JOSHUA 7:6 - Navajo Bible

⁶ Ákohgo Jáshowa ha'éé' ák'inijooldláadgo Bóhólníihii bitsits'aa' dílzinii bidáahjį' tsé'yaa jishjoolgo hwee i'íí'ą́; hó áádóó Ízrel dine'é aląąjį' naazíinii bił łeezh dibahí ák'ídajiilkaad.

JOSHUA 7:6 ပူးပေါင်းရင်းမြစ်များ

GENESIS 37:29

Áko Rúben a'áandi nídzídzá, nít'éé' Jóseph doo a'áán góyaa hólǫ́ǫ da, áko bąąh háni'go ádąąh ni'jooldláád.

GENESIS 37:34

Áko Jéíkab ádąąh na'ooldláadgo tł'oh yishbizh hatł'aajį' bik'ídzísti', áko haye' bąą háni'go lą'í yiską́.

II SAMUEL 1:11

Áko David bi'éé' ák'iniyiisdǫ́ǫ́z; t'áá ákót'éego diné yił naakaígíí t'áá ałtso ák'inda'iisdǫ́ǫ́z.

II SAMUEL 1:12

Áádóó atínídazhdindleehgo dajíícha índa t'áadoo da'jiyání i'íí'ą́; jó, Saul áádóó biye' Jánathan índa Bóhólníihii bidine'é éí Ízrel dine'é baa dajicha, háálá diltłish bee ádabi'disdįįd.

II SAMUEL 1:2

táá' yiłkaah góne', jó, diné léi' Saul bisiláo yił dah yinééłdę́ę́' níyáago bi'éé' ák'iniyiisdǫ́ǫ́z lá, índa łeezhígíí bitsiits'iin yik'íyiizhjaa' lá, áko David yaa níyáago tsé'yaa neeshjoolgo a'ohgo í'diilyaa.

II SAMUEL 12:16

Éí bąą David éí Diyin God náyookąąhgo awéé' yá sodilzin, áko David t'áadoo ayání yah anádáahgo tł'éé' bíighah t'áá ni'góó sitį́įgo néílkááh.

II SAMUEL 13:19

Nít'éé' Téímar éí łeeshch'iih hatsii' bik'íjízhjaa' áádóó bi'éé' t'áá sahdii át'éego naashch'ąą'ígíí ak'i nidziisdǫ́ǫ́z, índa hatsiits'iin bik'izdées'nii'go jichago níjoodááł.

II SAMUEL 13:31

Áádóó aláahgo naat'áanii náhidiitahgo bi'éé' ayííłdláád índa ni'góó neeztį́, áádóó bá nidaal'a'í t'áá ałtso dabi'éé' adayiisdláadgo bíighahgóó naazį́.

II KINGS 22:11

Áko aláahgo naat'áanii éí bee haz'áanii naaltsoos bee si'ánígíí yidiizts'ą́ą'go ák'ina'ooldláád.

II CHRONICLES 34:19

Ákódzaadóó aláahgo naat'áanii saad bee haz'áanii naaltsoos bee si'ánígíí yidiizts'ą́ą'go ák'ina'ooldláád.

EZRA 10:1

K'ad Ézra ádaa halne'go sodoolzingo, Diyin God bikin bidáahjį' jichago tsé'yaa jineeshjoolgo Ízrel dine'é bits'ą́ą́dóó ts'ídá t'óó ahayóigo diné áádóó asdzání índa a'áłchíní haa áłah silį́į́'; jó, t'áá íiyisí diné daachxa.

NEHEMIAH 9:1

Áko íídą́ą́' díí yiziłígíí naadiin dį́į́'góó yoołkáałgo Ízrel dine'é dahodísingo doo da'ayą́ą́góó índa tł'oh azis dabi'ée'go áádóó łeezh yee daalbáago áłah nilį́.

ESTHER 4:1

Áko Mórdiikai éí ádahóót'įįdígíí t'áá át'é baa ákozniizį́į'go ha'éé' ák'inijooldláadgo tł'oh azis éé' biih jííyá áádóó łeeshch'iih ádééjíishjaa' áádóó chahojiyoonihgo k'ada'ajichéehgo kin haal'á góne' ajííyá.

ESTHER 4:3

Áko bee óhólnííh bił nahaz'ą́ą́góó aláahgo naat'áanii yee haadzí'ígíí bik'ehgo bee haz'áanii baa dahane'go biniinaa ayóó át'éego Jew dine'é bitahgóó diné yínííł daazlį́į́'; t'áadoo da'ayání t'óó ayóó íits'a'go daachago atínídadinidleeh, áko t'óó ahayóí tł'oh azis éé' yiih dahaaskai áádóó łeeshch'iih ádéédayiizhjaa'.

