JOSHUA 7:25 - Navajo Bible

²⁵ Áko Jáshowa ádííniid, Ha'át'éegoshą' nihik'ijį' hwííníłchįįd? Díí jį́ Bóhólníihii nik'ijį' hodoołchįįł. Áko Ízrel dine'é t'áá ałtso tsé yee hoł nidadzisne', áko tsé yee hoł nidadziyiisne'dóó bik'ijį' adahodiyiisk'ą́ą́'.

JOSHUA 7:25 ပူးပေါင်းရင်းမြစ်များ

GENESIS 34:30

Áko Jéíkab éí Símiyan índa Líívai áyidííniid, Shik'ijį' hoołchįįdgo kéyah yii' kéédahat'ínígíí Kéínan dine'é índa Píírez dine'é t'áá íiyisí dashidzoosłáá'; t'áá dókóniilt'éhí, áko bí t'éiyá nihich'į' áłah áhi'doolníiłgo nidanihidoołtsił, áko shí áádóó sha'áłchíní bił ádiidįįł.

GENESIS 38:24

Ákódzaadóó bik'ijį' táá' nídeezidgo, Téímar nizháá'áád ałjiłnii yéé'iidlaa, áádóó jó'akon, ajił bee izh'niiltsąąd, ha'níigo Júdah bił hóóne'. Áádóó Júdah ádííniid, Aadę́ę́' bił ch'ínóhkááh, áko bíni'dii azhdidook'ą́ą́ł.

I CHRONICLES 2:7

Kármii biye' Éíkan wolyéii Ízrel dine'é bide áhodzósinii, éí Bóhólníihii bich'į' nideet'ánígíí bidázhnoolníigo bee haz'áanii k'ízhníti'.

PROVERBS 1:19

T'áá ádzíłtso t'áá áchą́hwíídéeni'go naalye'é aghadajii'níiłii éí t'áá hó hwe'iina' haa néididoodlééł.

PROVERBS 15:27

Ayóogo áchą́yídéelni'ii bighan yich'į' nahwiiłná, nidi a'ídeeł yijoołxáii éí hináa dooleeł.

LEVITICUS 20:14

Diné ła' éí asdzání áádóó bimá t'áá bił hwe'asdzą́ą́ ájiilaago éí doo yá'áshónígi áhóót'įįdii át'é; éí t'áá hwíighah adahodidoolk'ą́ą́ł; hó áádóó asdzání t'áá áłah bił akóhodi'doolnííł, áko nihitahgi doo yá'áshóonii doo hólǫ́ǫ da doo.

LEVITICUS 20:2

Ízrel dine'é anáábididíí'niił, Ízrel dine'é bitahdóó ła', doodaii' dé'éyóní éí Ízrel dine'é bitahgi t'óó átsééd kéédahat'ínígíí t'áá háiida ba'áłchíní ła' Mólek diyin bidi'níinii yich'į' nááyiisnii'go éí t'áá aaníí bidi'yoolyééł; kéyahdóó tsé yee hoł nidazdoołniił.

LEVITICUS 21:9

Áádóó náá'iiłniihii ła'da bitsi' doo ádá hodílzinii ajił nábiiłba'go doo ádá hodílzinii bee bizhé'é náyiiłba' doo, áko ch'ikę́ę́h abidi'doolk'ą́ą́ł.

LEVITICUS 24:14

Éí diné éédzíi'ii níbaal haal'á bits'áhwiiní'ą́ądi nidanohłóosgo t'áá ałtso dahodiizts'ą́ą'ii éí hatsii'káa'gi dah dadidoolnihgo t'áá dah oonééł nít'éé' hoł nidazdoołniił.

GALATIANS 5:12

Nihił dahółánígíí nahjį' kódabi'dólne' laanaa nisin!

DEUTERONOMY 13:10

Áádóó tsé bee hoł nidazdoołniiłgo dazdootsaał, háálá Bóhólníihii nihiDiyin God bits'ánihizhdínóo'ah biniyé nihíká ájíít'įįd; jó, Diyin God éí Ííjip kéyahdóó naalte' danohłį́ yę́ędę́ę́' háánihíí'eezh.

DEUTERONOMY 13:11

Áko Ízrel dine'é t'áá ałtso díí yaa dahodidoots'į́į́ł áádóó yik'ee bił daayée' doo, índa nihitahgóó doo yá'ádaashónígi áhát'íinii doo ła' ánáádoolníił da.

DEUTERONOMY 17:5

diné, doodaii' asdzánída éí doo yá'áshóonii yaa naayáhígíí kéédahoht'į́į́dóó dáń'dítį́hí góne' diné, doodaii' asdzánída ch'ídadoohłóosgo tsé bee bił nidazdoołniił.

DEUTERONOMY 21:21

Áádóó kin haal'áagi kééhat'ínídóó diné danilíinii t'áá ałtso tsé yee hoł nidazdoołniiłgo dazdootsaał; ákót'éego nihitahdóó doo yá'áshóonii nahjį' kódaoł'į́į doo, áko Ízrel dine'é t'áá ałtso da'íists'ą́ą'go bił daayée' doo.

II THESSALONIANS 1:6

Háálá Diyin God ts'ídá t'áá ákogi át'éego ádooníiłgo atídanihił'ínígíí ti'hoo'nííh yee k'ééhodidoodlííł.

HEBREWS 12:15

Áyąądą́ą́' diné t'áá háiida t'ááká Diyin God bibee ajooba' t'áadoo shóyoołt'eeh da lágo, baa dahonohsą́ą le', índa ayi' nahodik'ǫǫsh bihétł'óól nihich'į' hodiyółnáałgo nohłą́'í nihółchǫǫh lágo.

JOSHUA 6:18

Nidi nihí t'áadoo le'é Bóhólníihii bich'į' nideet'ánígíí ts'ídá bits'ąą ádaa ádahołyą́ą doo, éí doodaii' nídadooláago t'áá nihí hóyée'ii biih ádidoohnił índa Ízrel dine'é dah yinéłígíí ałdó' hóyée'ii biih dadoohnił áádóó bich'į' dahodiyoołnááł.

JOSHUA 7:15

Áko kót'ée doo: Bóhólníihii bich'į' nideet'áanii nízhdiinilii ahodi'doolk'ą́ą́ł áádóó hanaalye'é t'áá ałtso bił hwiih hodidoo'nił, háálá Bóhólníihii bibee aha'deet'áanii bee haz'ánígíí k'ízhníti' áádóó Ízrel dine'é bitahgi doo hóshkał baa nijiyá.

I SAMUEL 14:29

Áádóó Jánathan ájíní, Shizhé'é díí kéyahgi diné bich'į' hozdiisnáá', shoo, nánooshkąąh, tsés'ná bit ł'izh sélįhígíí bąą shił ch'ídi'nídláád.