JOSHUA 7:7 - Navajo Bible

⁷ Áko Jáshowa ázhdííniid, Bóhólníihii Diyin God nílíinii, dooládó' yówéé át'ée da. Ha'át'íí biniyé díí dine'é éí Jórdan tooh ha'naa nííní'eezhígíí Ámor dine'é ádanihidoołdįįłgo baa nihidííní'ą́? Háni'dii t'áá Jórdan biláahdi kéédahoniit'į́į dooleeł nít'éé'.

JOSHUA 7:7 ပူးပေါင်းရင်းမြစ်များ

II KINGS 3:10

Áko Ízrel dine'é yá aláahgo naat'áanii ání, Héi'! Bóhólníihii díí aláahgo naat'áanii tált'éego éí Mó'ab dine'é yaa nihididoo'ááł biniyé ahínihiinil lá!

PSALMS 116:11

Tsį́įłgo haasdzíi'go ádííniid, Nihokáá' dine'é t'áá ałtso dabiyooch'íidii danilį́.

EXODUS 16:3

Áko Ízrel dine'é ádahodííniid, Bíni' lá, Ííjip kéyahdi Bóhólníihii bíla' yee nanihidoołtsił nít'éé'; áadi atsį' hadanigáahgo binaháaltą́ą łeh nít'éé' áádóó bááh deidą́ągo bee hwiih daniidlį́į łeh nít'éé'; jó, t'áá dah yii'nééł nít'éé' dichin bee nihidííghą́ą́ł biniyé díí honoojíijį' anihííní'eezh.

EXODUS 17:3

Áko ákwii diné t'áá íiyisí dibáá' daazlį́į'go Mózes yich'į' saad dahółǫ́ǫgo ádaaní, Ha'át'éegoshą' nihí áádóó niha'áłchíní índa danihilį́į́' dibáá' bee nihidííghą́ą́ł biniyé Ííjip kéyahdę́ę́' ch'ínihííní'eezh?

NUMBERS 14:16

Bóhólníihii éí díí dine'é kéyah biih nihideesh'ish yiłníigo, yich'į' ádee hadoodzíi'ii doo yínéés'ąądgóó, éí bąą honoojíigi neistseed.

NUMBERS 14:3

Ha'át'íí lá biniyé Bóhólníihii díí kéyahjį' ch'ínihiní'eezh? Da' dilt łishísh bee naa'adanihízdiyoolghałgo nihida'asdzą́ą́ índa nihada'áłchíní yisnááh dadooleeł? T'óó Ííjip kéyahgóó nihéédahaakaigo nihá yá'át'éeh doo nít'éé'.

MATTHEW 17:17

Áko Jesus haadzíi'go áhodííniid, Doo da'iinohdláanii índa diné bízhą́ da'ílį́įgo ahoolchíiłii danohłíinii, haash nízáagi nihił honishłǫ́ǫ doo? Haash nízáagi nihich'į' ha'ííníshníi dooleeł? Níláhdę́ę́' hoł shaa nohkááh.

MATTHEW 17:20

Áko ábijiní, T'įįhdígo nihe'oodlą' bee aa dadzíínóhłíhígíí lá biniinaa ni. Háálá t'áá aaníígóó ánihidishní, Nihe'oodlą' éí ch'il mástad wolyéhígíí bílástsii'gi áníshéii nidi, díí dził si'ánígíí, Kodóó hidí'nááh áádóó níléidi ninílts'ííd, bidooniidgo hidoo'nááł, áko t'áá ałtsoní doo ch'ééh ádaał'į́į da doo.

HEBREWS 12:5

Azhé'é ba'áłchíní neinitinígi át'éego Diyin God nanihineeztą́ą'ii daats'í baa deisoonah. Shą́ą́', Diyin God kóní: Shiye' nílíinii, Bóhólníihii t'áá hashkée yína'niłtinii t'áadoo doo níníziní. Índa nándiiteehgo t'áadoo nąąh nááháka'í.

JOSHUA 7:6

Ákohgo Jáshowa ha'éé' ák'inijooldláadgo Bóhólníihii bitsits'aa' dílzinii bidáahjį' tsé'yaa jishjoolgo hwee i'íí'ą́; hó áádóó Ízrel dine'é aląąjį' naazíinii bił łeezh dibahí ák'ídajiilkaad.

JOSHUA 7:8

Bóhólníihii nílíinii, Ízrel dine'é bida'ana'í yits'ą́ąjį' nídadíníchéehgo ha'át'íí lá dishníi doo!

JUDGES 20:23

Áko Ízrel dine'é ákóde anááhaaskaigo Bóhólníihii yinááł daachago i'íí'ą́. Áko haash yit'éego dooleeł Bóhólníihii deidííniid, Bénjamin dine'é nihik'isóó danilíiniísh bit'ááh náádiijahgo bich'į' anaa' ánáádahodiilnííł? Áko Bóhólníihii áhodííniid, Nílááh, bik'i náánáohjeeh.

I SAMUEL 4:3

Áádóó dah da'ínéhíjį' diné níjíkaigo Ízrel dine'é yá aląąjį' naazíinii ádadííniid, Ha'át'éegoshą' Bóhólníihii éí Filístiya dine'é bits'ąą daníichéehgo ánihiilaa? Sołtį', Bóhólníihii bitsits'aa' dílzinii éí bee aha'deet'áanii bii' sinilii t'áá bił Sháíloh haz'ánídę́ę́' kojį' nídadidiit'ááł, áko deíníit'aahgo éí nihi'ana'í t'áá bił bits'ą́ąjį' yisdánihidoonił.