JOSHUA 7:26 - Navajo Bible

²⁶ Áko éí tsé ayóó át'éego hak'i yáádayiitsigo díí jį́į́góó ákót'é. Índa Bóhólníihii t'óó báhádzidgo báháchį'í łahgo ánáyiidlaa. Éí bąą díí jį́įjį' éí haz'ą́ągi yíldzisii Éíkor hoosye'.

JOSHUA 7:26 ပူးပေါင်းရင်းမြစ်များ

II SAMUEL 18:17

Áádóó Ábsalam dah deidiiłtį́įgo tsintahgi t'áá íiyisí hótsaago ahoodzą́ą́ léi' góyaa adayiisxango t'áá íiyisí tsé yik'i yáádayiitsih, áko Ízrel dine'é t'ááłá'í nítínígo dabiníbaalgóó anáhineezhchą́ą́'.

II SAMUEL 21:14

Nít'éé' Saul yę́ę áádóó haye' Jánathan yę́ę bits'in éí Bénjamin bikéyahdi Zíílah kin shijaa'gi Saul bizhé'é yę́ę Kish wolyéii bitséní'ootséél góne' yóó'ádajiilaa; aláahgo naat'áanii yee haadzí'ígíí t'áá ałtso bik'eh ádadziidzaa. Áádóó bik'ijį' Diyin God bich'į' kéyah bá sonídazdilzįįhgo há yik'iníjídliih.

II CHRONICLES 29:10

K'ad Ízrel biDiyin God Bóhólníihii bił ałhadi'deesht'ááł biniyé shíni' áhooshłaa, áko t'óó báhádzidgo báhóóchįįdii nihits'ą́ąjį' nídoodleeł.

EZRA 10:14

Haa'íshą' k'ad nihinanit'a'í dajílíinii éí diné áłah nilínígíí t'áá ałtso bá deizdoozįįł áádóó nihiDiyin God t'óó báhádzidgo báháchį'ígíí nihits'ą́ąjį' kódzaajį' nihikin hadaas'áádóó dé'éyóní e'asdzą́ą́ daazlį́į'ii índa t'áá kin hadaas'áhídę́ę́' aląąjį' naazíinii áádóó ándahwii'aahii t'áá bił bee há náhoot'aah góne' bił nijiikáah doo.

PSALMS 85:4

NihiDiyin God, yisdánihiinííł nílíinii, hasht'éénihídlééh áádóó nihich'į' náháchį'ígíí éí ni'kónílééh!

EXODUS 32:12

Ííjip dine'é ha'át'íidashą' dadidooniił? Doo yá'át'ééhgóó honahaz'ą́ągo dziłghą́ą'di nahodoołtsiłgo nahasdzáán bikáa'jį' áhodoołdįįł biniyé ch'íhoní'eezh lá. T'óó báhádzidgo hashké ninidzį́'ígíí bits'ą́ąjį' ánání'nééh, áádóó nidine'é doo yá'át'éehii bee bich'į' nitsíníkeesígíí łahgo át'éego bąąh tsíńdíkees.

ISAIAH 40:2

Jerúsalem kin haal'á bik'i hółta'go yáníłti' áádóó yéego bich'į' ádíní, Nide áhoot'é yę́ę bíighah azlį́į́', índa doo ákwii íínít'įįdii nits'ánídeet'ą́, háálá nibąąhági át'éii biniinaa ahą́ą́h nániiláago Bóhólníihii atíniilaa, bidiní.

ISAIAH 65:10

Shidine'é shíká ádáát'įįdígíí bá Shéran honíteelgi dibé bighango haz'ą́ą doo, índa Éíkor honíts'aa' góyaa éí dibé nídanjah doo.

LAMENTATIONS 3:53

T'áá hinishnáago a'áán góyaa adashiisxango tsé shidadeideez'ą́.

HOSEA 2:15

Áádę́ę́' nídzídzáago hach'il na'atł'o'ii haa nídideesh'ááł áádóó Éíkor honíteel góyaa chohoo'į́įgo ch' é'étiin há ádeeshłííł, áko ániid nijigháádą́ą́' t'áá Ííjip kéyahdę́ę́' ch'ízhníyáago hoł hózhǫ́ǫgo hojitaałígi át'éego hojitaał doo.

