JOSHUA 7:2 - Navajo Bible

² Áko Jáshowa éí Jériko kin haal'áádóó Éí'ai kin haal'áajį' diné ła' dah dahizhdiił'a'; Éí'ai éí Beth'éíven kin shijaa' bíighahgi Béthel ha'a'aahjígo kin haal'áhígóó dazdees'a'go ábizhdííniid, Nihílááh, kéyah hadaahsííd. Áko éí diné naalchi'í danilį́įgo Éí'aigóó eekaigo hada'íísid.

JOSHUA 7:2 ပူးပေါင်းရင်းမြစ်များ

GENESIS 12:8

Áádóó dashdiináago Béthel hoolyéhídóó ha'a'aah bich'į'go dził ní'áhígi nizh'níná; ákwii haníbaal nizh'nínil; e'e'aahjígo kin sinilígíí éí Béthel hoolyé; ha'a'aahjígo kin sinilígíí éí Éí'ai hoolyé; ákwii Bóhólníihii bich'į' náázhdi'yoołnih biniyé bikáá' náá'iiniihí ánáájiidlaago Bóhólníihii bízhi' józhíigo bich'į' sozdoolzin.

GENESIS 28:19

Ákwe'é Béthel hoolyée doo, jidííniid; bitséédą́ą́' Luz hoolyéego kin haal' áá nít'éé'.

I KINGS 12:29

Áádóó ła' Béthel hoolyéegi yiyiisį' áádóó náánáła' Dan hoolyéegi yiyiisį'.

NEHEMIAH 11:31

Bénjamin ba'áłchíní ahoolchíiłii ałdó' Gííba, Míkmash, Eiyáíja índa Béthel kin hadaas'áágóó áádóó binaagóó kin naazhjaa'góó kéédahat'į́į́ nít'éé',

PROVERBS 20:18

Nahat'á baa hwiinít'į́įgo hazhó'ó hasht'edaalne', áádóó kót'éego nidi'níigo anaa' áníł'į́.

PROVERBS 24:6

Háálá hódzą́ bee nandi'neestą́ą'go bíninil'ą́ągo dííbah, áádóó t'óó ahayóí kót'éego daaníinii hólǫ́ǫgi hasih haz'ą́.

ISAIAH 10:28

Éíyath kin haal'áagi níná áádóó Mígran haz'ánídóó ch'íníná; Míkmash haz'ánígi biyéél hasht'e'niinínil;

JEREMIAH 49:3

Héshban yinílyéii, Rábah nichago ák'idiit'aah, háálá Éí'ai kin haal'á hoolchxǫ'go ályaa. Rábahdóó atsi'ké danohłíinii, yéego daohcha; tł'oh yishbizh bee áká daołzisgo atínídadinohdleehgo kin haal'á binaa ahééda'astł'inígíí bine'dę́ę́' ałnááhohjah, háálá Málkam wolyéii áádóó binááda'iiłniihii índa bá nidaal'a'í naat'áanii danilíinii t'áá yił bi'disnáágóó dadooleeł.

HOSEA 4:15

Ízrel dine'é nohłíinii, azhą́ da'ołjił nidi, Júdah dine'é ádił da'oolziih lágo. Kin shijaa' Gílgal góyaa doo doohkah da índa Beth-éíven góde ałdó' dooda. Ts'ídá t'áá aaníí Bóhólníihii hiná; doo t'áá ádzaagóó ádee hadidoohdzih da.

MATTHEW 10:16

Jó'akon, dibé éí mą'iitsoh yitahgóó dadeeskaígi át'éego danihidish'á; éí bąą tł'iish hóyánígi át'éego dahonohsą́, áádóó hasbídí ba'át'e' ádinígi át'éego niha'át'e' ádaadin.

EPHESIANS 5:15

Éí bąą ádaa ádahołyą́ągo hazhó'ó dayínóhkááh, diné doo dahóyáaniigi át'éego éí dooda, nidi dahonohsą́ągo dayínóhkááh.

JOSHUA 12:9

Jériko dine'é aláahgo binanit'a'í t'ááłá'í, Béthel bíighahgiígíí Éí'ai dine'é aláahgo binanit'a'í t'ááłá'í,

JOSHUA 18:12

Náhookǫsjígo bihoodzooígíí Jórdan toohdóó hodeesdzo; éí hoodzooígíí Jériko kin haal'áii bíighah góde náhookǫsjí hodeesdzo áádóó dziłgo nahaz'ání góde e'e'aahjigo hodeesdzo áádóó Beth-éíven honoojíijį' hodeesdzo,

JOSHUA 2:1

Áádóó Nan biye' Jáshowa éí Shíttim hoolyéédóó diné naalchi'í nidilt'éego dashdiił'a'go ábijiní, Nihílááh, nahont'in nahaz'ą́ą́dóó Jériko kéyah hazhó'ó hadoohsiłgóó doh'aash. Áádóó ákǫ́ǫ́ jiní'áazhgo ałjiłnii asdzání léi' Réíhab wolyéii bighan góne' yah ajíí'áazhgo ákwii dzizkéé nít'éé'.

JOSHUA 7:3

Áko Jáshowa yaa nákaigo ádeidííniid, Háni'dii diné doo t'áá át'é ákǫ́ǫ́ dookah da, nidi diné naakidi mííl, doodaii' táadi míilgoda ákǫ́ǫ́ dookahgo Éí'ai hoolyéhígíí yaa tiih dookah. Diné doo t'áá át'é naanish biih doo'nił da, háálá t'áá díkwíí ákwii kéédahat'į́.

I SAMUEL 13:5

Áko Filístiya dine'é éí Ízrel dine'é yił da'ahidoogą́ą́ł biniyé áłah silį́į́', tádiindi mííl tsindaabąąs bijáád naakiígíí índa łį́į́' yee nidaabaahígíí éí hastą́ądi mííl; tónteel bibąąhgóó séí ánéelą́'ígi át'éego diné t'óó ahayóí niheezná, áko Beth-éíven kin shijaa'dóó ha'a'aahjígo Míkmash báhátis dahaazná.

I SAMUEL 14:23

Ákohgo éí bijį́ Bóhólníihii éí Ízrel dine'é yisdáyíínil; Beth-éíven kin shijaa'jį' bił da'ahijoogą́ą́'.

I SAMUEL 30:27

Béthel kin haal'áagi kéédahat'ínígíí bá dooleeł. Réímath shádi'ááhjígo kin haal'áagi kéédahat'ínígíí ałdó', Játer kin shijaa'góoda,