JOSHUA 7:19 - Navajo Bible

¹⁹ Áko Jáshowa éí Éíkan áyidííniid, Shiye' nílíinii, Ízrel biBóhólníihii Diyin God baa ha'niihgo éí bich'į' ádaa hodíílnih. T'áadoo shits'ąą naníł'iní; íínít'įįdígíí k'ad bee shił hólne'.

JOSHUA 7:19 ပူးပေါင်းရင်းမြစ်များ

II KINGS 20:15

Áádóó ání, Nighan góne' ha'át'íísh deinééł'į́į́'? Heziikáíyah haadzíi'go ání, Shighan góne' hólónígíí t'áá át'é deinééł'į́į́': shinaalye'é da'ílíinii bitahdóó t'áadoo ła' doodaí shá deinééł'į́į́'.

II CHRONICLES 30:22

Áko Heziikáíyah éí Líívai dine'é t'áá ałtso ha'ahóní yee yich'į' haadzíí'; éí yá'át'éehgo Bóhólníihii binaanish yik'ida'diitįįhgo yindaashnish. Áko dine'é éí tsosts'id yiską́ąjį' hodílzingo áłah azlį́į'go da'ííyą́ą́'; hózhǫ́ǫ́jí nááhániihii náádayiisnii', áádóó dabizhé'é yę́ę biBóhólníihii Diyin God yich'į' ádaa nidahasne'.

PSALMS 32:5

Ádił ni'iyísíi'ii nich'į' bee ádaa ákoniiszį́į́', áádóó doo ákwii áát'įįdii t'áadoo nídíł'į́į' da; Bee haz'áanii híti'ii éí Bóhólníihii bee bił hodeeshnih, dííniid; ákohgo doo ákwii át'éii bee ádił ni'iyísíi'ii shá yóó'ańdííní'ą́. Síilah.

PSALMS 51:3

Háálá bee haz'áanii héti'ii baa ákoniizį́į́', índa ádił ni'ayészíi'ii t'áá áłahjį' shi'diił'á.

PROVERBS 28:13

T'áá háiida bee haz'áanii k'íiníti'ii yik'i hooziidii doo náás doogáał da, nidi t'áá háiida bee haz'áanii k'ízhníti'ii bee ádaa hojoolne'ii áádóó yóó'azhdíí'áanii Diyin God bibee aa a'ááh hasinii shóizhdoołt'eeł.

ISAIAH 13:12

Óola nizhóníii ch'ééh hazhntáhígi át'éego éí biláahgo diné ch'ééh habidi'ntáago ádeeshłííł; t'áá Ófergi óola chin bąąh ádinii ch'ééh hazhntáhígi át'éego, éí biláahgo diné ch'ééh bíka'ntáa doo.

JEREMIAH 13:16

Bóhólníihii nihiDiyin God t'ah doo chahałheeł áhálééhdą́ą́' índa dziłghą́ą́'góó chahałheełdi t'ah doo dadohgeehdą́ą́', áádóó adinídíín há dasídóo'į́į'go adinídínígíí t'ah doo anoonééł bichaha'oh yileehdą́ą́', t'ah doo t'áá íiyisí bee chahałheełgo áhálééhdą́ą́' baa dahohniih.

DANIEL 9:4

Bóhólníihii shiDiyin God bich'į' sodiszingo ádił ni'iidzííh bee ádaa hashne'go ádíshní, Bóhólníihii ayóó át'éii Diyin God t'óó báhádzidii nílíinii, ayóó'ádanó'níinii índa nibee haz'áanii yik'eh dahół'íinii baa a'ááh nínízingo bee aha'deet'áanii yi'ósinii nílíinii,

LUKE 17:18

Da' Diyin God yich'į' ahééh dadínóozįįł biniyé t'áadoo t'ą́ą́' nákai da, t'áá hazhó'ó díí łahdę́ę́' dine'é nilíiniísh t'éiyá?

JOHN 9:24

Áko doo oo'į́į da nít'é'ígíí hágo náádeidoo'niidgo ádeidííniid, Diyin Godjígo baa hóniih; díí diné éí bąąhági ááníiłii nilį́įgo nihił béédahózin.

ROMANS 10:10

Háálá hajéí bee Jesus joodląąhgo ts'ídá t'áá ákogi ájít'éego há ha'adzih, áádóó t'áá hó Jesus bee ádee hazdidzihgo yisdáho'diltééh.

II TIMOTHY 2:25

a'ohgo ízhdólzingo t'áá aaníinii yits'ą́ą́jí nida'ádí'nilii nazhnitin doo. T'ah nít'ée'da łahgo át'éego tsíńdadookosgo, t'áá aaníinii yaa ákodadínóozįįłgo bá ashja'ósinígíí Diyin God beididoo'ááł.

TITUS 2:2

Diné wónáás daazlį́į'ii kódabidiní, Hazhó'ó nitsídaahkees, t'áadoo yíní ádahodołdiní, hazhó'ó ádaa ádahołyą́, índa dziilí bee da'iinohdlą́, ayóó'áda'íínóh'ní, índa nízaadgóó hada'íínółní.

JAMES 1:20

Háálá Diyin God ts'ídá t'áá ákogi át'éego yinaha'áhígíí éí diné bi'áháchį' doo yee ła'yidoolíił da.

JOSHUA 7:20

Áko Éíkan éí Jáshowa ánéidoo'niidgo ání, T'áá aaníí Ízrel dine'é biBóhólníihii Diyin God bich'į' ádił asésiih, áko díigi íít'įįd.

REVELATION 16:9

Áko t'áá íiyisí honiigaígíí bee diné daach'ilgo Diyin God díí bee ach'į' nidahwiiłnáanii bee hóhólníihii házhi' dayíídzíí', áádóó t'áadoo łahgo át'éego Diyin God yich'į' tsíńdadeezkéezgo yaa dahaznih da.

I SAMUEL 14:43

Áko Saul éí Jánathan áyidííniid, Baa nisíníyáhígíí bee shił hólne'. Áádóó Jánathan hoł hoolne'go ání, Shigish shílák'ee sitánígíí bee tsés'ná bitł'izh biih yítsigo sélįh. Kǫ́ǫ́ sézį́, t'áá aaníí dadeestsaał.

I SAMUEL 6:5

Éí bąągo ííshją́ą́ ch'ozh áádóó na'ats'ǫǫsí éí kéyah dayííłchxǫ'ígíí ádá bééda'doohdlííł, áádóó Ízrel dine'é biDiyin God baa dahohniih; eii shį́į́ áko Bóhólníihii bibee atí'él'íinii nihits'ą́ąjį' kwíidoolííł, índa nihidiyin danilíinii áádóó nihikédaayah ałdó' bits'ą́ąjį' kwíidoolííł.