JOSHUA 7:13 - Navajo Bible

¹³ Nídii'nééh, díí diné diyingo ánílééh áádóó ábididííniił, Yiską́ągo biniyé t'áá nihí doo nihąąh daachingóó diyingo ádadi'doołnííł, háálá Ízrel dine'é biBóhólníihii Diyin God ání, Ízrel dine'é danohłíinii, nihiníi'gi Bóhólníihii bich'į' nideet'áanii ła' hólǫ́; éí bąą nihida'ana'í doo bídanółdzilgo nidasoozį́į le' át'ée da; Bóhólníihii bich'į' nideet'áanii nihitahdóó nahgóó kódaahłaago t'éiyá.

JOSHUA 7:13 ပူးပေါင်းရင်းမြစ်များ

GENESIS 34:27

Áko Jéíkab biye'ké éí diné nideistseedígíí yaa yíkaigo kin haal'áhígi diné binaalye'é deisná, háálá dabideezhí t'óó baa yáhásingo áál'įįd.

II CHRONICLES 28:10

Áko k'ad, Júdah dine'é índa Jerúsalem kin haal'áagi kéédahat'íinii, diné áádóó asdzánída nihinaalte' danilį́į dooleeł danohsingo daołtsood. Áko nihí nidi nihiDiyin God Bóhólníihii bich'į' ádił nida'ayoosíi'go át'é.

MATTHEW 7:5

T'óó áhodil'íní nílíinii, áłtsé nástáán ninák'ee sitánígíí hanitįįh, áko índa hazhó'ó ííní'į́įgo nik'is binák'e oolts'idígíí bá hadíí'ááł.

DEUTERONOMY 13:6

Bił háíní'áázh, éí nimá biyáázh, doodaii' niye' ła', doodaii' nitsi' ła', doodaii' ne'asdzą́ą́ ayóó'ííní'níinii, doodaii' áhą́dígo nik'is nilíinii t'áá nahont'inee nihíni' nihá áháléehgo kónihididooniiłgo, Tį', diyin dabidi'níinii bá nideiil'a' doo; éí nihí áádóó danihizhé'é yę́ę ałdó' bił doo béédahonohsin da

JOSHUA 3:5

Áádóó Jáshowa éí diné áyidííniid, T'áá nihí diyingo áda'didoołnííł, háálá yiską́ągo nihitahgi Bóhólníihii álílee ayóó ádaat'éii íidoolííł.

JOSHUA 6:18

Nidi nihí t'áadoo le'é Bóhólníihii bich'į' nideet'ánígíí ts'ídá bits'ąą ádaa ádahołyą́ą doo, éí doodaii' nídadooláago t'áá nihí hóyée'ii biih ádidoohnił índa Ízrel dine'é dah yinéłígíí ałdó' hóyée'ii biih dadoohnił áádóó bich'į' dahodiyoołnááł.

JOSHUA 7:11

Ízrel dine'é ádił da'asiih áádóó shibee aha'deet'áanii bich'į' bee haasdzíi'go bee haz'ánígíí k'ídeizti', áádóó ałdó' Bóhólníinii bich'į' nideet'áanii ła' deineez'į́į́', áádóó ch'aadeishchį́, índa dabiyooch'íidgo dabinaalye'é bitahdi nideiznil.