JOSHUA 7:3 - Navajo Bible

³ Áko Jáshowa yaa nákaigo ádeidííniid, Háni'dii diné doo t'áá át'é ákǫ́ǫ́ dookah da, nidi diné naakidi mííl, doodaii' táadi míilgoda ákǫ́ǫ́ dookahgo Éí'ai hoolyéhígíí yaa tiih dookah. Diné doo t'áá át'é naanish biih doo'nił da, háálá t'áá díkwíí ákwii kéédahat'į́.

JOSHUA 7:3 ပူးပေါင်းရင်းမြစ်များ

PROVERBS 13:4

Bił hóyée'ii bii' sizíinii t'áadoo le'é yídin nilíinii doo bee haleeh da, nidi diné haleeyee át'íinii bii' sizíinii bá yá'át'éehgo áhooníił doo.

PROVERBS 21:25

Bił hóyée'ii yinízinii biiłhééh, háálá bíla' yee doo t'áá k'ad deeshnish da.

LUKE 13:24

Áhoołts'óózígo yah ahóót'i' góne' yah adahidoohkahgi yéego hádaaht'į́, háálá ánihidishní, T'óó ahayóí ákóne' yah adahidookahgi ch'ééh ádeił'į́į doo, nidi doo yídaneel'ą́ą da doo.

HEBREWS 4:11

Áko haa'íshą' éí háá'áyį́į́h biih dahidiikahgi t'áá awołí bee ádeiit'į́į doo, ła' doo ak'eh dahół'į́į́góó biniinaa ch'ééh ádáát'įįd yę́ęgi át'éego éí dooda.

JOSHUA 7:2

Áko Jáshowa éí Jériko kin haal'áádóó Éí'ai kin haal'áajį' diné ła' dah dahizhdiił'a'; Éí'ai éí Beth'éíven kin shijaa' bíighahgi Béthel ha'a'aahjígo kin haal'áhígóó dazdees'a'go ábizhdííniid, Nihílááh, kéyah hadaahsííd. Áko éí diné naalchi'í danilį́įgo Éí'aigóó eekaigo hada'íísid.

JOSHUA 7:4

Ákohgo diné táadi mííl yilt'éego daats'í ákǫ́ǫ́ dah diikai; nít'éé' Ízrel dine'é éí Éí'ai dine'é bits'ą́ąjį' dazhdínéezhchą́ą́'.

II PETER 1:10

Éí bąą shik'isóó, t'áadoo nihił naaki danilínígóó Diyin God nihíká ádííniidígíí áádóó yitah nihiizlá'ígíí t'áá aaníí nihił béédahózin doo, háálá díí t'áá ałtso bida'oł'į́įgo ts'ídá doo t'ą́ą́' anídínóohdah da.

II PETER 1:5

Éí bąą t'áá awołí bee da'iinohdląąh, áádóó doo éí t'éiyá da nidi ts'ídá yá'át'éehgo ádaahníił doo, áádóó nihił éédahodoozįįł,