JOSHUA 7:12 - Navajo Bible

¹² Éí bąą Ízrel dine'é bida'ana'í doo yídaníłdzil da, nidi bida'ana'í t'óó yits'ą́ąjį' nídadíníchééh, háálá ádooldįįłii dadzizlį́į́'. Áko doo nihił nááhonishdlǫ́ǫ da doo; t'áá hazhó'ó ádadooldįįłgo nideet'áanii nihitahdóó ádasoołdįįdgo t'éiyá.

JOSHUA 7:12 ပူးပေါင်းရင်းမြစ်များ

PSALMS 44:10

Ana'í t'áá bich'į'dóó naníshiijée'go ánihiinilaa. Áádóó danihijoołxáii éí nihinaalye'é yę́ę áłah ádayiilaa.

PSALMS 60:10

Diyin God nílíinii, doósh nahjį' ninihidííní'ą́ą da? Diyin God nílíinii, nihisiláo dah yinéełii t'áadoo bił yínínáa da.

PROVERBS 28:1

Diné doo yá'ádaashóonii doo ła' binoołchéeł da nidi dadíníchééh, nidi diné t'áá ákogi át'éii éí náshdóítsoh bitsiijį' ditł'ooígíí doo yist'i'ii át'é.

ISAIAH 59:2

nidi nihibąąhági ádaat'éii éí nihí áádóó nihiDiyin God yił ałts'ánihinínil, índa ádił nida'iyohsíhígíí biniinaa nihits'ąą nídeest'į́į'go doo nihididoots'į́įł da.

JEREMIAH 23:33

Ákohgo díí dine'é ła', éí doodaii' áhodoonííł yaa dahalne'ii ła', doodaii' nááda'iiłniihii ła', Bóhólníihii haa yit'éego baa nááháne'? níigo nanihídééłkidgo kót'éego bich'į' háádíídzih, Haa yit'éego hane'ígíí ááhdiní? Nihí yóó'anihidideesh'ááł, nihiłní Bóhólníihii bididííniił.

JEREMIAH 6:8

Jerúsalem nílíinii, shii' sizíinii doo nits'ą́ą́' dahodidooleełígíí biniyé índa nihidíínítąądgo doo áándidoolníłígíí biniyé áádóó ákwii kéyahgi diné t'áá kééhat'į́į dooleełígíí biniyé nani'dintingo í'díínílzin.

HOSEA 9:12

Azhą́ áłchíní bee hazlį́į' nidi, doo dahinaahgóó yąąh dabíni'go ádeeshłííł, áko diné doo ła' yidziih da doo. T'áá aaníí, bits'ą́ą́' dah diiyáago doo hojooba' ájíníi da.

HABAKKUK 1:13

Nináá' diyingo bąą t'óó baa'ihii níníł'į́įgo doo bohónéedzą́ą da áádóó doo yá'áshóonii doo níníł'į́į da; ákoshą' ha'át'éego diné indahagizii bich'oní'ní índa diné doo yá'ádaashóonii bilááh át'éego diné t'áá ákogi át'éii ádayoołdįįłgo t'óó dííníłhéél?

NUMBERS 14:39

Áko Mózes éí Ízrel dine'é t'áá ałtso díí ha'iisdzí'ígíí bee bił hojoolne', áko ayóó át'éego chaał hahóół'á.

NUMBERS 14:42

T'ááká ákǫ́ǫ́ hasohkááh lágo, háálá Bóhólníihii doo nihitah hólǫ́ǫ da, ákondi ak'eh dahonoł'į́įgo nihi'ana'í binááł doo ánihidi'dooldįįł da.

NUMBERS 14:43

Háálá Ámalek dine'é áádóó Kéínan dine'é nihidáahdi nidaakai áádóó diltłish yee nihił nidazdiyoołhał; jó, Bóhólníihii bits'ą́ąjį' noojé'ígíí biniinaa Bóhólníihii doo nihił hólǫ́ǫ da.

NUMBERS 14:45

Nít'éé' Ámalek dine'é áádóó Kéínan dine'é éí wók'ą́ądi kéédahat'ínígíí Ízrel dine'é yich'į' hadáájée'go nideistseed, índa t'áá níléí Hórmahjį' t'ą́ą́' anídeineeskaad.

DEUTERONOMY 7:26

Áádóó doo yildinii doo nihighan góne' yah adoohłéeł da, áko éí doo bee hóyée'go nihá ha'doodzih da, nidi doo hasht'é'égóó dajiinołháa doo, áádóó doo hasht'é'égóó bik'ee dadinohniih doo, háálá hóyée'go bá ha'oodzíi'ii át'é.

JOSHUA 6:18

Nidi nihí t'áadoo le'é Bóhólníihii bich'į' nideet'ánígíí ts'ídá bits'ąą ádaa ádahołyą́ą doo, éí doodaii' nídadooláago t'áá nihí hóyée'ii biih ádidoohnił índa Ízrel dine'é dah yinéłígíí ałdó' hóyée'ii biih dadoohnił áádóó bich'į' dahodiyoołnááł.

JUDGES 16:20

Áko hadoolghaazhgo ání, Sámson, aadę́ę́' Filístiya dine'é nik'i dah yizhjéé'! Áko ajiłhoshdę́ę́' nízhdiina'go ájíní, T'áá ánéisht'įįhígi át'éego ch'ídeeshááł áádóó ádíshgáád dooleeł. Áko Bóhólníihii hats'ą́ą́' dahodiile'ígíí doo hoł bééhózin da.

JUDGES 2:14

Ákohgo Bóhólníihii éí Ízrel dine'é yich'į' báhóóchįįdgo aghada'ii'níiłii hoł nidínóodah biniyé yaa hodiní'ą́. Hanaagóó hwe'ana'í kéédahat'ínígíí hwee ádídahólníihgo áhoolaa, áko hwe'ana'í danilíinii doo bídazhníłdzilgóó áhoolaa.

JUDGES 2:4

Ákódzaago Bóhólníihii bidiyingo naal'a'í éí Ízrel dine'é yich'į' díí saad yee hahaasdzíí', áko diné chánahgo ida'niichago dáácha.

I SAMUEL 14:38

Saul ání, Haa'íshą' diné yá aląąjį' naazíinii danohłíinii t'áá ánółtso, hágo, áko nihił béédahodoozįįł áádóó dadínóoł'įįł háishą' jį́į́dą́ą́' ádił ni'iidzííh yaa naayá.