JOSHUA 7:4 - Navajo Bible

⁴ Ákohgo diné táadi mííl yilt'éego daats'í ákǫ́ǫ́ dah diikai; nít'éé' Ízrel dine'é éí Éí'ai dine'é bits'ą́ąjį' dazhdínéezhchą́ą́'.

JOSHUA 7:4 ပူးပေါင်းရင်းမြစ်များ

PSALMS 89:43

Bidiltłish bik'ą́ą́h ííníłchxąą' áádóó na'abaah doo yíneel'ą́ą́góó íinilaa.

ISAIAH 30:17

T'áá łah dilt'éhí hashké niidzį́'ígíí biniinaa t'ááłáhídi míilgo dadínóochééł; ashdlalt'é hashké daniidzį́'ígíí biniinaa dadínóochééł, áko kónihi'diilyaajį' éí dziłghą́ą'gi nídíshchíí' bits'áoz'a' bąąh ásdįįdgo íí'áhígíí nidahonohłin doo índa dah na'at'a'í dah yisk'id bighą́ą'gi dah na'at'a'í nidahonohłin doo.

ISAIAH 59:2

nidi nihibąąhági ádaat'éii éí nihí áádóó nihiDiyin God yił ałts'ánihinínil, índa ádił nida'iyohsíhígíí biniinaa nihits'ąą nídeest'į́į'go doo nihididoots'į́įł da.

LEVITICUS 26:17

Áádóó nihik'ijį' nishłį́įgo nihi'ana'í binááł nidanihi'ditseedgo danihijoołáii nihindant'áa doo, índa t'áadoo nidanihiniłchéhígóó nidanochée doo.

DEUTERONOMY 28:25

Bóhólníihii éí nihida'ana'í bilą́ąjį' danihéełtséedgo ánáyiil'įįh doo; t'ááłáhídę́ę'go bich'į' náádadoohbah doo, áádóó bits'ą́ąjį' tsosts'idgóó tanídanoohchéeh doo índa nihokáa'gi bee ídahólníihii t'áá ałtso bił nahaz'ą́ą́góó adanihidiyoo'ish.

DEUTERONOMY 32:30

Haash yit'éego t'áá łah jidilt'éhígo éí miil ánéelą́ą'go diné haijah doo nít'éé'; áádóó naakizhdilt'éego éí neeznáadi mííl diné hak'ee yóó'adínóodzoł? BiTsé Niłdzilii bine' nidadziidziihii nahwiis'nii'go áádóó Bóhólníihii nahjį' nihodiní'ą́ągo t'éiyá ákót'ée doo nít'éé'.

JOSHUA 7:3

Áko Jáshowa yaa nákaigo ádeidííniid, Háni'dii diné doo t'áá át'é ákǫ́ǫ́ dookah da, nidi diné naakidi mííl, doodaii' táadi míilgoda ákǫ́ǫ́ dookahgo Éí'ai hoolyéhígíí yaa tiih dookah. Diné doo t'áá át'é naanish biih doo'nił da, háálá t'áá díkwíí ákwii kéédahat'į́.