JOB Naaltsoos Biyi' Job Baa Hane'ii 1:20

Ákohgo Job nízhdii'na' áádóó ha'éé' ák'inijooldláád; hatsii' ałdó' ałtso jííshéé' índa ni'jį' tsé'yaa jineeshjoolgo Diyin God bich'į' nahodzisá,

JOB Naaltsoos Biyi' Job Baa Hane'ii 2:12

Áko t'ah nízaadę́ę́' hach'į' yikahgo, doo hwéédahósingóó yéego hadaazhchago bi'éé' ák'indayooldláád, áádóó łeezh dibahí dego adayiighaasgo bitsii'káa'jį' anáhindééh.

JOB Naaltsoos Biyi' Job Baa Hane'ii 42:6

éí bąą t'óó shaa'ihgo índa łeezh dibahí áádóó łeeshch'iih ádééhésjáahgo Diyin God bich'į' łahgo át'éego tsíndíkééz.

LAMENTATIONS 2:10

Záíyan bich'é'é bił haz'ánídóó hastóí danilínígíí ni'góó t'áadoo íits'a'í nidaháaztą́; tł'oh yishbizh dabi'ée'go łeezh bitsii'jį' yik'ídayiiskaad áádóó Jerúsalem kin haal'áádóó ch'ikéí danilíinii ni'jį' yaa adanees'ą́.

NUMBERS 14:6

Áko Nan biye' Jáshowa áádóó Jiifáneh biye' Kéíleb éí atah kéyah hajíísidígíí ha'éé' ák'i nijooldláadgo

NUMBERS 16:22

Áko tsé'yaa jineeshjoolgo ájíní, Diyin God nílíinii, ats'íís dabiníłch'i t'áá ałtso biDiyin God nílíinii, diné t'ááłá'í ádił asiih; ákoósh dah oonéłígíí t'áá ałtso bich'į' náhóóchįįd?

NUMBERS 16:45

Díí dah oonéłígíí bitahdę́ę́' bits'ánóh'aash, áko t'óó hodíínáá'ígo áhodeeshdįįł. Áko Mózes áádóó Éran tsé'yaa jineeshjool.

ACTS 14:14

Nidi Bárnabas índa Paul, yil'aadii nilíinii, éí yiyíínii'go, ák'i na'ooldláadgo áádóó áłah ílínígíí bitahjį' ch'íhi'neelchą́ą'go dilwoshgo

JOSHUA 7:7

Áko Jáshowa ázhdííniid, Bóhólníihii Diyin God nílíinii, dooládó' yówéé át'ée da. Ha'át'íí biniyé díí dine'é éí Jórdan tooh ha'naa nííní'eezhígíí Ámor dine'é ádanihidoołdįįłgo baa nihidííní'ą́? Háni'dii t'áá Jórdan biláahdi kéédahoniit'į́į dooleeł nít'éé'.

REVELATION 18:19

Bitsii' łeezh yik'ídayiighaasgo daachxa índa atíńdadinidleeh; kódaaníigo hadadeeshghaazh, Héi'! Héi'! Ayóó át'éego kin haal'áii jílį́į́ nít'éé' yę́ę ákwii táłkáa'di tsinaa'eeł neisnilii t'áá ałtso jit'ínígíí yee da'ast'įįdii! Éí t'ááłáhídi ahéé'ílkidjį' t'áá ádzaaí dzizlį́į́'!

JUDGES 11:35

Áko hatsi' dziiłtsą́ągo ha'éé' ák'i nijooldláadgo ájíní, Héi', shitsi' nílíinii, ayáhígo áshiinilaago biniinaa t'áá íiyisí shich'į' hodiiznáá', háálá Bóhólníihii bich'į' ádee hadeesdzíi'go k'ad doo łahgo ánáoshdle' át'ée da.

JUDGES 20:23

Áko Ízrel dine'é ákóde anááhaaskaigo Bóhólníihii yinááł daachago i'íí'ą́. Áko haash yit'éego dooleeł Bóhólníihii deidííniid, Bénjamin dine'é nihik'isóó danilíiniísh bit'ááh náádiijahgo bich'į' anaa' ánáádahodiilnííł? Áko Bóhólníihii áhodííniid, Nílááh, bik'i náánáohjeeh.

JUDGES 20:26

Ákohgo Ízrel dine'é t'áá ałtso, siláo danilínígíí t'áá át'é, Béthel haz'ánígóó aheeskaigo áadi Bóhólníihii yinááł daachago áádóó shá bíighah t'áadoo da'ayání i'íí'ą́, índa didlidgo náádahaniihii áádóó hózhǫ́ǫ́jí náádahaniihii Bóhólníihii yich'į' náádayiisnii'.

JUDGES 21:2

Áko Ízrel dine'é Béthel haz'ánígi nidahaaskaigo ákwii Diyin God binááł nidzíiztą́ągo hwee ada'az'ą́, áko baa saad haghą́ągo t'áá íiyisí dajíícha,

I SAMUEL 4:12

T'áá éí bijį́ Bénjamin dine'é nilíinii ła' bitsiijį' łeezhgo áádóó bi'éé' neheesdǫ́ǫzgo da'ahijigánídę́ę́' Sháíloh haz'ánígi yílwod.