HOSEA 2:17

Béíyal bee dawójíii doo náájójíígóó áhodeeshłííł, áko náásgóó dabízhi' doo bééjílniih da dooleeł.

JOEL 2:13

Áko nihijéí nidahohsǫ́ǫ́s; nihi'éé' éí dooda. Bóhólníihii nihiDiyin God bich'į' nináhóhkááh, háálá jooba' áádóó aa a'ááh nízinii nilį́; tąądee bánáháchįįhii nilį́ áádóó ayóó'ó'ó'ní yee t'áá yit'éhí yit'éii nilį́ índa doo yá'át'éehii łahgo át'éego yąąh tsíńdíkos.

JOEL 2:18

Áko Bóhólníihii bikéyah yíneedlį́į doo índa bidine'é yaa a'ááh dínóozįįł.

JONAH 1:15

Ákohgo Jónah nídeidiiłtį́įgo tónteel yiih dayiisxan, áko tónteel t'óó báhádzidgo náádadiidáhígíí áhodiilzee'.

ZECHARIAH 6:8

Ákohgo shich'į' hadoolghaazhgo áshidííniid, Náhookǫsjigo bee adeezbą́zígíí éí bee shiníłch'i hasht'edíít'e', jó'akon.

NUMBERS 25:8

Áko Ízrel diné áádóó Mídiyan dine'é asdzání bikéé' níbaal góne' yah ajoolwodgo t'áá áłah bitsą́'nii' góne' yighá'níłgeed. Kódzaago Ízrel dine'é éí naałniih bits'áldoh.

DEUTERONOMY 13:17

Áko ádadooldįįłgo nideet'áanii ts'ídá doo nijilée da, áko Bóhólníihii yee hashké nídzinii bik'e'íyée'ii doo nihik'i hwiidooleeł da, nidi nihaa a'ááh dínóozįįł áádóó nihaa a'áhí dínóozįįł índa k'ee'ąą nooht'į́įłgo ánihidoolííł, ákót'éego danihizhé'é yę́ę yich'į' yee ádee hadoodzíí'.

DEUTERONOMY 13:18

Bóhólníihii nihiDiyin God bizaad hazhó'ó deísółts'ą́ą'go áádóó bibik'eh ó'oo'níiłii t'áá át'é díí jį́ nihich'į' bee haasdzí'ígíí bik'eh dahonoł'į́įgo índa Bóhólníihii nihiDiyin God binááł t'áá ákóne' át'éii baa nidaahkaigo éí yee nihik'iinít'į́į' doo.

JOSHUA 10:27

K' adę́ę e'e'aahgo Jáshowa hach'į' haadzíi'go bik'ehgo éí tsin bąąhdę́ę́' nidahizhdi'yiinilgo tsé'áandi nídadeest'į́'í góne' adadziistł'ííd, áádóó tsé ayóó ádaníłtsxoii bidádazdeeznil. Éí díí jį́įjį' t'ahdii t'áá ákót'é.

JOSHUA 7:24

Áko Jáshowa áádóó Ízrel dine'é t'áá ałtso bił Zíírah binálí Éíkan éí béésh łigaii áádóó éénééz, óolada, haye'kéda, hatsi'kéda, habéégashii áádóó hatélii índa hadibéda, áádóó haníbaal, índa hanaalye'é t'áá ałtso nídeidiinilgo yíldzis Éíkor hoolyéhígi áłah ádayiilaa.

JOSHUA 8:29

Áádóó Éí'ai dine'é aláahgo binanit'a'í yę́ę tsin bąąh dah hizhdiilo'go t'áá yąąh dahidíłtį́įgo i'íí'ą́, áko jį́honaa'éí ííyáago Jáshowa áníinii bik'ehgo éí aláahgo naat'áanii bits'íís éí tsin bąąhdę́ę́' nida'iidiiłtį́įgo kin haal'áhígíí bich'é'étiinjį' adayiisxan áádóó ayóó át'éego tsé éí yik'i yáádayiitsi; éí díí jį́įjį' ákót'é.