JOSHUA 7:11 - Navajo Bible

¹¹ Ízrel dine'é ádił da'asiih áádóó shibee aha'deet'áanii bich'į' bee haasdzíi'go bee haz'ánígíí k'ídeizti', áádóó ałdó' Bóhólníinii bich'į' nideet'áanii ła' deineez'į́į́', áádóó ch'aadeishchį́, índa dabiyooch'íidgo dabinaalye'é bitahdi nideiznil.

JOSHUA 7:11 ပူးပေါင်းရင်းမြစ်များ

II KINGS 18:12

Háálá Bóhólníihii haDiyin God ánínígíí doo bik'eh dahojíł'į́į da nít'éé', nidi bibee ałha'deet'áanii t'óó bik'i nidziskai índa Bóhólníihii bá naal'a'í Mózes yee hach'į' haadzí'ígíí t'áá át'é doo dayíists'ą́ą' dago doo yik'ehgo ádaanéeh da nít'éé'.

II KINGS 5:24

Nít'éé' yílk'id léi'gi jíkaigo bílák'ee hajíínilgo kin góne' yah ajííjaa', áádóó diné béézhníłnii'go dah nídiit'áázh.

ISAIAH 24:5

Nahasdzáán yíchǫ', háálá yikáá' kéédahat'ínígíí bee nahaz'áanii doo yik'eh dahóół'įįd da, áádóó bik'ehgo hoogáałii łahgo át'éego ádayiilaa índa hool'áágóó bee aha'deet'áanii k'ídeizti'.

JEREMIAH 31:32

Dabizhé'é yę́ę dabíla' deíníshtą'go Ííjip kéyahdę́ę́' ch'íní'eezh yę́ędą́ą́' bił ahada'dinisht'áanii éí doo bik'ehgo da. Azhą́ hahastiin nishłį́į nidi, éí hoł ahada'dinisht'áanii k'ídadzizti', ní Bóhólníihii,

HOSEA 6:7

Nidi átsé hastiin ádzaaígi át'éego shibee aha'deet'áanii k'ídeizti'go na'adlo' shindayiisdéél.

LEVITICUS 5:15

Ła' doo ákǫ́ǫ́ ájíít'įįdgóogo áádóó dílzingo Bóhólníihii baa náhidit'aahígíí t'áadoo baa ákozníziní bił ádił adzisiihgo éí dibé bitahdę́ę́' deenásts'aa' hadaałt'éii éí shékel wolyéii hodiyingo haz'ą́ą́ góne' choo'íinii bik'ehgo doo ákǫ́ǫ́ ájíít'įįdígíí biniyé nááhidoonihii jidoolóós.

HABAKKUK 2:6

Díí t'áá ałtso bee haa hane'go t'óó há nidahałt'i'go ádahodidooniił, Doo hwíí'góó k'ee'ąązhnoołt'į́įłii hach'į' doo hojooba' ájíníi da! Haa nízáágóoshą' ákót'ée doo? Jó, éí t'áá hó ąąh hazdinootsii bee hade áhoot'é íz'dólzin.

ZECHARIAH 5:4

T'áá ałtsoní bee Bóhólníihii ání, Díí hak'ijį' kódeeshłíiłgo da'ni'įįhii áádóó dabiyooch'íidgo shízhi' yee ádee hadahididziihii bił yah ahodooleełgo t'áá ákwii hólǫ́ǫ doo índa bikin bik'ijį' hóyée'go bá hadeesdzihgo tsin áádóó tsé bee ádaalyaii t'áá bił ałtso íidoołdįįł.

MATTHEW 22:21

Nít'éé' ádahałní, Síízar lą́ą. Áko ábijiní, Éí lá bąą, Síízar bíhígíí Síízar baa nídahoh'níił ni, áádóó Diyin God bíhígíí éí Diyin God baa nídahoh'nííł.

ACTS 5:9

Nidi Peter áháłní, Ha'át'éegoshą' Bóhólníihii biNíłch'i bídínóohtahgo ahadi'nooht'ą́? Jó'akon, nahastiin yę́ę yóó'ádayiilaaígíí tł'óó'dę́ę́' bikédil dadiits'a', áko ni ałdó' ch'ídandoołtééł.

DEUTERONOMY 17:2

Nihikin hadaas'áágóó nihitahgi Bóhólníihii nihiDiyin God nihaa hodiní'ánígi diné, doodaii' asdzánída Bóhólníihii nihiDiyin God binááł doo yá'áshónígi ádziidzaago bibee aha'deet'áanii k'ízhdootihgo

HEBREWS 4:13

Áko Diyin God ádayiilaii doo ła' bits'ąą nídót'įįh át'ée da, nidi binááł t'áá ałtsoní t'áadoo bahat'aadí índa t'áá ííshjání danilį́. T'áá bí t'éí bich'į' niha'át'e' t'áá ałtso bee ádaa nidahodiilnih.

JOSHUA 23:16

Bóhólníihii nihiDiyin God bibee aha'deet'áanii nihich'į' yee haadzíi'ii bilááh ni'ádinooh'nilgo áádóó diyin dabidi'níinii bá nidaał'a'go índa éí bich'į' yaa áńdaaht'įįhgo Bóhólníihii t'áá íiyisí nihich'į' báhodoochįįł, áádóó kéyah yá'át'éehii nihaidiní'áanii ałtso tsį́įłgo bąąh ánihidi'dooldįįł.

JOSHUA 7:1

Nidi Bóhólníihii bich'į' nideet'ánígíí Ízrel dine'é doo ákǫ́ǫ́ ádayííł'įįd da; jó, Éíkan éí Kármii biye' éí Zábdai biye' éí Zíírah biye' éí Júdah dine'é jílį́įgo, díí Bóhólníihii bich'į' nideet'ánígíí ła' nízhdiinilgo Bóhólníihii ts'ídá doo hasht'é'égóó Ízrel dine'é yich' į' báhóóchįįd.

JOSHUA 7:10

Bóhólníihii éí Jáshowa áyidííniid, Nídiidááh, ha'át'íishą' biniyé tsé'yaa shíníjool?

JUDGES 2:20

Ákohgo Bóhólníihii éí Ízrel dine'é yich'į' báhóóchįįdgo ání, Díí dine'é éí shibee aha'deet'áanii k'ídeizti'; dahazhé'é yę́ę éí yik'eh dahół'į́į doo biniyé bich'į' bee haasdzíí' nít'éé', áko ádíshníinii doo dayíists'ą́ą' da.

I SAMUEL 14:38

Saul ání, Haa'íshą' diné yá aląąjį' naazíinii danohłíinii t'áá ánółtso, hágo, áko nihił béédahodoozįįł áádóó dadínóoł'įįł háishą' jį́į́dą́ą́' ádił ni'iidzííh yaa naayá.