JOSHUA 7:5 - Navajo Bible

⁵ Áko Éí'aidóó dine'é tádiindóó ba'aan hastą́ą́h daats'í Ízrel dine'é nideistseed, háálá kin haal'áhígíí bidáń'dítį́į́hdóó Shébarim hoolyéegi t'áá yaa náá'áhíjį' baa deíjeehgo deiníłtseed. Áko diné baa nidahwiiskaadgo t'áá íiyisí niseekai.

JOSHUA 7:5 ပူးပေါင်းရင်းမြစ်များ

PSALMS 22:14

Tó yaadziidii nahonishłin; shits'in t'áá át'é ahádahaazwod; ak'ah neesk'ihii dííłhį́'ígi át'éego shijéí niseedzá;

PSALMS 58:7

Bíni'dii ałtso dadiyį́įhgo tó ałtso íína'ígíí nidahojílin le'. Azdoołkah biniyé be'ałtį́į́'tł'óól yiyiiłtaazgo bik'a' nidahaastǫ' nidahalin le'.

ISAIAH 13:7

Éí bąą dayílá t'áá át'é ałtso doo dahiidoonaał da, áádóó diné t'ááłá'í nítínígo dabijéí tsidadooltłił,

EZEKIEL 21:7

Ha'át'íísh biniyé ádił hahídzooł? daniłníigo ábididííniił, Jó, hane' doo yá'át'éehii nihich'į' ályaa: ajéí t'áá ałtso doo dahiidoonaał da, ála' t'áá ałtso bitah doo dahináa da doo; t'ááłá'í jinítínígo hąąh nidahodookał índa t'áá ádzíłtso hagodta' gónaa t'óó nidanil'eeł doo; shoo, baa hodoogáałgo bohodoolnííł, ní Bóhólníihii Diyin God.

LEVITICUS 26:36

Áádóó nihits'ą́ą́dóó ch'éékaigo daadzí'ígíí bida' ana'í bikédaayahgi bił dayée'go biyandahalyizgo ádeeshłííł; tsin bit'ąą' dadiits'a'go yik'ee nídadíníchéeh doo; diltłish yik'ee danéechééh nahalingo nidanichée doo; t'áadoo dabineełchéhí da nidi nidanichéego dahidigeeh doo.

NAHUM 2:10

Kin haal'áagi hólóonii ałtso nídahasdláá' áádóó doo yiila'í da, índa kin haal'áhígi doo siláhí da. Áko bijéí bąąh náádahaka'. Bitah dahoditłidgo bigod ahídadínídah. T'áá ałtso biníí' gónaa daneezgai. T'áá ádzíłtso dajiichxii' daznoos'níí'.

DEUTERONOMY 1:44

Áádóó dziłghą́ą'di Ámor dine'é kéédahat'ínígi tsés'ná ádaat'ínígi át'éego nihich'į' dah diijéé' índa Síyer kin haal'áádóó Hórmah hoolyéejį' danihiníłtseed.

JOSHUA 2:11

Áádóó t'óó baa dahodisiits'ą́ą́' yę́ędą́ą́' t'óó nihił ádahasdįįd; t'áadoo yee diné hada'óolní'ígóó nihiniinaa ákódeiidzaa, háálá Bóhólníihii éí nihí aají nihiDiyin God éí Diyin God nilį́įgo wódahdi yá'ąąshdi índa wóyahdi nihokáa'gi hólǫ́.

JOSHUA 2:9

Áádóó diné ábijiní, Díí shił bééhózin: Bóhólníihii éí kéyah nihaididoo'ááł áádóó nihik'eda'íyée'go bik'ee nisiniikai, áádóó kéyah bikáa'gi diné kéédahat'ínígíí t'áá át'é nihik'ee bitah doo dahwiina' da.

JOSHUA 5:1

Ákódzaago Ámor dine'é aláahgo bindanit'a'í t'áá ałtso Jórdan tooh biláahdi e'e'aahjigo kéédahat'ínígíí índa Kéínan dine'é aláahgo bindanit'a'í t'áá ałtso tónteel bíighahgóó kéédahat'ínígíí Bóhólníihii éí Jórdan tooh ha'naa niiníłtseiigo Ízrel dine'é binááł tsé'naa ałtso ninii'nánígíí yaa dahodiizts'ą́ą'go éí yik'ee bijéí nitsidaastłah índa doo bił chodahóó'įįd da, háálá Ízrel dine'é biniinaa ákódadziidzaa.