át'ée da. Ha'át'íí biniyé díí dine'é éí Jórdan tooh ha'naa nííní'eezhígíí Ámor dine'é ádanihidoołdįįłgo baa nihidííní'ą́? Háni'dii t'áá Jórdan biláahdi kéédahoniit'į́į dooleeł nít'éé'.

JOSHUA 7:9

Háálá Kéínan dine'é áádóó éí kéyahgi kéédahat'íinii t'áá ałtso díí yaa dahodidoots'į́įłgo nihinídoot'ihgo nihízhi' baa hodiyoo'nah, áko nishą', éí hait'éego nízhi' ayóó át'éii íínísin doo?

I SAMUEL 4:3

Áádóó dah da'ínéhíjį' diné níjíkaigo Ízrel dine'é yá aląąjį' naazíinii ádadííniid, Ha'át'éegoshą' Bóhólníihii éí Filístiya dine'é bits'ąą daníichéehgo ánihiilaa? Sołtį', Bóhólníihii bitsits'aa' dílzinii éí bee aha'deet'áanii bii' sinilii t'áá bił Sháíloh haz'ánídę́ę́' kojį' nídadidiit'ááł, áko deíníit'aahgo éí nihi'ana'í t'áá bił bits'ą́ąjį' yisdánihidoonił.